പിഴല സമരം: ഒക്ടോബര്‍ ഒന്നിന് കളക്ടറുടെ ക്യാമ്പ് ഓഫീസ് വളയും
എറണാകുളം:പിഴല ദ്വീപുനിവാസികളുടെ മൗലികാവകാശമായ മൂലമ്പിള്ളി-പിഴല പാലം എത്രയും വേഗം സഞ്ചാരയോഗ്യമാക്കണമെന്ന് ആവശ്യപ്പെട്ട് ‘പിഴല കരമുട്ടിക്കല്‍ സമര’ സമിതി സമര പ്രഖ്യാപന കണ്‍വെന്‍ഷന്‍ നടത്തി. അഡ്വ. അഥീന സുന്ദര്‍ ഉദ്ഘാടനം ചെയ്തു. പിഴലയുടെ ഈ ദുരിതങ്ങള്‍ക്കു കാരണം 55 വര്‍ഷക്കാലം ഭരിച്ച സര്‍ക്കാരുകളുടെ വീഴ്ചയാണെന്ന് അഥീന കുറ്റപ്പെടുത്തി. സഞ്ചാരസ്വാതന്ത്ര്യം ഹനിക്കുന്നത് പിഴലയില്‍ മാത്രമല്ല ഇന്ത്യയിലാകമാനം നടക്കുന്ന മൗലികാവകാശ ലംഘനമാണ്. ഡാമുകള്‍ കെട്ടിപ്പെടുക്കാന്‍ കാണിക്കുന്ന വ്യഗ്രത പാലങ്ങള്‍ നിര്‍മ്മിക്കാന്‍ ഭരണകൂടങ്ങള്‍ കാണിക്കണം എന്ന് അഥീന ഓര്‍മപ്പെടുത്തി.
സമര സമിതി ചെയര്‍പേര്‍ഴ്‌സണ്‍ രാജലക്ഷ്മി പത്മനാഭന്‍ അധ്യക്ഷ പ്രസംഗം നടത്തി. പിഴലയുടെ സഞ്ചാര സ്വാതന്ത്ര്യം നിഷേധിക്കുന്ന അധികാരികളുടെ സമീപനം പ്രതിഷേധാര്‍ഹമാണെന്ന് രാജലക്ഷ്മി കുറ്റപ്പെടുത്തി. പ്രളയസമയത്ത് പിഴല അനുഭവിച്ച ക്ലേശങ്ങള്‍ വര്‍ണിക്കാന്‍ കഴിയുന്നതല്ല.
മൂലംമ്പിള്ളി – പിഴല പാലം ഇന്ന് പിഴലക്ക് സഞ്ചരിക്കാനുള്ള മാര്‍ഗം മാത്രമല്ല ജീവന്‍ നിലനിര്‍ത്താനുള്ള ഒരു മാര്‍ഗം കൂടിയാണ്. അത് തടയാന്‍ ശ്രമിക്കുന്ന അധികാരികളുടെ സമീപനം തുടര്‍ന്നാല്‍ പിഴല ശക്തമായി എതിര്‍ക്കുമെന്ന് ഓര്‍മപ്പെടുത്തി.
പി. വി ഡിജിന്‍ സമരത്തിന്റെ വിശദീകരണം നടത്തി. പിഴല രൂപം കൊണ്ടനാള്‍ മുതല്‍ 667 വര്‍ഷങ്ങളുടെ ഒറ്റപ്പെടലിന്റെ ദുരനുഭവങ്ങളാണ് പിഴലയ്ക്കുള്ളത്. വന്‍കര മുട്ടിയിട്ടില്ല. പിഴലക്കാര്‍ അനുഭവിക്കുന്ന കഷ്ടപ്പാടുകള്‍ അദ്ദേഹം വിവരിച്ചു. പാലം പണി ആരംഭിച്ചിട്ട് അഞ്ചു വര്‍ഷം കഴിഞ്ഞിട്ടും പാലം സഞ്ചാരയോഗ്യമായില്ല. അധികാരികളുടെ ഈ സമീപനം അങ്ങേയറ്റം പ്രതിഷേധാര്‍ഹമാണ്.
