ദൈവാനുഭവത്തില്‍ കുട്ടികളെ വളര്‍ത്തുക മതബോധനത്തിന്റെ മുഖ്യലക്ഷ്യം: ആര്‍ച്ച്ബിഷപ് ഡോ. എം. സൂസപാക്യം
തിരുവനന്തപുരം: ബൗദ്ധിക തലത്തിലുള്ള അറിവ് പകരുകയല്ല ദൈവാനുഭവത്തിലേക്ക് കുട്ടികളെ വളര്‍ത്തുകയാണ് മതബോധനത്തിന്റെ മുഖ്യലക്ഷ്യമെന്നു ആര്‍ച്ച്ബിഷപ് ഡോ. എം. സൂസപാക്യം. വെള്ളയമ്പലം ലിറ്റില്‍ ഫഌവര്‍ പാരിഷ് ഹാളില്‍ അതിരൂപതാ ക്രിസ്തീയവിശ്വാസജീവിത പരിശീലന വാര്‍ഷികം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
അരൂപിയായ ദൈവം സ്‌നേഹത്തിന്റെ രൂപത്തില്‍ പ്രപഞ്ചമാകെ നിറഞ്ഞു നില്‍ക്കുന്നു. സ്‌നേഹം തന്നെയായ ദൈവത്തെക്കുറിച്ചുള്ള അറിവും വിശ്വാസവും ആദ്യം മക്കള്‍ക്ക് പകര്‍ന്നു നല്‍കേണ്ട കര്‍ത്തവ്യം മാതാപിതാക്കള്‍ക്കാണ്. വിശ്വാസത്തില്‍ അവര്‍ മക്കള്‍ക്ക് ഉത്തമ മാതൃകയായിരിക്കുകയും വേണം. പ്രകാശപൂര്‍ണമായ വിശ്വാസത്തിന്റെ ആഴങ്ങളിലേക്ക് വിദ്യാര്‍ത്ഥികളെ നയിക്കാന്‍ മതബോധന അദ്ധ്യാപകര്‍ക്ക് കഴിയണമെന്നും ആര്‍ച്ച്ബിഷപ് ഓര്‍മിപ്പിച്ചു.
മതബോധന പരീക്ഷയില്‍ അതിരൂപതാതലത്തില്‍ മികച്ച വിജയം കരസ്ഥമാക്കിയവര്‍ക്കുള്ള അവാര്‍ഡ് വിതരണം ആര്‍ച്ച്ബിഷപ് നിര്‍വഹിച്ചു. അജപാലനശുശ്രൂഷാ ഡയറക്ടര്‍ റവ. ഡോ. ലോറന്‍സ് കുലാസ് അദ്ധ്യക്ഷനായിരുന്നു. റോബര്‍ട്ട് പനിപ്പിള്ള മുഖ്യപ്രഭാഷണം നടത്തി. മതബോധന സെക്രട്ടറി എഫ്. സില്‍വദാസ് റിപ്പോര്‍ട്ട് അവതരിപ്പിച്ചു. ഡാലിയ ക്രൂസ്, മേരി ജോസഫ് എന്നിവര്‍ പ്രസംഗിച്ചു. അജപാലനശുശ്രൂഷാ അസിസ്റ്റന്റ് ഡയറക്ടര്‍ ഫാ. മുത്തപ്പന്‍ അപ്പോലി സ്വാഗതവും സിസ്റ്റര്‍ ബ്രിജിത് നന്ദിയും പറഞ്ഞു.
Related Articles
എങ്ങനേങ്കിലും പെഴച്ചോളാനെന്നും പറഞ്ഞ് ആരുമിനി വരണ്ട
കടലും കാര്‍ട്ടൂണും കവരുകയാണ് ഞങ്ങളുടെ ജീവിതങ്ങളെയെന്ന് പറയുകയാണ്. യോഗമുണ്ടെങ്കില്‍ യോഗചെയ്ത് പെഴച്ചോളാന്‍ അന്തരാഷ്ട്രയോഗദിനം പ്രഖ്യാപിച്ച് സര്‍ക്കാരും ഈ ആഴ്ചയില്‍ ഉഷാറാകുന്നുണ്ട്. കുറ്റം പറയരുതല്ലോ. മായാവാദത്തിന്റെ മഹത്തായ നാട്ടില്‍,
വിശ്വാസവിരുദ്ധ പരമാര്‍ശം സര്‍ക്കാര്‍ നടപടി സ്വീകരിക്കണം -കെസിബിസി
എറണാകുളം: ക്രൈസ്തവ വിശ്വാസത്തിന്റെ ഭാഗമായ കുമ്പസാരം എന്ന വിശുദ്ധ കൂദാശയെ നിന്ദിച്ചും അവഹേളിച്ചും കേരളാ ഭാഷാ ഇന്‍സ്റ്റിറ്റിയൂട്ട് വിജ്ഞാനകൈരളി മാസികയില്‍ പ്രഫ. വി. കാര്‍ത്തികേയന്‍ നായര്‍ നടത്തിയ
സൗദി രാജകുടുംബത്തിലെ 150 പേര്‍ക്ക് കൊവിഡ്
റിയാദ് : റിയാദ് ഗവര്‍ണര്‍ ഉള്‍പ്പെടെ സൗദി അറേബ്യയിലെ അല്‍ സൗദ് രാജകുടുംബത്തിലെ 150 അംഗങ്ങള്‍ക്ക് കൊറോണവൈറസ് പിടിപെട്ടതായി റിപ്പോര്‍ട്ട്. റിയാദ് ഗവര്‍ണര്‍ ഫൈസല്‍ ബിന്‍ ബന്തര്‍
