പിടിയരിച്ചോറുമായി കര്‍മലീത്താസഭ
എറണാകുളം: വരാപ്പുഴ വികാരിയത്തിന്റെ വികാര്‍ അപ്പസ്‌തോലിക്കായിരുന്ന ബെര്‍ണര്‍ദീന്‍ ബച്ചിനെല്ലി ഒസിഡിയുടെ 150-ാം ചരമവാര്‍ഷികത്തോടുബന്ധിച്ച് മഞ്ഞുമ്മല്‍ ഒസിഡി പ്രോവിന്‍സ് ‘പിടിയരിച്ചോറ്’ കാരുണ്യപദ്ധതി തുടങ്ങി.
ബെര്‍ണര്‍ദീന്‍ പിതാവ് ഒന്നര നൂറ്റാണ്ടിനു മുമ്പ് ആരംഭിച്ച പദ്ധതിയാണ് ഓരോ വീട്ടിലും അരി വേവിക്കാന്‍ ഇടും മുമ്പേ ഒരു പിടി അരി എടുത്ത് മറ്റുള്ളവര്‍ക്കായി മാറ്റി വയ്ക്കുക എന്നത്. മഞ്ഞുമാത കര്‍മലീത്താ സഭ ബച്ചിനെല്ലി പിതാവിന്റെ തുടര്‍ച്ചക്കാരാണ്. പ്രളയക്കെടുതിയില്‍ നിന്നും ജനങ്ങളെ സാധാരണ ജീവിതത്തിലേക്ക് നയിക്കാനുള്ള വിവിധ ഘട്ടത്തിലുള്ള പദ്ധതിക്കു സഭ രൂപം കൊടുത്തപ്പോള്‍ അതിന്റെ ഭാഗമായി മഞ്ഞുമാത പ്രൊവിന്‍സ് സാമൂഹ്യപ്രവര്‍ത്തനങ്ങളെ ഏകോപ്പിപ്പിക്കുന്ന തെരേസ്യന്‍ സമഗ്ര വികസന പദ്ധതിയുടെ നേതൃത്വത്തില്‍ ഉദ്ഘാടനം ചെയ്ത പ്രസ്ഥാനമാണ് ‘പിടിയരി ചോറ്’. സന്മനസുള്ള മനുഷ്യരിലൂടെ സമാഹരിച്ച അരിയും പരിപ്പും കാപ്പിപൊടിയും പഞ്ചസാരയും അടങ്ങിയ പൊതികളാണ് ‘പിടിയരിച്ചോറ്’.
പ്രസ്ഥാനത്തിന്റെ ലക്ഷ്യം ഏകദേശം 20000 പൊതികള്‍ ഒരുക്കുകയാണ്. അതിന്റെ തുടക്കമായി 400 പൊതികള്‍ മഞ്ഞുമാത സമൂഹത്തിന് നല്‍കി ആരംഭിച്ചു. പ്രോവിന്‍ഷ്യാള്‍ ഫാ. അഗസ്റ്റിന്‍ മുല്ലൂര്‍, കൗണ്‍സിലര്‍മാരായ ഫാ. ആന്റണി പൊന്‍വേലില്‍, ഫാ. നിക്‌സന്‍ ആക്കപ്പിള്ളി, സാമൂഹ്യ പ്രവര്‍ത്തന ഏകോപകനായ ഫാ. ഷിബു സേവ്യര്‍, സഹകരികളായ ഫാ. വര്‍ഗീസ് കണിച്ചുക്കാട്ട്, ഫാ. സുനില്‍ പഴമ്പിള്ളി, അക്വീനാസ് എന്നിവര്‍ പങ്കെടുത്തു.
Related Articles
കോവിഡ് – ആരാധനാലയങ്ങൾ തുറക്കുമ്പോൾ
ഏറ്റെടുക്കേണ്ട ഉത്തരവാദിത്വങ്ങളും നിയന്ത്രണങ്ങളും
നിയന്ത്രണങ്ങളുടെ ഭാഗമായി മാസങ്ങളോളം അടഞ്ഞുകിടന്ന ആരാധനാലയങ്ങൾ ജൂൺ 8 മുതൽ കർശന ഉപാധികളോടെ തുറക്കുന്നതിന് 4.6.2020 തീയതി കേന്ദ്ര മന്ത്രാലയം പുറത്തിറക്കിയ നിർദ്ദേശങ്ങൾ, അല്പം കൂട്ടിച്ചേർക്കലുകളോടെ സംസ്ഥാന
വിജയും പൗര്‍ണമിയും സൂപ്പര്‍
ഒരു പരസ്യസംവിധായകനില്‍ നിന്ന് അല്പം കൂടെ ഉയര്‍ന്ന പ്ലാറ്റ്‌ഫോമിലേക്കുള്ള ജിസ് ജോയി എന്ന സംവിധായകന്റെ വളര്‍ച്ചയ്ക്ക് അടിവരയിടുന്ന ഒരു ദൃശ്യാനുഭവമായി വിജയ് സൂപ്പറും പൗര്‍ണമിയും. പേര് സൂചിപ്പിക്കുന്നതുപോലെ
അമേരിക്കന്‍ സൈന്യത്തിലെ ക്യാപ്റ്റനച്ചന്‍
അമേരിക്കന്‍ സൈനിക യൂണിഫോമിനൊപ്പം അഭിഷിക്തന്റെ ദൈവിക കവചവുമണിഞ്ഞാണ് യുഎസ് മിലിറ്ററി സര്‍വീസസില്‍ കമ്മീഷന്‍ഡ് ഓഫിസര്‍ എന്ന നിലയില്‍ ക്യാപ്റ്റന്‍ പദവിയുള്ള റോമന്‍ കത്തോലിക്കാ വൈദികന്‍ ടെജി
