Breaking News
മനുഷ്യപുത്രന്റെ ആഗമനം: ആഗമനകാലം ഒന്നാം ഞായർ
ആഗമനകാലം ഒന്നാം ഞായർ വിചിന്തനം:- മനുഷ്യപുത്രന്റെ ആഗമനം (ലൂക്കാ 21: 25-36) യേശുവിന്റെ ആഗമനം ഒരു കാൽപ്പനികമായ സ്വപ്നമോ സാങ്കൽപ്പികമായ പ്രതീക്ഷയോ
...0കര്‍ത്താവേ വന്നാലും: ആഗമനകാലം ഒന്നാം ഞായര്‍
കര്‍ത്താവേ വന്നാലും ആഗമനകാലത്തിലെ ഞായറാഴ്ചയിലേക്ക് തിരുസഭ ഇന്നു പ്രവേശിക്കുകയാണ്. എന്തൊക്കെയാണ് ആഗമനകാലത്തിന്റെ പ്രത്യേകതകള്‍. ഇന്നു മുതല്‍ സഭയില്‍ പുതിയ ആരാധനാക്രമവര്‍ഷത്തിന് ആരംഭം
...0ക്രിസ്തുമസ് റീത്തും തിരികളും ഒരുക്കേണ്ടത് എങ്ങനെ..?
ആഗമനകാല റീത്തിന്റെ ഉത്ഭവം ആഗമനകാല റീത്ത് (Advent wreath) പതിനാറാം നൂറ്റാണ്ടില്‍ ജര്‍മ്മനിയില്‍ ലൂതറന്‍ ക്രിസ്ത്യാനികള്‍ ആരംഭിച്ച ഒരു ക്രൈസ്തവ അനുഷ്ഠാനമാണ്.
...0ജില്ലാതല നിയമബോധന അമൃത മഹോത്സവത്തിന് വിരാമമായി
എറണാകുളം: അമൃത മഹോത്സവ നിയമബോധന പരിപാടിയോടനുബന്ധിച്ച് എറണാകുളം ജില്ലാ ലീഗല്‍ സര്‍വീസസ് അതോറിറ്റിയുടെ നേതൃത്വത്തില്‍ നടത്തുന്ന വിവിധ ബോധവല്‍ക്കരണ പരിശീലന
...0ബിസിസി റീജിയണല്‍ സെക്രട്ടറിമാരുടെ ദേശീയ സമ്മേളനം
ബനൗലിം/ഗോവ: ഇന്ത്യയിലെ ലത്തീന്‍ രൂപതകളുടെ ദേശീയ മെത്രാന്‍ സമിതികളുടെ കീഴില്‍ വരുന്ന 14 മേഖല ബിസിസി കമ്മീഷന്‍ സെക്രട്ടറിമാരുടെയും ദേശീയ ബിസിസി
...0ജീവനാദം കലണ്ടര്‍ പ്രകാശനം ചെയ്തു
എറണാകുളം: 2022ലെ ജീവനാദം കലണ്ടര്‍ ജീവനാദം എപ്പിസ്‌കോപ്പല്‍ കമ്മീഷന്‍ ചെയര്‍മാന്‍ ആര്‍ച്ച് ബിഷപ് ഡോ. ജോസഫ് കളത്തിപ്പറമ്പില്‍ പ്രകാശനം ചെയ്തു. ജീവനാദം
...0
പരസ്പരസ്‌നേഹത്തില്‍ അധിഷ്ഠിതമായ നവമാധ്യമ സംസ്‌കാരം വളര്‍ത്തണം -ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍
എറണാകുളം: പരസ്പരസ്‌നേഹത്തിലും ബഹുമാനത്തിലും അധിഷ്ഠിതമായ നവമാധ്യമ സംസ്‌കാരം വളര്‍ത്തിയെടുക്കാന്‍ മാധ്യമ സ്ഥാപനങ്ങളും മാധ്യമ പ്രവര്‍ത്തകരും തയ്യാറാകണമെന്ന് കേരള റീജിയണല്‍ ലാറ്റിന്‍ കാത്തലിക് ബിഷപ്‌സ് കൗണ്‍സില്‍ (കെആര്‍എല്‍സിബിസി) മീഡിയാ കമ്മീഷന്‍ ചെയര്‍മാന്‍ ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍ ആവശ്യപ്പെട്ടു. എറണാകുളം ആശീര്‍ഭവനില്‍ കെആര്‍എല്‍സിബിസി മീഡിയാ കമ്മീഷന്‍ സംഘടിപ്പിച്ച കേരള ലത്തീന്‍ കത്തോലിക്കാ മാധ്യമ സംഗമത്തിന്റെ സമാപന സമ്മേളനത്തില്‍ സന്ദേശം നല്കുകയായിരുന്നു അദ്ദേഹം.
