ന്യൂനപക്ഷങ്ങള്‍ക്കെതിരായ ആക്രമണം ഇന്ത്യയ്ക്കെതിരായ ആക്രമണംതന്നെ!

ന്യൂനപക്ഷങ്ങള്‍ക്കെതിരായ ആക്രമണം ഇന്ത്യയ്ക്കെതിരായ ആക്രമണംതന്നെ!

പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ചയ്ക്കുശേഷം
കര്‍ദ്ദിനാള്‍ ഓസ്വാള്‍ഡ് ഗ്രേഷ്യസ് പങ്കുവച്ച വസ്തുതകള്‍
:

ഇന്ത്യയിലെ ന്യൂനപക്ഷങ്ങള്‍ക്ക് എതിരായ ആക്രമണം ഇന്ത്യ്ക്കെതിരായ ആക്രമണം തന്നെയാണെന്ന് കര്‍ദ്ദിനാള്‍ ഓസ്വാള്‍ ഗ്രേഷ്യസ് പ്രസ്താവിച്ചു. മാര്‍ച്ച് 20-Ɔο തിയതി ചൊവ്വാഴ്ച രാവിലെ ഇന്ത്യന്‍ പ്രധാനമന്ത്രി നരേന്ദ്ര മോദിയുമായി നടത്തിയ കൂടിക്കാഴ്ചയ്ക്കുശേഷം ഡല്‍ഹിയില്‍ വാര്‍ത്താ ഏജെന്‍സികള്‍ക്കു നല്കിയ അഭിമുഖത്തിലാണ് കര്‍ദ്ദിനാള്‍ ഇങ്ങനെ പ്രസ്താവിച്ചത്.

പ്രധാനമന്ത്രിയുമായുള്ള 20 മിനിറ്റു നീണ്ട കൂടിക്കാഴ്ചയില്‍ ഇന്ന് ഇന്ത്യയില്‍ അങ്ങുമിങ്ങുമായി നടക്കുന്ന ന്യൂപക്ഷങ്ങള്‍ക്കും ന്യൂപക്ഷസ്ഥാപനങ്ങള്‍ക്കും, വിശിഷ്യ ക്രൈസ്തവര്‍ക്കെതിരെ നടത്തപ്പെടുന്ന ആക്രമണങ്ങളെക്കുറിച്ച് സംസാരിച്ചതായി ദേശീയ കത്തോലിക്കാ മെത്രാന്‍ സമിതിയുടെ തലവനും മുംബൈ അതിരൂപതാദ്ധ്യക്ഷനുമായ കര്‍ദ്ദിനാള്‍ ഗ്രേഷ്യസ് വെളിപ്പെടുത്തി. മതസ്വാതന്ത്ര്യ നിയമത്തെ അതിലംഘിച്ചും അടിസ്ഥാന മനുഷ്യാവകാശത്തെ നിഷേധിച്ചുകൊണ്ടുമുള്ള ഈ ആക്രമണങ്ങള്‍ ഭാരതത്തിന്‍റെ സമഗ്രതയെ തകര്‍ക്കുന്നതാണെന്നും, അതിനാല്‍ അത് രാഷ്ട്രത്തിന് എതിരായ പ്രതിയോഗികളുടെ ആക്രമണമാണെന്നും കര്‍ദ്ദിനാള്‍ ഗ്രേഷ്യസ് വിശേഷിപ്പിച്ചു. പാര്‍ളിമെന്‍ററി മന്ദിരത്തില്‍വച്ചു നടന്ന കൂടിക്കാഴ്ച സൗഹൃദപൂര്‍ണ്ണവും ഏറെ പ്രത്യാശ പകരുന്നതുമായിരുന്നെന്ന് കര്‍ദ്ദിനാള്‍ ഗ്രേഷ്യസ് വാര്‍ത്താ ഏജെന്‍സികളെ അറിയിച്ചു.

രാഷ്ട്രത്തിന്‍റെ പുനര്‍നിര്‍മ്മിതിയില്‍ വിദ്യാഭ്യാസം, ആരോഗ്യം, ഐക്യദാര്‍ഢ്യം എന്നീ തലങ്ങളില്‍ സഭ എന്നും ഇന്ത്യന്‍ ജനതയ്ക്കു നല്കിയിട്ടുള്ള സേവനങ്ങളെ പ്രധാനമന്ത്രി ശ്ലാഘിച്ചതായി കര്‍ദ്ദിനാള്‍ ഗ്രേഷ്യസ് പറഞ്ഞു. രാഷ്ട്രം വലിയ പ്രതിസന്ധികള്‍ നേരിടുന്ന കാലഘട്ടത്തില്‍ ഇന്ത്യന്‍ ദേശീയതയുടെ അഖണ്ഠതയ്ക്കും വളര്‍ച്ചയ്ക്കുമായി സഭ ഏറെ സംയമനത്തോടെ സഹകരിക്കുകയും സഹിഷ്ണുതയോടെ പ്രവര്‍ത്തിക്കേണ്ടതുമാണെന്ന് കര്‍ദ്ദിനാള്‍ ഗ്രേഷ്യസ് അഭിപ്രായപ്പെട്ടു.

