പിയാത്തേയും അന്ത്യഅത്താഴവും

പിയാത്തേയും അന്ത്യഅത്താഴവും

ക്രൈസ്തവചരിത്രത്തോടും വിശ്വാസത്തോടും ഏറെ അടുത്തുസംവദിക്കുന്ന രണ്ടു കലാസൃഷ്ടികളാണ് പിയാത്തേയും അന്ത്യഅത്താഴവും. ക്രൂശില്‍ മരിച്ച ശേശുവിനെ അമ്മ മറിയം മടിയില്‍ വഹിച്ചിരിക്കുന്ന വിഖ്യാതശില്പമായ പിയാത്തേ മൈക്കിള്‍ ആഞ്ചലോ എന്ന ശില്പിയുടെ ഏറ്റവും മികച്ച ശില്പങ്ങളിലൊന്നാണ്. വത്തിക്കാനിലെ സെന്റ് പീറ്റേഴ്‌സ് ബസിലിക്കയില്‍ പ്രതിഷ്ഠിച്ചിട്ടുള്ള പിയാത്തേയുടെ പതിപ്പുകള്‍ ലോകമെങ്ങുമുങ്ങുമുള്ള ക്രൈസ്തവ ആരാധനാ കേന്ദ്രങ്ങളിലും മൊണാസ്ട്രികളിലും പൂജ്യമായി കരുതിപ്പോരുന്നുണ്ട്. ലിയാനാര്‍ഡോ ഡാവിഞ്ചി വരച്ച അന്ത്യഅത്താഴവും ക്രൈസ്തവരെ സംബന്ധിച്ചിടത്തോളം ഏറെ പ്രധാന്യമുള്ളതാണ്. അതുകൊണ്ടാണ് പല സന്ദര്‍ഭങ്ങളിലും അന്ത്യഅത്താഴ ചിത്രത്തെ വികലമായി ചിത്രീകരിക്കാന്‍ പലരും ശ്രമിച്ചപ്പോഴൊക്കെ ക്രൈസ്തവവിശ്വാസികള്‍ ശക്തമായി പ്രതികരിച്ചിട്ടുള്ളത്. അടുത്തിടെ ഒരു മാസികയുടെ പുറംചിത്രമായി ഇത്തരത്തില്‍ വികലമായി ചിത്രീകരിക്കപ്പെട്ട അന്ത്യഅത്താഴത്തിന്റെ ചിത്രം വന്നപ്പോള്‍ പുരോഹിതരും സാധാരണക്കാരും ഏറെ ശക്തമായി തന്നെ തങ്ങളുടെ പ്രതിഷേധം രേഖപ്പെടുത്തിയിരുന്നു. കലാസ്വാന്ത്ര്യമെന്നത് കലാരൂപങ്ങളെ വികൃതമാക്കാനും മറ്റുള്ളവരുടെ വികാരങ്ങളെ വൃണപ്പെടുത്താനുമുള്ളതല്ലെന്നും അന്ന് സഭാ നേതൃത്വം വ്യക്തമാക്കുകയുണ്ടായി.

