പരസ്പരം ശ്രവിച്ചുകൊണ്ട് സിനഡ് പ്രവര്‍ത്തനങ്ങളില്‍ പങ്കാളികളാകണം -ബിഷപ് ഡോ. അന്തോണിസാമി പീറ്റര്‍ അബീര്‍
സുല്‍ത്താന്‍പേട്ട്: സുല്‍ത്താന്‍പേട്ട് രൂപതാതല സിനഡ് പ്രവര്‍ത്തനങ്ങള്‍ക്ക് ബിഷപ് ഡോ. അന്തോണിസാമി പീറ്റര്‍ അബീര്‍ തുടക്കം കുറിച്ചു. സെന്റ് സെബാസ്റ്റ്യന്‍സ് ഭദ്രാസന ദേവാലയത്തില്‍ അര്‍പ്പിച്ച ദിവ്യബലിമധ്യേയാണ് ബിഷപ് രൂപതാതല സിനഡിന്റെ ഉദ്ഘാടനം നിര്‍വഹിച്ചത്.
കുട്ടികളും മുതിര്‍ന്നവരുമടങ്ങിയ അല്മായരും സന്ന്യസ്ത പ്രതിനിധികളും വൈദികരോടും മെത്രാനോടുമൊപ്പം പ്രദക്ഷിണമായി ദേവാലയത്തില്‍ പ്രവേശിച്ചു. സിനഡാത്മക സഭയുടെ ലോഗോ ബിഷപ് പ്രകാശനം ചെയ്തു.
എല്ലാവിഭാഗത്തിലുമുള്ള ജനതകളെ ഉള്‍പ്പെടുത്തിക്കൊണ്ട് നടക്കുന്ന സിനഡില്‍ സഹയാത്രികരായി മുന്‍വിധികളില്ലാതെ പരസ്പരം ശ്രവിച്ചുകൊണ്ട് പ്രേഷിത പ്രവര്‍ത്തനങ്ങളില്‍ സജീവമായി പങ്കുചേരേണ്ടതിന്റെ ആവശ്യകതയെപ്പറ്റി ബിഷപ് വ്യക്തമാക്കി. പുതിയതും ആഴപ്പെട്ടതും പരസ്പരം വളര്‍ത്തുന്നതുമായ ബന്ധങ്ങള്‍ കെട്ടിപ്പടുക്കേണ്ടത് കാലഘട്ടത്തിന്റെ ആവശ്യമാണെന്ന് അദ്ദേഹം പറഞ്ഞു.
രൂപതാ സിനഡ് കോര്‍ഡിനേറ്റര്‍മാരായ ഫാ. നെല്‍സന്‍ ജോയ് ആന്റണിയും സിസ്റ്റര്‍. മേരി ഗ്രേസ് കളപ്പുരയ്ക്കല്‍ എസ്ഒഎല്‍എമ്മും സിനഡിനോടാനുബന്ധിച്ച് ഇടവകകളില്‍ നടത്തേണ്ട പ്രവര്‍ത്തനങ്ങളെക്കുറിച്ചും വിവരശേഖരണത്തേക്കുറിച്ചും വിശദീകരിച്ചു.
Click to join Jeevanaadam Whatsapp Group
ജീവനാദം വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക
Related Articles
രാഷ്ട്രീയമായി കണക്കുചോദിക്കാനാകണം
കേരളത്തിലെ പിന്നാക്ക സമുദായങ്ങളില്‍ രാഷ്ട്രീയ, സാമൂഹിക മുന്നേറ്റങ്ങളില്‍ നിര്‍ണായക സ്വാധീനം ചെലുത്താന്‍ കഴിയുന്ന പ്രബലശക്തിയാണ് ലത്തീന്‍ കത്തോലിക്കാ സമൂഹം. തീരദേശത്തെ മത്സ്യത്തൊഴിലാളികളും പരമ്പരാഗത നിര്‍മാണതൊഴിലാളികളും മലയോരത്തെ തോട്ടം
തിരുനാള്‍ ആഘോഷങ്ങളും ആര്‍ഭാടങ്ങളും ഒഴിവാക്കണം -ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍
എറണാകുളം: പ്രളയദുരന്തത്തിനുശേഷം അതിജീവനത്തിന്റെ ഭാഗമായി വരാപ്പുഴ അതിരൂപതയില്‍ തിരുനാള്‍ ആഘോഷങ്ങളും ജൂബിലി ആഘോഷങ്ങളും തീര്‍ത്തും ലളിതമായി നടത്തണമെന്ന് വരാപ്പുഴ ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍ ഇടയലേഖനത്തിലൂടെ നിര്‍ദ്ദേശം
ജാഗ്രതയോടുകൂടി വോട്ടവകാശം വിനിയോഗിക്കണം-വരാപ്പുഴ അതിരൂപത
കൊച്ചി ഡിസംബര്‍ 10ന് നടക്കുന്ന തദ്ദേശ തെരഞ്ഞെടുപ്പില്‍ ജനാധിപത്യ മൂല്യങ്ങള്‍ ഉയര്‍ത്തിപ്പിടിച്ചുകൊണ്ട് തെരഞ്ഞെടുപ്പിനെ അഭിമുഖീകരിക്കാന്‍ എല്ലാവരും തയ്യാറാകണമെന്ന് വരാപ്പുഴ അതിരൂപതാ രാഷ്ട്രീയകാര്യ സമിതി ആഹ്വാനം ചെയ്തു. കോവിഡ്
