നന്മകളിലൂടെ മാത്രമേ മനുഷ്യജന്മം പൂര്‍ണതയിലെത്തുകയുള്ളൂ – ഡോ. അലക്‌സാണ്ടര്‍ ജേക്കബ്
കൊല്ലം: മനുഷ്യജീവിതം പൂര്‍ണവികാസം പ്രാപിക്കുന്നത് മാതാപിതാക്കള്‍, ഗുരു, പുരോഹിതന്‍ എന്നിവരിലൂടെയാണെന്നും ജീവിതത്തില്‍ ചെയ്തുതീര്‍ക്കേണ്ട നന്മ പ്രവൃത്തികള്‍ ചെയ്തുതീര്‍ത്താല്‍ മാത്രമേ പൂര്‍ണതയിലേക്ക് എത്താന്‍ സാധിക്കൂവെന്നും ഡോ. അല്കസാണ്ടര്‍ ജേക്കബ് പറഞ്ഞു. കൊല്ലം രൂപതാ ബിസിസി സംഘടിപ്പിച്ച ഉണര്‍വ് – 2018 ശില്‍പശാലയില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. കായികമായും മാനസികമായും ഒരു വ്യക്തി ബലവാനായാല്‍ മാത്രമേ ജീവിതത്തില്‍ ലക്ഷ്യത്തിലെത്തിച്ചേരാന്‍ ആകൂ. ഒരു കുഞ്ഞിന്റെ മാനസികശേഷിയും ബുദ്ധിവികാസവും ഗര്‍ഭസ്ഥാവസ്ഥയില്‍ തന്നെ തുടങ്ങുന്നുണ്ട്.
ഊര്‍ജസ്വലമായ നേതൃത്വമാണ് ഒരു സമൂഹത്തിന്റെ ഗതി നിര്‍ണയിക്കുന്നത്. തീക്ഷ്ണതയോടെ ജനങ്ങളെ സേവിക്കാനാണ് ദൈവം നമ്മെ ഓരോരുത്തരെയും തിരഞ്ഞെടുത്തിരിക്കുന്നതെന്നും അദ്ദേഹം വ്യക്തമാക്കി. കൊല്ലം രൂപതാ വികാരി ജനറല്‍ മോണ്‍. വിന്‍സന്റ് മച്ചാഡോ ഉദ്ഘാടനം ചെയ്തു.
ബിസിസി അസിസ്റ്റന്റ് ഡയറക്ടര്‍ ഫാ. ജോയി ലൂയിസ് ഫെര്‍ണാണ്ടസ് അദ്ധ്യക്ഷത വഹിച്ചു. ബിസിസി കൊല്ലം രൂപതാ കോ-ഓര്‍ഡിനേറ്റര്‍ സജീവ് പരിശവിള, സിസ്റ്റര്‍ ടെസി ആന്റണി, ശോഭ തോമസ്, സിറോഷ് ആന്‍ഡ്രൂസ്, മേരി ഷിബു, ജോസഫ് മല്ല്യാര്‍, റോജ സുഗുണ്‍, അലക്‌സ് മുതുകുളം എന്നിവര്‍ പ്രസംഗിച്ചു.
അന്താരാഷ്ട്ര ട്രെയിനര്‍ ഡോ. ജസ്റ്റിന്‍ ജി. പടമാടന്‍ ക്ലാസ് നയിച്ചു. സമൂഹത്തില്‍ കൂട്ടായ്മയുടെ അഭാവം പ്രകടമാണെന്നും പ്രളയദുരന്തം നേരിടാന്‍ കേരള ജനത ഒരു മനസോടെ മുന്നോട്ടുവന്നത് ശുഭോദര്‍ക്കമാണെന്നും അദ്ദേഹം ചൂണ്ടിക്കാട്ടി. കൊല്ലം രൂപതയിലെ എട്ട് ഫൊറോനകളിലെ ബിസിസി നേതൃസംഗമത്തില്‍ മാവേലിക്കര മുതല്‍ പാരിപ്പള്ളി വരെയുള്ള 116 ഇടവകകളിലെ പ്രതിനിധികള്‍ പങ്കെടുത്തു.
Related Articles
ആനക്കാര്യത്തില്‍ ഇളക്കമില്ലാതെ കളക്ടര്‍ അനുപമ
തൃശൂര്‍: തൃശൂര്‍ പൂരത്തിന് എഴുന്നള്ളിക്കുന്ന ആനകളുടെ കാര്യത്തില്‍ കോടതി ഉത്തരവില്‍ വെള്ളം ചേര്‍ക്കാനില്ലെന്ന് കളക്ടര്‍ അനുപമ വ്യക്തമാക്കി. പൂരത്തിന് ആനകളെ എഴുന്നള്ളിക്കുന്നതിന് നിയന്ത്രണങ്ങളുണ്ട്. അത് കോടതി ഉത്തരവിന്റെ
നിലവിലുള്ള രാഷ്ട്രീയ സാഹചര്യങ്ങള്‍ ഭീകരതയ്ക്ക് വളംവയ്ക്കുന്നു: ടി.പി.സെന്‍കുമാര്‍
എറണാകുളം: സംസ്ഥാനത്ത് നിലവിലുള്ള രാഷ്ട്രീയസാഹചര്യങ്ങളാണ് ഭീകരതയ്ക്ക് അനുകൂലമായ പ്രധാന ഘടകമെന്നും ജനസംഖ്യാപെരുപ്പം ലാക്കാക്കിയുള്ള ലൗ ജിഹാദ്‌പോലുള്ള പ്രവര്‍ത്തനങ്ങള്‍ ചിലര്‍ തങ്ങളുടെ സാമ്പത്തിക-രാഷ്ട്രീയ ലക്ഷ്യങ്ങള്‍ക്കായി ഉപയോഗിക്കുന്നുണ്ടെന്നും ഇതിന് വ്യക്തമായ
ഇന്ത്യയും കൊറോണയുടെ ഇരുപതിനായിരം ക്ലബ്ബില്‍
*ലോകത്ത് കൊറോണ രോഗികള്‍ 2,558,951, മരണം 177,704 ന്യൂഡല്‍ഹി: ഇരുപതിനായിരം കൊവിഡ്-19 രോഗികളുള്ള രാജ്യങ്ങളുടെ പട്ടികയില്‍ ഇന്ത്യയും സ്ഥാനംപിടിച്ചു. 20,225 രോഗികളാണ് ഇപ്പോള്‍ ഇന്ത്യയിലുള്ളത്. 655 പേരാണ്