മാധ്യമ സംസ്‌കാരത്തിന്റെ യുഗത്തിലാണ് നാം ജീവിക്കുന്നത്. ആഹാരം, വസ്ത്രം, പാര്‍പ്പിടം എന്നിവ മനുഷ്യന്റെ പ്രാഥമിക ആവശ്യങ്ങളാണെന്നതുപോലെ മാധ്യമങ്ങളും നവമാധ്യമങ്ങളും നമ്മുടെ ജീവിതത്തില്‍ ഒഴിവാക്കാനാവാത്തവിധം സ്വാധീനം ചെലുത്തിക്കൊണ്ടിരിക്കുന്നു. ലോകം മുഴുവന്‍ ഒരു വിരല്‍തുമ്പിലാക്കി വിജ്ഞാനവും വിവരവും പകര്‍ന്നു നല്കുന്ന മാധ്യമങ്ങളുടെ സംഭാവന വളരെ വലുതാണ്. എന്നാല്‍ ചില ഒറ്റപ്പെട്ട സംഭവങ്ങളുടെ പേരില്‍ സഭയെ അപകീര്‍ത്തിപ്പെടുത്തിക്കൊണ്ടിരിക്കുന്ന ചില മാധ്യമങ്ങളുടെ പ്രവര്‍ത്തനശൈലി അത്യന്തം വേദനാജനകമാണ്. സഭാവിരുദ്ധരായ ചില വ്യക്തികള്‍ നവമാധ്യമങ്ങളിലൂടെ സഭയ്‌ക്കെതിരെ തെറ്റിദ്ധാരണപരത്തി സഭാവിശ്വാസികളെ വിശ്വാസത്തില്‍ നിന്ന് വ്യതിചലിപ്പിക്കുവാന്‍ നടത്തുന്ന പ്രവര്‍ത്തനങ്ങള്‍ തികച്ചും അപലപനീയമാണ്. വ്യക്തിസ്വാതന്ത്ര്യത്തിന്റെ പേരില്‍ സോഷ്യല്‍മീഡിയയില്‍ നടത്തുന്ന വ്യക്തിഹത്യകളും സ്വഭാവഹത്യകളും അവസാനിപ്പിക്കേണ്ടതാണ്. അപരന്റെ കുറവുകളെ സഹിഷ്ണുതയോടെ സ്വീകരിച്ചുകൊണ്ട് പരസ്പര സ്‌നേഹത്തിലും ബഹുമാനത്തിലും അധിഷ്ഠിതമായ നവമാധ്യമ സംസ്‌കാരമാണ് വളര്‍ത്തിയെടുക്കേണ്ടത്.