സാന്ദ്ര മനു സമര പ്രഖ്യാപനം നടത്തി. പാലം പണി പൂര്‍ത്തിയാക്കാത്തതില്‍ പ്രതിഷേധിച്ച് 2018 ഒക്ടോബര്‍ 1ന് കളക്ടറുടെ ക്യാമ്പ് ഓഫീസ് വളയാന്‍ തീരുമാനിച്ചു.
ജിഡ മെമ്പറായ എംഎല്‍എ എസ്. ശര്‍മ, മാഗ്ലിന്‍ ഫിലോമിന, ഫാ. റോബിന്‍സണ്‍ പനക്കല്‍, സണ്ണി കുമ്പിക്കാട്, ബിജു കണ്ണങ്ങനാട്, സി ആര്‍ നീലകണ്ഠല്‍, വേണു, ഹാഷിം ചേന്നാപ്പിള്ളി, എം ഗീതനാന്ദന്‍, ഷാജി ജോര്‍ജ്, അഡ്വ. ഷെറി ജെ. തോമസ്, ടി. എസ് സുഭാഷ്, ജെയ്‌സണ്‍, പുരുഷന്‍ ഏലൂര്‍, രാജശ്രീ, ജയഘോഷ്, സി. ജെ തങ്കച്ചന്‍, ബെന്നി, മുരളി, ഇ. എക്‌സ് ബെന്നി, പ്രകാശന്‍ എന്നിവര്‍ ആശംസകള്‍ അറിയിച്ചു. സമര സമിതി കണ്‍വീനര്‍ ഗ്രീന്‍ സണ്‍ പയസ് സ്വാഗത പ്രസംഗം നടത്തി. ലിബിന്‍ കല്ലുവീട്ടില്‍ കൃതജ്ഞതയര്‍പ്പിച്ചു. സമര പ്രഖ്യാപന കണ്‍വെന്‍ഷനെ തുടര്‍ന്ന് ഊരാളി ബാന്‍ഡിന്റെ സംഗീതവിരുന്നും നടന്നു.
Related Articles
ഓഖി: മൂന്ന് ഭവനങ്ങളുടെ ആശീര്‍വാദം നിര്‍വഹിച്ചു
കോട്ടപ്പുറം: ഓഖിചുഴലിക്കാറ്റില്‍ തകര്‍ന്ന കുടുംബങ്ങള്‍ക്ക് കോട്ടപ്പുറം ഇന്റര്‍ഗ്രേറ്റഡ് ഡെവലപ്‌മെന്റ് സൊസൈറ്റി (കിഡ്‌സ്)യും കെസിബിസിയും സംയുക്തമായി കാര, എറിയാട്, അഴീക്കോട് എന്നീ സ്ഥലങ്ങളില്‍ മൂന്ന് പുതിയ ഭവനങ്ങള്‍ നിര്‍മിച്ചു
നെയ്യാറ്റിന്‍കരയില്‍ ഉന്നത വിജയം നേടിയ പ്രതിഭകളെ ആദരിച്ചു
നെയ്യാറ്റിന്‍കര; നെയ്യാറ്റിന്‍കര രൂപതയില്‍ ഉന്നത വിജയം നേടിയ പ്രതിഭകളുടെ സംഗമം സംഘടിപ്പിച്ചു. വഌങ്ങാമുറി ലോഗോസ് പാസ്റ്ററല്‍ സെന്ററില്‍ നെയ്യാറ്റിന്‍കര രൂപത വിദ്യാഭ്യാസ സമിതിയുടെ ആഭിമുഖ്യത്തില്‍ കെഎല്‍സിഎ, കെഎല്‍സിഡബ്ല്യൂഎ,
ഫാ സ്റ്റാൻ സ്വാമിക്കെതിരെ മനുഷ്യാവകാശ ധ്വംസനം ജനാധിപത്യ ഇന്ത്യക്ക് കളങ്കം: ബിഷപ്പ് ഡോ. അലക്സ് വടക്കുംതല
ലോകത്തിലെ ഏറ്റവും വലിയ ജനാധിപത്യ രാഷ്ടങ്ങളിൽ ഒന്നായ ഇന്ത്യയ്ക്ക്‌ കളങ്കമാണ് ഈ ദിവസങ്ങളിൽ നടന്ന മനുഷ്യാവകാശ ലംഘന പ്രവർത്തനങ്ങൾ എന്ന് ബിഷപ്പ് ഡോ. അലക്സ് വടക്കുംതല .
