പാവങ്ങളുടെ ദിനം ആചരിച്ചു

പാവങ്ങളുടെ ദിനം ആചരിച്ചു

കൊച്ചി: ഫ്രാന്‍സിസ് പാപ്പയുടെ ആഹ്വാനം അനുസരിച്ച് ആഗോളതലത്തില്‍ നടത്തപ്പെടുന്ന പാവങ്ങളുടെ ദിനം കൊച്ചി രൂപത ആചരിച്ചു.
‘എളിയവന്‍ നിലവിളിച്ചു കര്‍ത്താവു കേട്ടു’ എന്ന ദൈവവചനമായിരുന്നു ഈ വര്‍ഷത്തെ ആപ്തവാക്യം. ദരിദ്രരിലും അവശത അനുഭവിക്കുന്നവരിലും ദൈവത്തെ ദര്‍ശിക്കുവാന്‍ നാം ആത്മാര്‍ത്ഥമായി പരിശ്രമിക്കണമെന്ന് ഇടക്കൊച്ചി സെഹിയോന്‍ പ്രേഷിതസംഘത്തിന്റെ ഊട്ടുശാലയില്‍ നടത്തിയ സ്‌നേഹസംഗമം ഉദ്ഘാടനം ചെയ്തുകൊണ്ട് കൊച്ചി രൂപത വികാരി ജനറല്‍ മോണ്‍. പീറ്റര്‍ ചടയങ്ങാട് പ്രസ്താവിച്ചു. മനുഷ്യജീവനെ മഹത്വത്തോടെ സംരക്ഷിക്കുവാനുള്ള ചുമതല എല്ലാവരിലും നിക്ഷിപ്തമാണെന്ന് അദ്ദേഹം പറഞ്ഞു. കെസിബിസി പ്രൊ ലൈഫ് സമിതി കൊച്ചി രൂപതാഘടകത്തിന്റെ നേതൃത്വത്തിലാണ് പരിപാടി സംഘടിപ്പിച്ചത്.
ഷെവലിയര്‍ ഡോ. എഡ്വേര്‍ഡ് എടേഴത്ത് അധ്യക്ഷനായ യോഗത്തില്‍ കെസിബിസി പ്രൊലൈഫ് പ്രസിഡന്റ് സാബു ജോസ് മുഖ്യപ്രഭാഷണം നടത്തി. ജനറല്‍ സെക്രട്ടറി അഡ്വ. ജോസി സേവ്യര്‍, പള്ളോട്ടൈന്‍ സന്യാസിനി സമൂഹം പ്രൊവിന്‍ഷ്യാല്‍ സിസ്റ്റര്‍ ലിജിയ, പ്രൊഫ. സീറ്റാ പോള്‍, ഊട്ടുശാല പ്രസ്ഥാനത്തിന്റെ പ്രസിഡന്റ് ജൂഡ്‌സണ്‍ എം. എക്‌സ്, ആന്റണി മൈലോത്ത്, ഫിലോമിന വില്‍സന്‍, യൂത്ത് വിങ് പ്രസിഡന്റ് ടോം രഞ്ജിത് തുടങ്ങിയവര്‍ പ്രസംഗിച്ചു. സാബു ജോസ്, എം. എക്‌സ് ജൂഡ്‌സന്‍, പകല്‍വീട് മുതിര്‍ന്ന അംഗങ്ങളായ മേരി, കറുപ്പന്‍ എന്നിവരെ ആദരിച്ചു.


Tags assigned to this article:
cochin diocese

Related Articles

കൊവിഡില്‍ പോര്‍മുഖം തുറന്ന് രാഷ്ട്രീയക്കാര്‍; ആശങ്കയില്‍ ജനം

ആരോപണവും പ്രത്യോരോപണവുമായി ഭരണപക്ഷവും പ്രതിപക്ഷവും തകര്‍ത്താടുമ്പോള്‍ കേരളത്തിലെ സാധാരണജനത ഇപ്പോഴും കൊവിഡ് ആശങ്കയിലാണ്. വൈറസ് വ്യാപന പ്രതിരോധത്തെ രാഷ്ട്രീയക്കാരുടെ തമ്മില്‍ത്തല്ല് പ്രതിരോധത്തിലാക്കുമോ എന്ന ശങ്കയിലാണ് ജനം. കൊച്ചി:

ദൈവത്തിന്റെ വാഗ്ദാനവും ദാവീദിന്റെ സിംഹാസനവും

ഗബ്രിയേല്‍ ദൈവദൂതന്‍ കന്യകയായ മറിയത്തിന് നല്‍കുന്ന മംഗളവാര്‍ത്തയാണ് നമ്മുടെ സുവിശേഷഭാഗം. മംഗളവാര്‍ത്തയില്‍ നാല് പ്രധാനപ്പെട്ട കാര്യങ്ങള്‍ നമുക്കൊന്ന് ശ്രദ്ധിക്കാം: 1. ഗബ്രിയേല്‍ ദൈവദൂതന്‍ മേരിയോട് പറയുന്നു; നിന്റെ

കുടിവെള്ളക്ഷാമം: ജലഭവനു മുന്നിൽ പ്രതിഷേധ ധർണ

രൂക്ഷമായ കുടിവെള്ളക്ഷാമം പരിഹരിക്കുന്നതിന് അധികൃതർ നടപടി എടുക്കാത്തതിൽ പ്രതിഷേധിച്ച് കോതാട് നിവാസികൾ എറണാകുളത്ത് വാട്ടർ അതോറിറ്റി ചീഫ് എൻജിനീയറുടെ കാര്യാലയം ജലഭവനു മുന്നിൽ പ്രതിഷേധ സമരം സംഘടിപ്പിച്ചു.

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*