Breaking News

നേട്ടങ്ങള്‍ എണ്ണിപ്പറഞ്ഞ് മുഖ്യമന്ത്രി; ആരോപണങ്ങള്‍ക്ക് ഇപ്പോള്‍ മറുപടിയില്ല

നേട്ടങ്ങള്‍ എണ്ണിപ്പറഞ്ഞ് മുഖ്യമന്ത്രി; ആരോപണങ്ങള്‍ക്ക് ഇപ്പോള്‍ മറുപടിയില്ല

 

തിരുവനന്തപുരം: ഇടവേളയ്ക്കുശേഷം കൊവിഡ് അവലോകന വാര്‍ത്താസമ്മേളനത്തിനെത്തിയ മുഖ്യമന്ത്രി പിണറായി വിജയന്‍ കൊവിഡ് പ്രതിരോധത്തില്‍ ഇതുവരെ നടത്തിയ നേട്ടങ്ങള്‍ എണ്ണിപ്പറഞ്ഞു. വിവാദവിഷയങ്ങളോടുള്ള ചോദ്യങ്ങള്‍ക്ക് മറുപടി നല്‍കാന്‍ ഇപ്പോള്‍ തയ്യാറല്ല. പ്രധാന പരിഗണന കൊവിഡ് പ്രതിരോധത്തിനാണെന്ന് അദ്ദേഹം പറഞ്ഞു. മാധ്യമ പ്രവര്‍ത്തകരെയും അദ്ദേഹം നിശിതമായി വിമര്‍ശിച്ചു. പ്രവാസികളെ തിരികെ നാട്ടിലെത്തിക്കാന്‍ കേന്ദ്ര സര്‍ക്കാര്‍ തയ്യാറായാല്‍ അവരുടെ സംരക്ഷണം സംസ്ഥാനം ഏറ്റെടുക്കുമെന്ന് മുഖ്യമന്ത്രി വ്യക്തമാക്കി.
പല ലോകരാഷ്ട്രങ്ങളേയും വൈറസ് ഗുരുതരമായി ബാധിച്ചപ്പോള്‍ കേരളം ഉണര്‍ന്നുപ്രവര്‍ത്തിക്കുകയായിരുന്നു. ആരോഗ്യവകുപ്പിന് കീഴില്‍ പ്രത്യേക സംഘമുണ്ടാക്കി, എല്ലാ ജിലയിലും പ്രത്യേക ഐസൊലേഷന്‍ കേന്ദ്രങ്ങള്‍ സ്ഥാപിച്ചു. ചികിത്സയ്ക്ക് മാനദണ്ഡം രൂപീകരിച്ചു. രോഗികളുടെ എണ്ണക്കുറവില്‍ നാം ഒന്നാമതായിരുന്നു. കേരളം കൊവിഡിന്റെ നാടെന്ന് പറഞ്ഞാണ് അയല്‍സംസ്ഥാനം റോഡ് മണ്ണിട്ടടച്ചതെന്ന് അദ്ദേഹം ഓര്‍മപ്പെടുത്തി.
സര്‍ക്കാര്‍ സംവിധാനങ്ങളും ബഹുജനസംഘടനകളും ഒന്നിച്ചിറങ്ങി. ഒരു ഭിന്നാഭിപ്രായവുമില്ലാതെ ഒരു സംസ്ഥാനം ഒന്നാകെ വൈറസ് പ്രതിരോധത്തിന് അണിനിരന്നു. വ്യക്തിശുചിത്വം പാലിക്കല്‍, സാനിറ്റൈസര്‍ ഉപഭോഗം, സാമൂഹിക അകലം പാലിക്കല്‍ എന്നിവ കര്‍ശനമായി കേരളത്തില്‍ നടപ്പാക്കി. ദേശീയതലത്തില്‍ ലോക്ഡൗണ്‍ വരുംമുന്‍പേ കേരളത്തില്‍ ഇതിനുള്ള നടപടികളെടുത്തു. കുറഞ്ഞ ചെലവില്‍ സാനിറ്റൈസറും മാസ്‌കും ഉത്പാദിപ്പിച്ച് ജനങ്ങളിലെത്തിച്ചു. പെട്ടെന്ന് സ്തംഭിച്ചുപോയ നാടിനേയും ജനജീവിത്തേയും തിരികെപ്പിടിക്കാന്‍ 20000 കോടിയുടെ സ്‌പെഷ്യല്‍ പാക്കേജ് സംസ്ഥാനം പ്രഖ്യാപിച്ചു. വിദേശത്തു