ലോകത്തിന് ഇന്ന് സമാരാധ്യനും എല്ലാ മതസ്ഥര്‍ക്കും ഒരുപോലെ സ്വീകാര്യനുമായ പാപ്പാ ഫ്രാന്‍സിസിന്‍റെ ഭാരത സന്ദര്‍ശനത്തെക്കുറിച്ചു പ്രധാനമന്ത്രിയോട് സംസാരിച്ചതായി കര്‍ദ്ദിനാള്‍ വാര്‍ത്താസമ്മേളനത്തില്‍ വെളിപ്പെടുത്തി. ജനനന്മയും ദാരിദ്ര്യനിര്‍മ്മാര്‍ജ്ജനവുമാണ് സര്‍ക്കാരിന്‍റെ പ്രഥമതഃയുള്ള പ്രവര്‍ത്തന ലക്ഷ്യമെന്ന് പ്രധാനമന്ത്രി മോദി പറഞ്ഞതായും, ജാതിമത ഭേദമെന്യേ ഇന്ത്യന്‍ ജനതയ്ക്കുവേണ്ടി താന്‍ പ്രവര്‍ത്തിക്കുമെന്നും പ്രസ്താവിച്ചതായി കര്‍ദ്ദിനാള്‍ പറഞ്ഞു. ന്യൂനപക്ഷങ്ങള്‍ക്കെതിരായി, വിശിഷ്യ ക്രൈസ്തവര്‍ക്കെതിരായി കേട്ട അക്രമങ്ങളെക്കുറിച്ച് പഠിക്കുകയും അന്വേഷിക്കുകയും ചെയ്യുമെന്നും അദ്ദേഹം ഉറപ്പുനല്കിയതായി കര്‍ദ്ദിനാള്‍ ഗ്രേഷ്യസ് വാര്‍ത്താഏജെന്‍സികളെ അറിയിച്ചു.

 


Related Articles

ഉചിതമായ സമയത്ത് പ്രതികരിക്കും – ഷാജി ജോര്‍ജ്

തിരുവനന്തപുരം: ലത്തീന്‍ സമുദായത്തെ ഭരണപക്ഷവും പ്രതിപക്ഷവും ഒരുപോലെ അവഗണിക്കുന്നതായി കെആര്‍എല്‍സിസി വൈസ ്പ്രസിഡന്റും സമുദായവക്താവുമായ ഷാജി ജോര്‍ജ് കുറ്റപ്പെടുത്തി. ശംഖുമുഖത്തു ചേര്‍ന്ന സമുദായസമ്മേളനത്തില്‍ അധ്യക്ഷത വഹിച്ചു സംസാരിക്കുകയായിരുന്നു

അസംഘടിത സ്ത്രീതൊഴിലാളികളുടെ പുനരധിവാസ പദ്ധതിക്ക് തുടക്കമായി

കോട്ടപ്പുറം: പ്രളയബാധിത പ്രദേശത്തെ അസംഘടിതരായ സ്ത്രീ തൊഴിലാളികളുടെ പുനരധിവാസം ലക്ഷ്യം വെച്ച് കെഎല്‍സിഎയും കെഎല്‍എമ്മും ചേര്‍ന്ന് രൂപം നല്‍കിയ സമഗ്ര പദ്ധതിക്ക് തുടക്കമായി. കെഎല്‍സിഎ കോട്ടപ്പുറം രൂപതയും

ക്രിസ്തുമസിന് ദേവാലയങ്ങള്‍ സന്ദര്‍ശിക്കുന്നതില്‍ ഹൈന്ദവര്‍ക്ക് വിലക്ക്

ആസാം: ക്രിസ്തുമസിന് ഒരു ഹൈന്ദവനും ക്രൈസ്തവ ദേവാലയങ്ങള്‍ സന്ദര്‍ശിക്കരുതെന്നും പോയാല്‍ കടുത്ത പ്രഘ്യാതങ്ങള്‍ നേരിടേണ്ടിവരുമെന്നും ഭീഷണി മുഴക്കിയ നേതാവിനെതിരെ അന്വേഷണത്തിന് നിര്‍ദേശം. കഴിഞ്ഞ വ്യാഴാഴ്ച സില്‍ച്ചാറില്‍ ബജ്രംഗ്ദള്‍

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*