പഠനശിബിരം വെബിനാര്‍ നടത്തി.

05 Dec, 2020 by riya alby

Print this article Font size -16+

കൊച്ചി :കെ ആർ എൽ സി സി യുടെ നേതൃത്വത്തിൽ 12 ലത്തീൻ കത്തോലിക്കാ രൂപതകളുടെ സമുദായ ദിനത്തോടനുബന്ധിച്ച്‌  പഠനശിബിരം വെബിനാര്‍ നടത്തി.

വെള്ളിയാഴ്ച വൈകിട്ട് 7.15 ഓടുകൂടി നടത്തപ്പെട്ട വെബിനാറില്‍ അധ്യക്ഷൻ ശ്രീ. എൻ. ദേവദാസൻ സ്വാഗതം ആശംസിച്ചു. ബിഷപ്പ് സെൽവിസ്റ്റർ പൊന്നു മുത്തൻ  ഉദ്ഘാടനം നിർവഹിച്ചു.
പാർശ്വവൽക്കരിക്കപ്പെട്ടവരെ വീണ്ടും പാർശ്വവൽക്കരിക്കുന്ന കാലഘട്ടത്തിലാണ് നാം ജീവിക്കുന്നതെന്നും. തിരസ്കരിക്കപ്പെടുന്ന ഇടങ്ങളിൽ അവഗണിക്കപ്പെടുന്ന സമൂഹത്തെകുറിച്ചാണ്  നാം വെബിനാറില്‍ സംസാരിക്കുന്നതെന്നും അദ്ദേഹം പറഞ്ഞു. 

വെബിനാറിന്റെ വിഷയമായ “തിരസ്കരിക്കപ്പെടുന്ന ഇടങ്ങളും അവഗണിക്കപ്പെടുന്ന  സമൂഹങ്ങളും ” എന്ന  വിഷയത്തെകുറിച്ച്‌ റവ. ഫാ. ഷിന്റോ തോമസ്, ഡോ. ജോൺസൻ ജാമെന്റ്, ശ്രീ പി ആർ കുഞ്ഞച്ചൻ എന്നിവർ സംസാരിച്ചു.

ചെല്ലാനം, പെട്ടിമുടി, വിഴിഞ്ഞം, മൽസ്യത്തിഴിലാളികൾ, തോട്ടം തൊഴിലാളികൾ, ആരോഗ്യപരമായും, വിദ്യാഭാസപരമായും വളരെ പിന്നോട്ട് നിൽക്കുന്ന ജനവിഭാഗങ്ങൾ എന്നിവർ നേരിടുന്ന പ്രശ്നങ്ങളാണ് സെമിനാറിൽ വിഷയമായത്. ഫാ. ഷിന്റോ തോമസ് തോട്ടം മേഖലയിലെ പ്രശ്നങ്ങളാണ് ചൂണ്ടിക്കാണിച്ചത്.  അവർ നേരിടുന്ന ചൂഷണം, അതിഥി തൊഴിലാളികൾക്ക് നേരെയുള്ള അവഗണന, ക്രിസ്തിയ വിശ്വാസത്തെ പ്രതി ആനുകൂല്യങ്ങൾ നഷ്ടപ്പെടുന്ന അവസ്ഥ, ഉന്നത വിദ്യാഭാസം എന്നിവയെ കുറിച്ച് സംസാരിച്ചു.

ഡോ.  ജോൺസൻ ജാമെന്റ് വിഴിഞ്ഞം പ്രൊജെക്ടുമായി ബന്ധപ്പെട്ട്  അവിടുത്തെ മനുഷ്യർ അനുഭവിക്കുന്ന ബുദ്ധിമുട്ടുകളും പ്രശ്നങ്ങളും വളരെ വിശദമായി ചൂണ്ടി കാണിച്ചു, ശ്രീ. പി ആർ കുഞ്ഞച്ചൻ ചെല്ലാനത്തെ പ്രദേശത്തെ  പ്രശ്നങ്ങളെകുറിച്ച്‌ സംസാരിച്ചു.

ഡിസംബർ ആറിന്  വൈകിട്ട് 7 മണിക്കാണ്  സമുദായദിന സമ്മേളനം നടത്തുന്നത്.

riya alby

More articles by riya alby