ഈ ഘട്ടത്തിലാണ് സഭാമക്കള്‍ എന്ന നിലയില്‍ മാധ്യമങ്ങളും നവമാധ്യമങ്ങളും സുവിശേഷവത്കരണത്തിനായി എപ്രകാരം ഉപയോഗപ്പെടുത്താമെന്ന് നാം ചിന്തിക്കേണ്ടത്. ഫ്രാന്‍സിസ് പാപ്പ സുവിശേഷത്തിന്റെ ആനന്ദം എന്ന തന്റെ അപ്പസ്‌തോലിക പ്രബോധനത്തില്‍, ‘ മാമോദീസ സ്വീകരിച്ച ഓരോ ക്രൈസ്തവനും സുവിശേഷം പ്രഘോഷിക്കാനായി വിളിക്കപ്പെട്ടിരിക്കുന്നു. ഏത് ജീവിതാവസ്ഥയില്‍ ആയിരുന്നാലും നമ്മുടെ വാക്കുകളിലൂടെയും പ്രവര്‍ത്തികളിലൂടെയും ക്രിസ്തുവിനെ പ്രഘോഷിക്കുവാന്‍ ഓരോ ക്രൈസ്തവനും വിളിക്കപ്പെട്ടിരിക്കുന്നു’ എന്നു ഉദ്‌ബോധിപ്പിച്ചിരിക്കുന്നു. നമ്മുടെ ജീവിതാവസ്ഥില്‍ നിന്നുകൊണ്ട്-അതു പുരോഹിതരോ, സന്നന്യസ്തരോ, അല്മായരോ ആയിക്കൊള്ളട്ടെ-പക്വതയാര്‍ന്ന ജീവിതസാക്ഷ്യംവഴി ക്രിസ്തുവിനെ മറ്റുള്ളവര്‍ക്ക് പകര്‍ന്നു നല്കുവാനുള്ള വലിയ ഉത്തരവാദിത്വം നമുക്കുണ്ട്. ഈ ഉത്തരവാദിത്വം ഭംഗിയായി നിര്‍വഹിക്കാന്‍ ഈ മാധ്യമ യുഗത്തില്‍ നവമാധ്യമങ്ങളെ നാം പ്രയോജനപ്പെടുത്തണം. ഫേസ്ബുക്ക്, വാട്‌സാപ്, ട്വിറ്റര്‍ തുടങ്ങിയ നവമാധ്യമങ്ങള്‍ ഇന്നത്തെ തലമുറയിലെ കുട്ടികളുടെയും യുവതീയുവാക്കളുടെയുമൊക്കെ ജീവിതത്തില്‍ ഏറെ സ്വാധീനം ചെലുത്തുമ്പോള്‍ ഈ നവമാധ്യമങ്ങള്‍ വഴി ക്രൈസ്തവസന്ദേശം പകര്‍ന്നുകൊടുത്തുകൊണ്ട് അവരെ വിശ്വാസത്തില്‍ വളര്‍ത്തുവാന്‍ നമുക്ക് സാധിക്കണം.
സോഷ്യല്‍മീഡിയ വഴിയുള്ള സുവിശേഷവത്കരണത്തിന് ഇന്നത്തെ തലമുറയിലെ യുവതയ്ക്ക് മാതൃകയായി സ്വീകരിക്കാവുന്ന വ്യക്തിത്വമാണ് ഫ്രാന്‍സിസ് പാപ്പാ 2018 ജൂലൈ 5ന് ധന്യപദവിയിലേക്കുയര്‍ത്തിയ ഇംഗ്ലണ്ടില്‍ നിന്നുള്ള കാര്‍ലോ അക്കൂത്തീസ് എന്ന യുവാവ്. രക്താര്‍ബുദം ബാധിച്ച് വെറും 15 വര്‍ഷം മാത്രം ജീവിച്ച കാര്‍ലോ അക്കൂത്തീസ് കംപ്യൂട്ടറില്‍ താന്‍ വികസിപ്പിച്ചെടുത്ത വെബ്്‌സൈറ്റിലൂടെയും സോഷ്യല്‍മീഡിയ വഴിയും സുവിശേഷം പ്രചരിപ്പിച്ചു. തികഞ്ഞ ദിവ്യകാരുണ്യഭക്തനായ കാര്‍ലോ അക്കൂത്തീസ് ദിവ്യകാരുണ്യ അത്ഭുതങ്ങളക്കുറിച്ചുള്ള ഭക്തിപ്രചരിപ്പിച്ചുകൊണ്ട് തന്റെ സമപ്രായക്കാരായ അനേകം പേരെ ദിവ്യകാരുണ്യഭക്തിയിലേക്ക് കൊണ്ടുവന്നു. ധന്യന്‍ കാര്‍ലോ അക്കൂ
ത്തീസിനെപോലെ നിങ്ങളില്‍ പലരും നവമാധ്യമങ്ങള്‍ വഴി ക്രിസ്തുസന്ദേശം മറ്റുള്ളവര്‍ക്ക് പകര്‍ന്നു നല്കുന്നു എന്നറിയുന്നതില്‍ അതിയായ സന്തോഷമുണ്ട്; നിങ്ങളെ പ്രത്യേകം അഭിനന്ദിക്കുകയും ചെയ്യുന്നു.
