പാര്‍ശ്വവത്കരിക്കപ്പെട്ടവര്‍ക്ക് താങ്ങായി മാറാന്‍ വിശ്വാസികള്‍ക്ക് കഴിയണം : ബിഷപ് ഡോ. അലക്‌സ് വടക്കുംതല
കണ്ണൂര്‍: സമൂഹത്തില്‍ കഷ്ടത അനുഭവിക്കുന്നവര്‍ക്കും പാര്‍ശ്വവത്കരിക്കപ്പെട്ടവര്‍ക്കും കൈത്താങ്ങായി മാറുവാന്‍ കത്തോലിക്ക വിശ്വാസിസമൂഹങ്ങള്‍ കഴിയണമെന്നും അതിനുള്ള വഴികാട്ടിയായി സഭകള്‍ മാറണമെന്നും ബിഷപ് ഡോ. അലക്‌സ് വടക്കുംതല പറഞ്ഞു. കണ്ണൂര്‍ രൂപത പാസ്റ്ററല്‍ കൗണ്‍സില്‍ ഉദ്ഘാടനം ചെയ്തു സംസാരിക്കുകയായിരുന്നു ബിഷപ്.
രൂപത വിന്‍സന്റ് ഡി പോള്‍ സംഘടനയും, രൂപതയിലെ വിവിധി സന്യാസിസഭയുടെയും നേതൃത്വത്തില്‍ കിടപ്പാടം പോലുമില്ലാത്ത സാധു കുടുംബങ്ങള്‍ക്ക് വീടുകള്‍ നിര്‍മിച്ചു നല്‍കിയ പ്രവര്‍ത്തനങ്ങള്‍ സമൂഹത്തിന് മാതൃകയാണെന്നും ഇത്തരത്തിലുള്ള ജീവകാരുണ്യപ്രവര്‍ത്തനങ്ങള്‍ക്ക് വിശ്വാസികള്‍ മുന്നോട്ടുവരണമെന്നും ബിഷപ് അഭിപ്രായപ്പെട്ടു.
രൂപത വികാരി ജനറല്‍മാരായ മോണ്‍. ദേവസി ഈരത്തറ, മോണ്‍. ക്ലാരന്‍സ് പാലിയത്ത്, ഫാ. ജോര്‍ജ് പൈനാടത്ത്, ഫാ. ബെന്നി മണപ്പാട്ട്, ഫാ. ഷിറോണ്‍ ആന്റണി, ഫാ. മാര്‍ട്ടിന്‍ രായപ്പന്‍, സിസ്റ്റര്‍ വീണ, ആന്റണി നൊറോണ, രതീഷ് ആന്റണി, മേരി ടി, സൈമണ്‍ കെ. ബി, ജോണ്‍സണ്‍ പി. ഡി, ബെന്നി പുതുശേരി, മേഴ്‌സി സെബാസ്റ്റ്യന്‍, സന്തോഷ് കാവില്‍ എന്നിവര്‍ സംസാരിച്ചു.
Related Articles
വനനശീകരണം നരവംശഹത്യയെന്ന് ഫ്രാന്‍സിസ് പാപ്പാ
വത്തിക്കാന്‍ സിറ്റി: വനനശീകരണം എന്നാല്‍ നരവംശഹത്യയാണെന്ന് ആമസോണ്‍ മേഖലയുടെ സംരക്ഷണം സംബന്ധിച്ച് ഒക്‌ടോബര്‍ ആറു മുതല്‍ 27 വരെ വിളിച്ചുകൂട്ടുന്ന മെത്രാന്മാരുടെ അസാധാരണ സിനഡിന്റെ പശ്ചാത്തലത്തില്‍ ഇറ്റലിയിലെ
രാജാവിന് നിന്നെ ആവശ്യമുണ്ട്: ഓശാന ഞായർ
ഓശാന ഞായർ രാജാവിന് നിന്നെ ആവശ്യമുണ്ട് കഴുതപ്പുറത്തേറിയുള്ള ഈശോയുടെ രാജകീയ പ്രവേശനത്തെ അനുസ്മരിച്ചുകൊണ്ട് ഇന്ന് നാം ഓശാന ഞായര്‍ ആചരിക്കുകയാണ്. ഒപ്പം നാം വലിയ ആഴ്ചയിലേക്ക് പ്രവേശിക്കുകയാണ്.
സമാധാനത്തിന്റെ നാട് കണ്ണീര്‍ക്കടലായി
ശ്രീലങ്കയിലെ കടല്‍ത്തീരത്തുള്ള മുക്കുവ നഗരം അറിയപ്പെട്ടിരുന്നത് കൊച്ചുറോമെന്നായിരുന്നു. ഇവിടെയുള്ള ക്രൈസ്തവരുടെയും ദേവാലയങ്ങളുടെയും പേരിലാണ് നെഗോംബോ കത്തോലിക്കാ സഭയുടെ പിള്ളത്തൊട്ടിലായ റോമിന്റെ ചെറുപതിപ്പായി അറിയപ്പെട്ടിരുന്നത്. 2019ലെ ഉയിര്‍പ്പുദിനത്തില്‍ ആഹഌദഭരിതരായി