നിന്നും പ്രവാസികള്‍ തിരിച്ചുവരാന്‍ കൊറോണ നെഗറ്റീവ് സര്‍ട്ടിഫിക്കറ്റ് വേണമെന്ന നിര്‍ദേശത്തിനെതിരെ കേരള നിയമസഭ ഏകകണ്ഠമായി പ്രമേയം പാസാക്കി. നിലവില്‍ കോവിഡ് പ്രതിരോധത്തില്‍ കേരളത്തിന് അഭിമാനിക്കാം. കൊവിഡ് ബാധിച്ച് മരിക്കുന്നവരുടെ ലോക ശരാശരിയേക്കാള്‍ താഴെയാണ് കേരളമെന്നും മുഖ്യമന്ത്രി.
ഫെബ്രുവരി ഒന്നിന് സംസ്ഥാനത്ത് 1471 പേര്‍ നിരീക്ഷണത്തിലുണ്ടായിരുന്നു. അന്നേദിവസം 36 പേരെ ആശുപത്രിയില്‍ പ്രവേശിപ്പിച്ചു. എന്നാല്‍ മാര്‍ച്ച് 26 ആയപ്പോള്‍ നിരീക്ഷണത്തിലുണ്ടായിരുന്നവരുടെ എണ്ണം ഒരു ലക്ഷം കടന്നു. ഏപ്രില്‍ നാല് ആയപ്പോള്‍ അതു 1,71,355 വരെയെത്തി. ഏപ്രില്‍ നാലിന് പുതിയതായി ആശുപത്രിയില്‍ പ്രവേശിപ്പിച്ചത് 174 പേരെയാണ്. അന്ന് ആശുപത്രികളില്‍ 734 പേരുണ്ടായിരുന്നു. ഏപ്രില്‍ 11ന് ആശുപത്രികളില്‍ നിരീക്ഷണത്തിലുണ്ടായിരുന്നവരുടെ എണ്ണം 811 ആയി. 126 പേരെ ആ ഒരു ദിവസം മാത്രം ആശുപത്രിയില്‍ പ്രവേശിപ്പിച്ചു. ഒരു രോഗിയില്‍നിന്നും 23 പേരിലേക്ക് രോഗമെത്തി. അവരില്‍നിന്നും 12 പേരിലേക്ക് രോഗമെത്തി. ഈ നിലയില്‍ കാര്യങ്ങള്‍ കൈവിട്ടുപോകുന്ന അവസ്ഥയിലേക്ക് കാര്യങ്ങള്‍ എത്തിയിരുന്നു.
എന്നാല്‍, എല്ലാ രോഗികളും സഞ്ചരിച്ച പാതയിലൂടെ കടന്നുപോയി ഇടപെട്ട എല്ലാവരേയും കണ്ടെത്തി നിരീക്ഷണത്തിലാക്കുകയാണ് ചെയ്തത്. ഇന്നിപ്പോള്‍ നമുക്ക് ആശ്വസിക്കാന്‍ വകയുണ്ട്. 1.21 ലക്ഷത്തില്‍നിന്നും 46,000 ആയി നിരീക്ഷണത്തിലുള്ളവരുടെ എണ്ണം കുറഞ്ഞു. കൊവിഡ് ബാധിച്ച് മരിക്കുന്നവരുടെ ലോക ശരാശരി 5.75 ശതമാനമാണ്. ദേശീയതലത്തില്‍ അത് 2.83 ശതമാനമാണ്. എന്നാല്‍ കേരളത്തില്‍ 0.58 ശതമാനം മാത്രമാണ്.
ജനസംഖ്യ അടിസ്ഥാനത്തില്‍ ഏറ്റവും കൂടുതല്‍ കൊവിഡ്-19 പരിശോധനാ സംവിധാനമുള്ളത് കേരളത്തിലാണ്. കൊവിഡ് ടെസ്റ്റിംഗ് കിയോസ്‌ക് ആദ്യമായി സ്ഥാപിച്ചത് കേരളമാണ്. നമുക്കിപ്പോള്‍ 33 കോവിഡ് സ്‌പെഷ്യല്‍ ആശുപത്രികളുണ്ട്. പകര്‍ച്ചാവ്യാധി നിയമം കൊവിഡ് വ്യാപനം തടയാന്‍ ആദ്യം ഉപയോഗിച്ചത് കേരളമാണ്. സംസ്ഥാനത്തെ 1296 ആശുപത്രികളിലായി 49,722 കിടക്കകള്‍ ഇപ്പോള്‍ സജ്ജമാണ്. 