നല്ല സമറിയാക്കാരനും സുവിശേഷകനുമായിരിക്കുക-ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍
വിജയപുരം: വിജയപുരം വിന്‍സെന്റ് ഡി പോള്‍ സെന്‍ട്രല്‍ കൗണ്‍സിലിന്റെ 39-ാമത് വാര്‍ഷികം വിമലഗിരി പാസ്റ്ററല്‍ സെന്ററില്‍ ആഘോഷിച്ചു. മൂന്നാര്‍ ഏരിയാ കൗണ്‍സിലിന്റെ മുന്‍ പ്രസിഡന്റ് സി. എസ് ജോസഫ് പതാക ഉയര്‍ത്തി. ദിവ്യബലിക്കും ദിവ്യകാരുണ്യാരാധനയ്ക്കും ശേഷം വാര്‍ഷിക സമ്മേളനം ആരംഭിച്ചു. പ്രാരംഭപ്രാര്‍ഥനയ്ക്കും ജ്ഞാനവായനയ്ക്കും ശേഷം സുരേഷ് എന്‍. വാര്‍ഷിക റിപ്പോര്‍ട്ടും റ്റി. ജെ ജോസഫ് വാര്‍ഷിക കണക്കും അവതരിപ്പിച്ചു. ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍ വാര്‍ഷിക സമ്മേളനം ഉദ്ഘാടനം ചെയ്തു. യഥാര്‍ത്ഥ വിന്‍സെഷ്യന്‍ നല്ല സമറിയാക്കാരനും സുവിശേഷകനുമായിരിക്കണമെന്ന് ബിഷപ് ഉദ്‌ബോധിപ്പിച്ചു. നമുക്കുള്ളതെല്ലാം മറ്റുള്ളവരുമായി പങ്കുവെയ്ക്കുന്നതിനോടൊപ്പം നമ്മിലുള്ള ഈശോയെയും നല്കണം. ഇല്ലായെങ്കില്‍ വിന്‍സെന്‍ഷ്യന്‍ പ്രവര്‍ത്തനം അതിന്റെ യഥാര്‍ത്ഥ ചൈതന്യത്തില്‍ നടപ്പിലാകില്ല എന്ന് അദ്ദേഹം വ്യക്തമാക്കി.
എപ്പിസ്‌കോപ്പല്‍ വികാരി ജനറല്‍ മോണ്‍. സെബാസ്റ്റ്യന്‍ പൂവത്തുങ്കല്‍ വിന്‍സെന്‍ഷ്യന്‍ പ്രതിജ്ഞാ നവീകരണത്തിന് നേതൃത്വം നല്കി. സെന്‍ട്രല്‍ കൗണ്‍സില്‍ പ്രസിഡന്റ് മൈക്കിള്‍ ഡിക്രൂസ് അധ്യക്ഷനായിരുന്നു. ലീജിയന്‍ ഓഫ് മേരി രൂപതാ പ്രസിഡന്റ് മേരി മാത്യു, വര്‍ഗീസ് തോമസ് എന്നിവര്‍ ആശംസകള്‍ നേര്‍ന്നു. പട്ടിത്താനം ഏ. സി പ്രസിഡന്റ് സെബാസ്റ്റ്യന്‍ പി. വൈ സ്വാഗതവും സി.സി സീനിയര്‍ വൈസ് പ്രസിഡന്റ് ജസ്റ്റിന്‍ ഡേവിഡ് നന്ദിയും പറഞ്ഞു.
Related Articles
സിബിസിഐ ന്യൂനപക്ഷ ദിനാചരണം നടത്തും
ന്യൂഡല്‍ഹി: ഇന്ത്യയിലെ ക്രൈസ്തവ ന്യൂനപക്ഷ സമുദായം നേരിടുന്ന വിവിധ പ്രശ്‌നങ്ങള്‍ ഉയര്‍ത്തിക്കാട്ടി ഡിസംബര്‍ 18 ന് കത്തോലിക്കാ ബിഷപ്പ്‌സ് കോണ്‍ഫറന്‍സ് ഓഫ് ഇന്ത്യ(സിബിസിഐ) ന്യൂനപക്ഷ അവകാശ ദിനാചരണം
വിജയപുരം രൂപത പ്രാർഥനാദിനം ആചരിച്ചു
മൂന്നാർ: പെട്ടിമുടിയിൽ മരണമടഞ്ഞവരുടെ ആത്മശാന്തിക്കായി വിജയപുരം രൂപത പ്രാർഥനാദിനം ആചരിച്ചു. രൂപതാധ്യക്ഷൻ റൈറ്റ്.റവ.ഡോ.സെബാസ്റ്റ്യൻ തെക്കെത്തേച്ചേരിൽ, മൂന്നാർ മൗണ്ട് കാർമൽ ഇടവകയുടെ സ്റ്റേഷൻ പള്ളിയായ രാജമല സെൻ്റ്.തെരേസാസ് ദേവാലയത്തിൽ
കുടിയേറ്റത്തിന് താത്കാലിക വിലക്കുമായി ട്രംപ്
ന്യൂയോര്‍ക്ക്: കൊവിഡ് വ്യാപനത്തിന്റെ പേരില്‍ വിദേശികള്‍ക്ക് താല്‍ക്കാലിക വിലക്ക് ഏര്‍പ്പെടുത്തുമെന്ന് അമേരിക്കന്‍ പ്രസിഡന്റ് ഡോണാള്‍ഡ് ട്രംപ്. അമേരിക്കക്കാരുടെ ജോലി സംരക്ഷിക്കാനാണ് തന്റെ നടപടിയെന്നും ട്രംപ് ട്വിറ്ററിലൂടെ അവകാശപ്പെട്ടു.