അന്ന് പ്രതിഷേധത്തിനിറങ്ങിയവരില്‍ ചിലരെങ്കിലും ഇപ്പോള്‍ ഹൈക്കോടതിക്കു സമീപമുള്ള സമരപന്തലില്‍ ഉണ്ടാകുമല്ലോ. ഇപ്പോഴത്തെ സമരം നയിക്കുന്ന കന്യാസ്ത്രീകള്‍ അന്നത്തെ പ്രതിഷേധത്തില്‍ പങ്കെടുത്തവരാണോ? ആണെങ്കില്‍ ഇപ്പോള്‍ നിങ്ങളുടെ സമരവേദിയില്‍ പിയാത്തേയെ വികൃതമാക്കിയതില്‍ പ്രതിഷേധമൊന്നുമില്ലേ? അതല്ല അന്ത്യഅത്താഴത്തിനെതിരെയുള്ള പ്രതിഷേധത്തില്‍ പങ്കെടുത്തിരുന്നില്ലെങ്കില്‍ അതു തുറന്നു പറയണം. ക്രൈസ്തവമൂല്യങ്ങളെ നിങ്ങളെത്രമാത്രം വിലമതിക്കുന്നുവെന്ന് അതില്‍ നിന്നും വ്യക്തമാകും. കന്യാസ്ത്രീയെ ബിഷപ് ബലമായി പീഡിപ്പിച്ചുവെങ്കില്‍ ബിഷപ് കുറ്റക്കാരനാണെന്നും ശിക്ഷിക്കപ്പെടണമെന്നും തന്നെയാണ് എല്ലാ വിശ്വാസികളും ആഗ്രഹിക്കുന്നത്. ബിഷപ്പിനെ ശിക്ഷിക്കുവാന്‍ ഏതറ്റംവരെ-ക്രൈസ്തവ വിശ്വാസ മൂല്യങ്ങളെ ബലി കഴിച്ചും തങ്ങള്‍ മുന്നോട്ടു പോകുമെന്നുമാണ് മറുപടിയെങ്കില്‍ വികൃതമാക്കിയ ഈ പിയാത്തേ ശില്പം ജീവിതകാലം മുഴുവന്‍ നിങ്ങള്‍ക്കു കൂട്ടായിരിക്കട്ടെ.


Related Articles

യേശുവിന്റെ മഹാതീര്‍ത്ഥാടകര്‍

1999 നവംബര്‍ ഏഴിന് ജോണ്‍ പോള്‍ രണ്ടാമന്‍ പാപ്പ ന്യൂഡല്‍ഹിയിലെ നെഹ്റു സ്റ്റേഡിയത്തില്‍ തടിച്ചുകൂടിയ എഴുപതിനായിരത്തോളം വരുന്ന ജനസഞ്ചയത്തിനോടൊപ്പം വിശുദ്ധബലി അര്‍പ്പിക്കുമ്പോള്‍ രാജ്യമെങ്ങും ദീപാലംകൃതമായിരുന്നു. ഉത്തരേന്ത്യയിലെ ഏറ്റവും

അനുതാപവും വിശ്വാസവും പ്രതിസന്ധികള്‍ പരിഹരിക്കും – ആര്‍ച്ച്ബിഷപ് ഡോ. എം. സൂസപാക്യം

എറണാകുളം: യഥാര്‍ത്ഥ അനുതാപവും ദൈവത്തിലുള്ള വിശ്വാസവുണ്ടെങ്കില്‍ ഏതു പ്രതിന്ധിയും പരിഹരിക്കാന്‍ കഴിയുമെന്ന് കെസിബിസി അധ്യക്ഷന്‍ ആര്‍ച്ച്ബിഷപ് ഡോ. എം. സൂസപാക്യം പറഞ്ഞു. കത്തോലിക്കാസഭയിലെ സന്യാസസമൂഹങ്ങളുടെ മേജര്‍ സുപ്പീരിയര്‍മാരുടെ

‘ഭൂമി നമ്മുടെ അമ്മ’ ഫ്രാന്‍സിസ് പാപ്പായുടെ പുതിയ പുസ്തകം

വത്തിക്കാന്‍ സിറ്റി: നമ്മുടെ പൊതുഭവനമായ ഭൂമിയുടെ സംരക്ഷണത്തിന് ഭൂമിയോടും അതിലെ മനുഷ്യരോടും ജീവജാലങ്ങളോടുമുള്ള സമീപനത്തില്‍ ആഴമായ മറ്റങ്ങള്‍ നിര്‍ദേശിക്കുന്ന ഫ്രാന്‍സിസ് പാപ്പായുടെ പുതിയ പുസ്തകം ‘ഭൂമി നമ്മുടെ

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*