1369 ഐസിയു ബെഡുകളും, 800 വെന്റിലേറ്ററുകളും സര്‍ക്കാര്‍ ആശുപത്രികളില്‍ സജ്ജമാണ്. 866 വെന്റിലേറ്ററുകള്‍ സ്വകാര്യ ആശുപത്രികളിലുണ്ട്. 81904 ബെഡുകളും 6059 ഐസിയു ബെഡുകളും 1578 വെന്റിലേറ്ററുകളും സ്വകാര്യമേഖലയില്‍ സജ്ജമാണ്. ഏത് അടിയന്തരസാഹചര്യവും നേരിടാന്‍ ഇപ്പോള്‍ തന്നെ നാം സജ്ജരാണ്.
1205ലധികം കമ്യൂണിറ്റി കിച്ചനുകള്‍ സംസ്ഥാനത്ത് പ്രവര്‍ത്തിക്കുന്നുണ്ട്. അവിടെനിന്നും നിരീക്ഷണത്തിലുള്ളവര്‍ക്കും ആവശ്യക്കാര്‍ക്കും സൗജന്യമായി ഭക്ഷണം നല്‍കുന്നു. 333 കുടുംബശ്രീ ജനകീയ ഹോട്ടലുകളിലൂടെ 20 രൂപയ്ക്ക് ഉച്ചഭക്ഷണം നല്‍കുന്നു. കേരളത്തിലെ ക്യാമ്പുകളില്‍ അതിഥി തൊഴിലാളികള്‍ സുരക്ഷിതരാണ്. ഇതോടൊപ്പം തെരുവില്‍ ഉറങ്ങുന്നവര്‍ക്കും താമസവും ഭക്ഷണവും നല്‍കുന്നു. 3665 പേരെ ഈ രീതിയില്‍ പുനഃരധിവസിപ്പിച്ചു.
കൊവിഡ് ചികിത്സയ്ക്കായി മുന്നൂറിലേറെ ഡോക്ടര്‍മാരെയും നാന്നൂറിലേറെ ഹെല്‍ത്ത് ഇന്‍സ്‌പെക്ടര്‍മാരെയും യുദ്ധ കാലടിസ്ഥാനത്തില്‍ നിയമിച്ചു. സംസ്ഥാനത്തെ മുഴുവന്‍ ജനങ്ങള്‍ക്കും സൗജന്യമായി അരിധാന്യങ്ങള്‍ നല്‍കി. അവശ്യകിറ്റിന്റെ വിതരണം പുരോഗമിക്കുന്നു. കേരളത്തിലെ ചികിത്സാ സമ്പ്രാദയത്തിന്റെ നിലവാരവും കരുത്തും ഇവിടെനിന്നും രോഗം ഭേദമായി മടങ്ങിപ്പോയ വിദേശികള്‍ മറയില്ലാതെ പറഞ്ഞിട്ടുണ്ട്. 95ഉം 88ഉം വയസുള്ള വൃദ്ധദമ്പതികളെ ജീവിതത്തിലേക്ക് മടക്കിക്കൊണ്ടുവരാന്‍ സാധിച്ചത് നമ്മുടെ ഒന്നിച്ചുള്ള പ്രവര്‍ത്തനംകൊണ്ടാണ്. മാധ്യമങ്ങളും മാധ്യമപ്രവര്‍ത്തകരും കേരളത്തെ പുകഴ്ത്തുന്നു. കോണ്‍ഗ്രസ് നേതാവ് രാഹുല്‍ഗാന്ധിയടക്കം കേരളത്തിന് നല്‍കിയ പ്രശംസ സ്വന്തം ജീവന്‍ പണയംവച്ച് കോവിഡ് രോഗത്തെ നേരിടുന്ന ആരോഗ്യ പ്രവര്‍ത്തകര്‍ക്കുള്ളതാണ്. ഏതു പ്രതിസന്ധിയും മറികടക്കാന്‍ നമുക്ക് മാറ്റാരുടെയും സഹായം വേണ്ട എന്ന സന്ദേശമാണ് ഇതിലൂടെ ലഭിച്ചത്.



