Breaking News

നഷ്ടപ്പെട്ട കടല്‍ത്തീരം വീണ്ടെടുക്കാന്‍ ബ്രേക്ക്‌വാട്ടര്‍ സിസ്റ്റം നടപ്പിലാക്കും -മന്ത്രി ജെ. മേഴ്‌സിക്കുട്ടിയമ്മ

നഷ്ടപ്പെട്ട കടല്‍ത്തീരം വീണ്ടെടുക്കാന്‍ ബ്രേക്ക്‌വാട്ടര്‍ സിസ്റ്റം നടപ്പിലാക്കും -മന്ത്രി ജെ. മേഴ്‌സിക്കുട്ടിയമ്മ

തിരുവനന്തപുരം : തിരുവനന്തപുരം ജില്ലയില്‍ കടല്‍ക്ഷോഭത്തില്‍ നഷ്ടപ്പെട്ട കടല്‍ത്തീരം വീണ്ടെടുക്കാന്‍ പൂന്തുറ, ബീമാപ്പള്ളി, വലിയതുറ, ശംഖുമുഖം എന്നീ പ്രദേശങ്ങളില്‍ ഓഫ് ഷോര്‍ ബ്രേക്ക് വാട്ടര്‍ സിസ്റ്റം നടപ്പിലാക്കുമെന്ന് സംസ്ഥാന ഫിഷറീസ് മന്ത്രി മേഴ്‌സിക്കുട്ടിയമ്മ പറഞ്ഞു. വലിയതുറ ഇടവക സംഘടിപ്പിച്ച ‘കടല്‍ത്തീരം പ്രശ്‌നങ്ങളും പരിഹാരങ്ങളും’ എന്ന പഠനചര്‍ച്ച ഉദ്ഘാടനം ചെയ്തു പ്രസംഗിക്കുകയായിരുന്നു അവര്‍. പുലിമുട്ടുകളും തുറമുഖങ്ങളും നിരവധി പാരിസ്ഥിതിക പ്രത്യാഘാതങ്ങള്‍ ഉണ്ടാക്കുന്നതിനാല്‍ പാരിസ്ഥിതിക പ്രശ്‌നങ്ങള്‍ ഉണ്ടാക്കാത്ത ബ്രേക്ക്‌വാട്ടര്‍ സിസ്റ്റമാണ് ഏറ്റവും ഉചിതം. ഇതിനായുള്ള പഠനങ്ങള്‍ പൂര്‍ത്തിയായിട്ടുണ്ട്. ആദ്യഘട്ടമായി പൂന്തുറയില്‍ ബ്രേക്ക്‌വാട്ടര്‍ നിര്‍മിക്കും. വിജയിച്ചുവെന്നു കണ്ടാല്‍ മറ്റ് മൂന്നു സ്ഥലങ്ങളിലും ഒരേ സമയം നിര്‍മാണം തുടങ്ങുമെന്നും മന്ത്രി പറഞ്ഞു.
വിഴിഞ്ഞം അന്താരാഷ്ട്ര തുറമുഖ നിര്‍മാണത്തിനുശേഷം പദ്ധതി പ്രദേശത്തിന്റെ വടക്കുഭാഗമായ പൂന്തുറ മുതല്‍ ശംഖുമുഖം വരെയുള്ള ഭാഗങ്ങള്‍ ദ്രുതഗതിയില്‍ തീരശോഷണം നടക്കുകയാണ്. അടിയന്തരമായി വലിയതുറ ഭാഗത്ത് കടല്‍ഭിത്തി നിര്‍മ്മിച്ചില്ലെങ്കില്‍ ഈ മണ്‍സൂണ്‍ കാലത്ത് മൂന്നു നിര വീടുകള്‍കൂടി നഷ്ടപ്പെടാന്‍ സാധ്യതയുണ്ട്. ഇക്കാര്യത്തിനായി ശക്തമായ പ്രതിഷേധ പരിപാടികള്‍ സംഘടിപ്പിക്കാനും അടിയന്തരമായി ഗവണ്‍മെന്റ് നടപടികള്‍ കൈക്കൊണ്ടില്ലെങ്കില്‍ ഈ പ്രദേശങ്ങളില്‍ വലിയ ദുരന്തം സംഭവിക്കുമെന്നും ചര്‍ച്ചയ്ക്ക് മോഡറേറ്ററായിരുന്ന തിരുവനന്തപുരം അതിരൂപത പിആര്‍ഒ മോണ്‍. യൂജിന്‍ പെരേര അഭിപ്രായപ്പെട്ടു.
ഫാ. സുധീഷ് ദാസ് വിഷയാവതരണം നടത്തി. ഫാ. സൈറസ് കളത്തില്‍, ഫാ. മെല്‍ക്കണ്‍, ഫാ. ഷാജിന്‍ ജോസ്, ഫിഷറീസ് ഡെപ്യൂട്ടി ഡയറക്ടര്‍ ബീനാകുമാരി, ജലസേചന വകുപ്പ് സൂപ്രണ്ട് എന്‍ജിനിയര്‍ ഫിലിപ്പ് മത്തായി, വലിയതുറ വാര്‍ഡ് കൗണ്‍സിലര്‍ ഷീബ പാട്രിക്ക്, പേട്ട വില്ലേജ് ഓഫീസര്‍ സലീല എന്നിവര്‍ ചര്‍ച്ചയില്‍ പങ്കെടുത്തു സംസാരിച്ചൂ. ഡാഫിനി പാപ്പച്ചന്‍ സ്വാഗതവും, സുരേഷ് പീറ്റര്‍ കൃതജ്ഞതയും പറഞ്ഞു.


