നിവാര്‍ ചുഴലിക്കാറ്റ് തമിഴ്‌നാട്ടിലേക്ക്
24 മണിക്കൂറിനുള്ളില്‍ തമിഴ്‌നാട്-പുതുശേരി തീരത്തെത്തും
ചെന്നൈ: ബംഗാള്‍ ഉള്‍ക്കടലില്‍ രൂപപ്പെട്ട ന്യൂനമര്‍ദ്ദം ചുഴലിക്കാറ്റായി രൂപാന്തരം പ്രാപിച്ച് 24 മണിക്കൂറിനകം തമിഴ്‌നാട്- പുതുശേരി തീരത്ത് വീശിയടിക്കും. തീവ്രന്യൂനമര്‍ദ്ദം ഇപ്പോള്‍ ചെന്നൈ തീരത്ത് നിന്ന് 490 കി.മി അകലെയാണുള്ളത്. നിവാര്‍ എന്നാണ് ചുഴലിക്കാറ്റിന് പേരിട്ടിരിക്കുന്നത്.
100-110 കി.മി വേഗതയില്‍ ബൂധനാഴ്ച വൈകീട്ടോടെ നിവാര്‍ തമിഴ്‌നാട് തീരം തൊടും. ചെന്നൈ നഗരത്തില്‍ 50-60 കിലോ മീറ്റര്‍ വേഗതയില്‍ കാറ്റിനുസാധ്യതയെന്നാണ് മുന്നറിയിപ്പ്. സുരക്ഷാ മുന്‍കരുതല്‍ നടപടികള്‍ വിലയിരുത്തുന്നതിന് പ്രധാനമന്ത്രി മുഖ്യമന്ത്രിമാരുമായി സംസാരിച്ചു.
ചെന്നൈ അടക്കമുള്ള നഗരങ്ങളില്‍ കനത്തമഴ തുടരുകയാണ്. കടലില്‍പ്പോയ മത്സ്യത്തൊഴിലാളികളോടും അടിയന്തരമായി തിരിച്ചെത്താന്‍ നിര്‍ദ്ദേശം നല്‍കിയിട്ടുണ്ട്.
എന്‍ഡിആര്‍എഫിന്റെ 14 ടീമുകളെ തീരമേഖലയില്‍ വിന്യസിച്ചു. കാരയ്ക്കല്‍, മഹാബലിപുരം തീരത്ത് നിന്ന് ആളുകളെ ഒഴിപ്പിക്കുകയാണ്. ചെന്നൈയില്‍ ഇന്നും നാളെയും ഓറഞ്ച് അലേര്‍ട്ട് പ്രഖ്യാപിച്ചു.
തമിഴ്‌നാട്ടില്‍ 7 ജില്ലകളിലെ തീരപ്രദേശങ്ങളില്‍ നിവാര്‍ നാശം വിതയ്ക്കുമെന്നാണ് ആശങ്ക. കടലൂര്‍, തഞ്ചാവൂര്‍, ചെങ്കല്‍പ്പേട്ട്, നാഗപട്ടണം, പുതുക്കോട്ട, തിരുവാരൂര്‍, വിഴുപുറം ജില്ലകളിലാണ് ഏറ്റവും കൂടുതല്‍ ബാധിക്കുകയെന്നാണ് പ്രവചനം. ബംഗാള്‍ ഉള്‍ക്കടലിന്റെ വടക്ക് കിഴക്കായി ചെന്നൈയില്‍ നിന്ന് 7 കിലോമീറ്റര്‍ അകലെ 21നാണ് ന്യൂനമര്‍ദം രൂപപ്പെട്ടത്.
Related Articles
തീരജനതയുടെ സംരക്ഷണംസര്‍ക്കാരുകളുടെ ധാര്‍മികബാധ്യത -ഷാജി ജോര്‍ജ്
കൊച്ചി: 1991ല്‍ തീരനിയന്ത്രണ നിയമം രൂപപ്പെടുന്നതിനു മുമ്പ് തീരത്ത് വസിച്ചിരുന്ന മത്സ്യത്തൊഴിലാളികളുടെയും തീരദേശവാസികളുടെയും അവകാശങ്ങള്‍ സംരക്ഷിക്കാന്‍ കേന്ദ്ര-സംസ്ഥാന സര്‍ക്കാരുകളും നിയമസംവിധാനങ്ങളും ധാര്‍മികമായി ബാധ്യസ്ഥരാണെന്ന് കെആര്‍എല്‍സിസി വൈസ് പ്രസിഡന്റ്
മിഷണറിമാരുടെ ത്യാഗോജ്വല സേവനങ്ങള്‍ പുതുതലമുറ പഠിക്കണം-ബിഷപ് ഡോ. അലക്‌സ് വടക്കുംതല
കണ്ണൂര്‍: നമുക്കുമുമ്പേ കടന്നുപോയവരുടെ സ്‌നേഹസേവനങ്ങള്‍ മറക്കാതിരിക്കണമെങ്കില്‍ ഗതകാലചരിത്രം പഠിക്കണമെന്ന് ബിഷപ് ഡോ. അലക്‌സ് വടക്കുംതല. നീലേശ്വരം മിഷന്റെ 80-ാം വാര്‍ഷികാഘോഷത്തോടനുബന്ധിച്ച് സെന്റ് പീറ്റേഴ്‌സ് ദേവാലയത്തില്‍ കണ്ണൂര്‍ രൂപത
ജോണ്‍ വാനിയെ: ആര്‍ദ്രതയുടെ കൂട്ടായ്മയ്ക്കായി ഒരു പുണ്യജന്മം
കാനഡയിലെ ഗവര്‍ണര്‍ ജനറലിന്റെ മകന്‍. ബ്രിട്ടീഷ് റോയല്‍ നേവിയിലും കാനഡ നാവികസേനയിലും ഓഫിസര്‍. ടൊറന്റോ സെന്റ് മൈക്കിള്‍സ് യൂണിവേഴ്‌സിറ്റി കോളജില്‍ തത്ത്വശാസ്ത്ര അധ്യാപകന്‍. ആറടിയിലേറെ ഉയരമുള്ള അതികായന്‍.