Related Articles

പ്രതിപക്ഷ ശ്രമം പ്രതിരോധ പ്രവര്‍ത്തനങ്ങളുടെ ശോഭ കെടുത്താന്‍-കോടിയേരി

തിരുവനന്തപുരം: വിവരശേഖരണ വിഷയത്തില്‍ വലിയ പ്രചാരവേലയാണ് പ്രതിപക്ഷം നടത്തുന്നതെന്നും ഇതില്‍ ഒരടിസ്ഥാനവുമില്ലെന്നാണ് പാര്‍ട്ടിവിലയിരുത്തുന്നതെന്നും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. ജനങ്ങളുടെ ജീവന്‍ രക്ഷിക്കുക എന്നതിലുപരിയായി സര്‍ക്കാരിനേയും

വിശ്വാസിയുടെ പൗരബോധം

സീസറിനുള്ളത് സീസറിനു നല്കാൻ എപ്പോഴും ബാധ്യസ്ഥനാണ് ഏതു ദൈവ വിശ്വാസിയും. കൊറോണക്കാലത്തെ പൊങ്കാലകളും ഊട്ടുസദ്യകളും മതപഠനകേന്ദ്രങ്ങളും കൺവെൻഷനുകളും പൗരബോധത്തിനു മാത്രമല്ല ക്ഷീണം വരുത്തുന്നത്, യഥാർത്ഥ ദൈവബോധത്തിനുമാണ്. കൊറോണ

തായ്‌ലൻഡ് ഗുഹയിൽനിന്നും രക്ഷപ്പെട്ട 11 കുട്ടികൾ ബുദ്ധമതം സ്വീകരിക്കും; കോച്ച് ബുദ്ധഭിക്ഷുവായി അഭിഷേകം ചെയ്യപ്പെടും

  ഗുഹയിൽനിന്നും രക്ഷപ്പെട്ട കോച്ചും ഫുട്ബോൾ ടീമും ആഗോളശ്രദ്ധ പിടിച്ചുപറ്റിയിരുന്നു. അപകടത്തിൽ നിന്നും രക്ഷപ്പെട്ടതിൻറെ നന്ദിസൂചകമായി ഫുട്ബോൾ ടീമിലെ 11 പേരും ബുദ്ധമതം സ്വീകരിക്കുവാൻ തീരുമാനിച്ചു കോച്ച്

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*