Related Articles

പുല്ലൂറ്റ് ദുരിതാശ്വാസ ക്യാമ്പിൽ നിന്നും നൊമ്പരത്തോടെ വിട

മതസൗഹാർദ്ദത്തിന് യും സാഹോദര്യത്തെയും ഉത്തമ മാതൃക പ്രകടിപ്പിച്ചുകൊണ്ട് കൊടുങ്ങല്ലൂർ IRW ക്യാംബിൽ നിന്ന് ആളുകൾ വീടുകളിലേക്ക് തിരിച്ചു പോകുന്ന സമയം. കൊടുങ്ങല്ലൂർ പുല്ലൂറ്റ് ലുള്ള ദുരിതാശ്വാസ ക്യാമ്പിൽ

പുനരധിവാസ പ്രവർത്തനങ്ങളിൽ നമുക്കൊരുമിച്ച് മുന്നേറാം

എറണാകുളം: പ്രളയക്കെടുതിക്ക് ശേഷം വീടുകളിലേക്ക് തിരികെ പോകുന്നവരെ സഹായിക്കാൻ ചെറു സംഘങ്ങളായി സേവനം നൽകാൻ തയ്യാറുള്ളവർ അത്തരത്തിൽ സംഘം തയ്യാറാക്കി കോൺടാക്ട് നമ്പർ അയച്ചു തരണമെന്ന് അഭ്യർത്ഥിക്കുന്നു.

ആവശ്യങ്ങള്‍ കണ്ടറിഞ്ഞ് കയ്റോസിന്റെ ഇടപെടല്‍

കണ്ണൂര്‍ രൂപതയുടെ സാമൂഹ്യസേവന വിഭാഗമായ കയ്റോസ് കൊറോണക്കാലത്തു നടത്തിയ സാമൂഹിക ഇടപെടലുകള്‍ ശ്രദ്ധേയമായി. കൊറോണവൈറസ് വ്യാപനം തടയുന്നതിന് ലോക്ഡൗണ്‍ ആരംഭിച്ചതിനു തൊട്ടടുത്ത ദിവസം മുതല്‍ കണ്ണൂര്‍ ജില്ലയിലെ

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*