സോഷ്യല്‍മീഡിയയുടെ ഗുണങ്ങളോടൊപ്പം അവയുടെ ദൂഷ്യവശങ്ങളെക്കുറിച്ചും നാം ബോധവാന്മാരായിരിക്കണം. നവമാധ്യമങ്ങള്‍ അവതരിപ്പിക്കുന്ന വസ്തുതകളുടെ നന്മയും തിന്മയും വേര്‍തിരിച്ചറിയാനുളള വിവേകം നമുക്കുണ്ടായിരിക്കണം. സോഷ്യല്‍മീഡിയയുടെ അടിമത്വത്തിലേക്ക് നമ്മുടെ ജീവിതങ്ങളെ നാം ഒരിക്കലും തളച്ചിടരുത്. മനുഷ്യന്റെ നന്മയും പുരോഗതിയുമായിരിക്കണം നവമാധ്യമങ്ങള്‍ ലക്ഷ്യംവയ്‌ക്കേണ്ടത്. നവമാധ്യമ
ങ്ങളിലൂടെയുള്ള സുവിശേഷവത്കരണത്തില്‍ നമുക്കും പങ്കാളികളാകാം. അങ്ങനെ, അനേകം പേരുടെ ജീവിതത്തില്‍ വിശ്വാസവെളിച്ചം പകര്‍ന്നു നല്കാന്‍ നമുക്കും പരിശ്രമിക്കാമെന്ന് ആര്‍ച്ച്ബിഷപ് പറഞ്ഞു.
Related Articles
കോടതിയോടുള്ള വെല്ലുവിളിയെന്ന് മുല്ലപ്പള്ളി
തിരുവനന്തപുരം: നിര്‍ബന്ധിതമായി ജീവനക്കാരുടെ ശമ്പളം പിടിക്കാനുള്ള സര്‍ക്കാര്‍ നീക്കം സ്റ്റേ ചെയ്ത ഹൈക്കോടതി വിധി മറികടക്കാന്‍ ഓര്‍ഡിനന്‍സ് കൊണ്ടുവരാനുള്ള മന്ത്രിസഭാ തീരുമാനം കോടതിയോടുള്ള വെല്ലുവിളിയാണെന്ന് കെപിസിസി പ്രസിഡന്റ്
രക്ഷിതാക്കളുടെ ശ്രദ്ധയ്ക്ക്
എസ്എസ്എല്‍സി പരീക്ഷ കുട്ടികളെയും രക്ഷിതാക്കളെയും സംബന്ധിച്ച് ഇപ്പോഴുമൊരു പേടിസ്പ്‌നമാണ്. റിസല്‍റ്റ് വന്നാലും പേടി ഒഴിഞ്ഞുപോകില്ലെന്നുമാത്രം. കുട്ടികളുടെ ഭാവിയെക്കുറിച്ചായിരിക്കും അച്ഛനമ്മമാരുടെ അടുത്ത ഉത്കണ്ഠ. പ്ലസ് ടുവിന് ഏതു കോഴ്‌സ്
കൊളസ്‌ട്രോളും പാവം മുട്ടയും പിന്നെ തീരാത്ത സംശയങ്ങളും
ഒരിക്കലും ഒടുങ്ങാത്ത ദുരൂഹതകളും സംശയങ്ങളും ആളുകള്‍ക്കിടയിലുണ്ട്. എന്തൊക്കെ വിശദീകരണങ്ങള്‍ കൊടുക്കുവാന്‍ ശ്രമിച്ചാലും അവ അപരിഹാര്യമായ നിഗൂഢതയായി അവശേഷിക്കുന്നു. മരണത്തെ മറികടക്കാന്‍ തത്രപ്പെടുന്ന മനുഷ്യന്റെ മാറാസ്വപ്‌നങ്ങള്‍ക്ക് നിത്യഭീഷണിയാകുകയാണ്
