പാമ്പനാര്‍, അമയന്നൂര്‍ ദൈവാലയങ്ങള്‍ തിരുഹൃദയ തീര്‍ത്ഥാടന കേന്ദ്രങ്ങള്‍
വിജയപുരം: തിരുഹൃദയ വര്‍ഷാചരണത്തോടനുബന്ധിച്ച് വിജയപുരം രൂപതയിലെ പാമ്പനാര്‍, അമയന്നൂര്‍ ദൈവാലയങ്ങളെ തീര്‍ത്ഥാടന കേന്ദ്രങ്ങളായി ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍ പ്രഖ്യാപിച്ചു. 1938 മാര്‍ച്ച് 29-ാം തീയതി രൂപതയെ തിരുഹൃദയത്തിനു പ്രതിഷ്ഠിച്ചുകൊണ്ട് പ്രഥമ മെത്രാന്‍ ഭാഗ്യസ്മരണാര്‍ഹനായ ബെനവെന്തുര അരാനാ ഒസിഡി തിരുഹൃദയ ചിത്രം മെത്രാസന മന്ദിരത്തില്‍ പ്രതിഷ്ഠിച്ചതിന്റെ 80-ാം വാര്‍ഷികാചരണത്തോടനുബന്ധിച്ചാണ് വിജയപുരം രൂപതയില്‍ തിരുഹൃദയവര്‍ഷം ആചരിക്കുന്നത്. 2019 ഏപ്രില്‍ 1 വരെ വര്‍ഷാചരണത്തോടനുബന്ധിച്ച് രൂപതയിലെ തിരുഹൃദയനാമത്തിലുള്ള ദൈവാലയങ്ങളായ പാമ്പനാര്‍, അമയന്നൂര്‍ ഇടവകകളെ തീര്‍ത്ഥാടന കേന്ദ്രങ്ങളായി പ്രഖ്യാപിച്ചു. പാമ്പനാര്‍, അമയന്നൂര്‍ തിരുഹൃദയ ദൈവാലയങ്ങളില്‍ സമൂഹബലി അര്‍പ്പിച്ചുകൊണ്ടാണ് തീര്‍ത്ഥാടന കേന്ദ്ര പ്രഖ്യാപനം നിര്‍വഹിച്ചത്. ഈശോയുടെ തിരുഹൃദയ പ്രതിഷ്ഠാജപം രണ്ടു ദൈവാലയങ്ങളിലും ബിഷപ് ചൊല്ലിക്കൊടുത്തത് വിശ്വാസി സമൂഹം ഏറ്റുചൊല്ലി. രണ്ടു ദൈവാലയങ്ങളുടെ വൈദികവസതികളും ബിഷപ് ആശിര്‍വദിക്കുകയും ഈശോയുടെ തിരുഹൃദയത്തിന് പുന:പ്രതിഷ്ഠിക്കുകയും ചെയ്തു. വികാരി ജനറല്‍ മോണ്‍. ജസ്റ്റിന്‍ മഠത്തിപ്പറമ്പില്‍, ചാന്‍സലര്‍ മോണ്‍. ജോസ് നവസ്, പാമ്പനാര്‍ ഇടവക വികാരി ഫാ. ക്ലീറ്റസ് കതിര്‍പറമ്പില്‍, അമയന്നൂര്‍ ഇടവക വികാരി ഫാ. ജോര്‍ജ് ചക്കുങ്കല്‍, സമീപ ഇടവകകളിലെ വികാരിമാര്‍, സന്യസ്തര്‍ തുടങ്ങിയര്‍ ചടങ്ങുകളില്‍ പങ്കെടുത്തു.
Related Articles
ഫാ ജോമോന് നല്ല സമരിയാക്കാരൻ്റെ മുഖം
മഹാമാരിയുടെ കാലത്ത് മാനവികതയുടെ കാവൽ മാലാഖകൾ ഈ നാടിനായ് മുന്നിട്ടിറങ്ങുമ്പോൾ ഈ പ്രതിസന്ധിയും നാം അതിജീവിക്കും. മനുഷ്യ സേവനമാണ് ദൈവിക സ്നേഹത്തിലെക്കുള്ള യഥാർത്ഥ വഴിയെന്ന് കാണിച്ചു തരികയാണ്‌
വിദ്യാഭ്യാസ മേഖല കൂടുതല്‍ മെച്ചപ്പെടണം -ബിഷപ് ഡോ. സ്റ്റാന്‍ലി റോമന്‍
പത്തനാപുരം: വികസിത സമൂഹത്തിനായുള്ള മുന്നേറ്റത്തില്‍ ലത്തീന്‍ കത്തോലിക്കരുടെ വിദ്യാഭ്യാസ മേഖല കാലത്തിനനുസൃതമായി മെച്ചപ്പെടണമെന്ന് കെആര്‍എല്‍സിബിസി വിദ്യാഭ്യാസ കമ്മീഷന്‍ അധ്യക്ഷനായ ബിഷപ് എമരിറ്റസ് ഡോ. സ്റ്റാന്‍ലി റോമന്‍ പറഞ്ഞു.
ഈ സാഹചര്യത്തില്‍ നിയമഭേദഗതി നടപ്പാക്കാന്‍ ഉദ്ദേശിക്കുന്നില്ല- മുഖ്യമന്ത്രി
ഭേദഗതി പ്രഖ്യാപിക്കപ്പെട്ടതോടെ വിവിധ കേന്ദ്രങ്ങളില്‍ നിന്നും വ്യത്യസ്ഥമായ അഭിപ്രായങ്ങളാണ് ഉയര്‍ന്നത്. ഇടതുപക്ഷ ജനാധിപത്യമുന്നണിയെ അനുകൂലിക്കുന്നവരും ജനാധിപത്യ സംരക്ഷണത്തിനായി നിലകൊള്ളുന്നവരും അടക്കം ആശങ്കപ്രകടിപ്പിച്ചു. ഈ സാഹചര്യത്തില്‍ നിയമ
