പങ്കായം പറയുന്ന വീരകഥകള്‍

പങ്കായം പറയുന്ന വീരകഥകള്‍

ആലുവ കാര്‍മല്‍ഗിരി പൊന്തിഫിക്കല്‍ സെമിനാരിയിലെ വൈദിക വിദ്യാര്‍ഥികള്‍ തയ്യാറാക്കിയ ”പങ്കായം പറയുന്ന വീരകഥകള്‍-മത്സ്യത്തൊഴിലാളികള്‍ കേരളത്തിന്റെ രക്ഷാസൈന്യം” എന്ന പുസ്തകം കൊല്ലം ബിഷപ് ഡോ. പോള്‍ ആന്റണി മുല്ലശേരി പ്രകാശനം ചെയ്തു. അതോടൊപ്പം കാര്‍മ്മല്‍ഗിരി സെമിനാരിയിലെ വൈദിക വിദ്യാര്‍ഥികള്‍ നടപ്പിലാക്കുന്ന “Buy a book, help a student” എന്ന കാരുണ്യ പദ്ധതിക്കും തുടക്കം കുറിച്ചു. ഫാ. പോള്‍ സണ്ണിയാണ് പുസ്തകം എഡിറ്റ് ചെയ്തിരിക്കുന്നത്.
ഓഖി ചുഴലിക്കാറ്റിനെ സാഹസികമായി നേരിടുകയും, പ്രളയമുഖത്ത് കേരള ജനതയ്ക്ക് രക്ഷകരായി മാറിയവരുമാണ് മത്സ്യത്തൊഴിലാളികള്‍. സ്വന്തം ജീവിതം പണയം വച്ച് അവര്‍ നടത്തിയ രക്ഷാപ്രവര്‍ത്തനങ്ങളുടെ അനുഭവക്കുറിപ്പാണ് പുസ്തകത്തിന്റെ ഉള്ളടക്കം. മരണത്തെ മുന്നില്‍ കണ്ടുകൊണ്ട് അവര്‍ നടത്തിയ പ്രവര്‍ത്തനങ്ങളെ പച്ചയായി പുസ്തകത്തില്‍ അവതരിപ്പിച്ചിരിക്കുന്നു.
വൈദിക വിദ്യാര്‍ഥികള്‍ തങ്ങളുടെ അവധിക്കാലത്ത് ഇവരുമായി നടത്തിയ അഭിമുഖ സംഭാഷണങ്ങളാണ് പുസ്തകരൂപത്തിലേക്ക് പകര്‍ത്തിയത്. നാല്‍പതോളം വൈദിക വിദ്യാര്‍ഥികള്‍ ചേര്‍ന്നാണ് ഈ പുസ്തകത്തിന്റെ രചന നിര്‍വ്വഹിച്ചിരിക്കുന്നത്.
പുസ്തക പ്രകാശനത്തോടൊപ്പം ആരംഭംകുറിച്ച ‘Buy a book, help a student’ എന്ന കാരുണ്യപദ്ധതിയുടെ ലക്ഷ്യം, ഓഖി ദുരന്തത്തില്‍ തകര്‍ന്നുപോയ കുടുംബങ്ങളിലെ കുട്ടികളുടെ സുരക്ഷിതമായ ഭാവിയാണ്. ഈ പദ്ധതിയിലൂടെ അര്‍ഹരായ കുടുംബങ്ങളെ കണ്ടെത്തി, അവിടത്തെ ഒരു കുട്ടിയുടെ സ്‌പോണ്‍സറായി മാറുന്നു.
ആ കുട്ടിക്ക് ആത്മവിശ്വാസവും ധൈര്യവും സ്‌നേഹവും പ്രചോദനവും സഹായങ്ങളും നല്‍കി ഒരു നല്ല ജോലിയില്‍ എത്തുന്നതുവരെ അവരെ അനുയാത്ര ചെയ്യുന്നു. പ്രസ്തുത പദ്ധതിക്ക് പണം കണ്ടെത്തുവാനുള്ള ഒരു ഉപാധിയായിട്ടാണ് ഈ പുസ്തകത്തിന്റെ വില്പനയെ കാണുന്നത്. പുസ്തകത്തിന്റെ കോപ്പികള്‍ക്കോ കാരുണ്യപദ്ധതിയില്‍ പങ്കുകാരാകുന്നതിനോ 9188773880 നമ്പറില്‍ ബന്ധപ്പെടണം.


Related Articles

പാരിസ്ഥിതിക പാപവും മരട് പ്രായശ്ചിത്തവും

നമ്മുടെ പൊതുഭവനമായ ഭൂമിക്കും സഹജീവികള്‍ക്കും വരുംതലമുറയ്ക്കും പ്രപഞ്ചസ്രഷ്ടാവായ ദൈവത്തിനുമെതിരെ പ്രവൃത്തിയാലും ഉപേക്ഷയാലും ചെയ്തുപോയ അപരാധങ്ങളെക്കുറിച്ച് മനസ്തപിക്കുന്നത് പാരിസ്ഥിതിക പരിവര്‍ത്തനത്തിനും ആഴത്തിലുള്ള ആത്മപരിവര്‍ത്തനത്തിനുതന്നെയും ഇടയാക്കുമെന്ന് ഫ്രാന്‍സിസ് പാപ്പാ പഠിപ്പിക്കുന്നുണ്ട്.

ആരുടേതാണ് ദേശം? ആരുടേതാണ് ഭൂമി?

  കുറിപ്പെഴുതുമ്പോള്‍ മനസില്‍ സെര്‍ബിയന്‍ ചലച്ചിത്ര സംവിധായകന്‍ ഗോരാന്‍ പാവ്‌ലോവിഷിന്റെ ഇറ്റാലിയന്‍ ചലച്ചിത്രം ‘ഡെസ്‌പൈറ്റ് ദ ഫോഗി’ന്റെ ഫ്രെയിമുകളാണ്. ഗോവയില്‍ സമാപിച്ച അന്താരാഷ്ട്ര ചലച്ചിത്രോത്സവത്തിലെ മത്സരചിത്രങ്ങളുടെ വിധികര്‍ത്താക്കളിലൊരാള്‍

സിനിമയെ വെല്ലും അത്ഭുതബാല്യം

കുട്ടികള്‍ പലപ്പോഴും മുതിര്‍ന്നവരെ അതിശയിപ്പിക്കുകയും അത്ഭുതപ്പെടുത്തുകയും ചെയ്യുന്നു. 15-ാം വയസില്‍ കാന്‍സര്‍ സെല്ലുകളെ കണ്ടെത്താനുള്ള സെന്‍സര്‍ കണ്ടുപിടിച്ച ജാക്ക് ആന്‍ഡ്രേക്ക, പന്ത്രണ്ടാം വയസില്‍ അന്ധര്‍ക്ക് വഴികാട്ടിയായ ഐഎയ്ഡ്

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*