പുതുജീവിതത്തിലേക്കുള്ള ചുവടുവയ്പ്

പുതുജീവിതത്തിലേക്കുള്ള ചുവടുവയ്പ്

കൊവിഡ് കാലത്തെ മരണഭീതിയെക്കാള്‍ നമ്മെ അലട്ടുന്നത് ഈ മഹാമാരി സൃഷ്ടിക്കുന്ന യാഥാര്‍ഥ്യങ്ങളുമായി പൊരുത്തപ്പെടാനാവാത്ത നമ്മുടെ മാനസികാവസ്ഥയാണ്. അസാധാരണമായ സാഹചര്യങ്ങള്‍ നമ്മുടെ ജീവിതത്തെ പാടെ മാറ്റിമറിക്കുന്നു. സമൂഹജീവിയായ മനുഷ്യന് സാമൂഹിക അകലം എന്ന കൊവിഡ് പ്രതിരോധതന്ത്രത്തിന്റെ പേരില്‍ കൂട്ടുചേരലുകള്‍, മതപരമായ ചടങ്ങുകള്‍, ആഘോഷങ്ങള്‍ തുടങ്ങിയവ നഷ്ടമാകുന്നു. തൊഴിലില്ലായ്മയും മറ്റും കൊണ്ടുണ്ടാകുന്ന സാമ്പത്തിക ബുദ്ധിമുട്ടുകള്‍ സ്ഥിതി കൂടുതല്‍ സങ്കീര്‍ണമാക്കുകയും ചെയ്യുന്നു.

കുട്ടികള്‍ മുതല്‍ മുതിര്‍ന്നവര്‍ വരെ അനുഭവിക്കുന്ന പച്ചയായ യാഥാര്‍ഥ്യമാണ് ഈ അവസ്ഥ. ‘ഇനിയൊന്നും പഴയതുപോലെയാവില്ല’ എന്ന ഒരു ചിന്തയിലേക്കാണ് ഇതു നമ്മെ കൊണ്ടുചെന്നെത്തിക്കുന്നത്. എന്നാല്‍ പുതിയ ജീവിതസാഹചര്യം നമുക്ക് നല്‍കുന്നത് വെല്ലുവിളികളിലൂടെയുള്ള സുവര്‍ണാവസരമാണ്. അപ്രതീക്ഷിത ജീവിതസാഹചര്യങ്ങള്‍ മനുഷ്യന് അതിജീവനത്തിനുള്ള ഉള്‍പ്രേരണ നല്‍കുന്നു. ഈ ഉള്‍പ്രേരണയാണ് മനുഷ്യനിലെ ക്രിയേറ്റിവിറ്റിയെ, സൃഷ്ടിപരമായ സര്‍ഗാത്മകതയെ ഉണര്‍ത്തുന്നത്.

മാറ്റങ്ങളെ സ്വജീവിതത്തിലായാലും സമൂഹജീവിതത്തിലായാലും ഏറെ ഭയാശങ്കയോടെയാണ് നാം അഭിമുഖീകരിക്കുക. ഇന്ന് കൊവിഡ് പ്രതിരോധം അനിവാര്യമാക്കുന്ന മാറ്റങ്ങള്‍ ഉളവാക്കുന്ന വെല്ലുവിളികള്‍ നേരിടുവാനുള്ള ആത്മവിശ്വാസക്കുറവാണ് നമ്മിലെ മാനസികസംഘര്‍ഷങ്ങള്‍ക്ക് അടിസ്ഥാനം. വ്യക്തി എന്ന നിലയിലും സമൂഹത്തിനായാലും രാജ്യത്തിനായാലും വളര്‍ച്ച വേണമെങ്കില്‍ മാറ്റങ്ങള്‍ ആവശ്യമാണ് എന്ന തിരിച്ചറിവിലാണ് പ്രതിവിധിയുടെ തുടക്കം. സമൂഹത്തിലും കുടുംബത്തിലും നമുക്ക് ലഭിക്കുന്ന താത്കാലിക സുരക്ഷിതത്വത്തില്‍ സംതൃപ്തി കണ്ടെത്തുന്നവരായതുകൊണ്ടാണ് കൊവിഡ് പ്രതിരോധം നമുക്ക് വെല്ലുവിളിയാവുന്നത്. ഈ സുരക്ഷിത മേഖലയില്‍ നിന്നു പുറത്തേക്കുവരുവാനുള്ള നമ്മുടെ അലസതാമനോഭാവമാണ് നമ്മില്‍ മാനസികസംഘര്‍ഷമായി പരിണമിക്കുന്നത്.

അനിവാര്യമായ ഇത്തരത്തിലുള്ള മാറ്റങ്ങള്‍ക്ക് നിമിത്തമാവുകയാണ് കൊവിഡ്19 പോലുള്ള സാഹചര്യങ്ങള്‍. ഈ സാഹചര്യത്തെ വെല്ലുവിളിയായി ഏറ്റെടുക്കുമ്പോള്‍ അതിജീവനത്തിന്റെ വഴികള്‍ നമ്മുടെ മുന്നില്‍ തെളിഞ്ഞുവരും. അങ്ങനെ കൊവിഡ് പുതിയൊരു ജീവിതവീക്ഷണത്തിന്റെ, സ്വയംനവീകരണത്തിന്റെ, പുതുജീവിതശൈലിയുടെ സുവര്‍ണാവസരങ്ങള്‍ നമുക്കായി തുറന്നുതരും.
(മഞ്ഞുമ്മല്‍ സെന്റ് ജോസഫ് ആശുപത്രിയിലെ കണ്‍സള്‍ട്ടന്റ് സൈക്കോളജിസ്റ്റും സൈക്കോതെറപ്പിസ്റ്റുമാണ് ലേഖകന്‍)

 


Tags assigned to this article:
couselpsycology

Related Articles

ക്രൈസ്തവസഭകളുടെ വിശ്വാസം വീണ്ടെടുക്കാന്‍ നെട്ടോട്ടമോടി കോണ്‍ഗ്രസ്.

കൊച്ചി: നിയമസഭാ തിരഞഞ്ഞെടുപ്പിന് മുന്നോടിയായി സമുദായങ്ങളെ ഒപ്പം നിര്‍ത്താനായി നേരിട്ടിറങ്ങിയിരിക്കുകയാണ് കോണ്‍ഗ്രസ് ലീഗ് നേതാക്കള്‍. കഴിഞ്ഞ തദ്ദേശതിരഞ്ഞെടുപ്പില്‍ യുഡിഎഫിന്റെ അടിത്തറയെന്ന് വിശേഷിപ്പിക്കാവുന്ന മുസ്ലീം-ക്രിസ്ത്യന്‍ വിഭാഗങ്ങള്‍ക്കിടയില്‍ രൂപപ്പെട്ട തെറ്റിദ്ധാരണയാണ്

കെയര്‍ ചെല്ലാനം കാര്യാലയം 27ന് തുറക്കും

തീരസംരക്ഷണ ബാധ്യതയില്‍ നിന്ന് കൊച്ചിന്‍ പോര്‍ട്ടിന് ഒഴിഞ്ഞുമാറാനാവില്ല: ബിഷപ് കരിയില്‍ കൊച്ചി: ആമസോണിലെ ഒരു ചിത്രശലഭത്തിന്റെ ചിറകനക്കം അമേരിക്കയിലെ ടെക്‌സാസില്‍ ഒരു ചുഴലികൊടുങ്കാറ്റായി പരിണമിക്കും എന്ന പാരിസ്ഥിതിക

ദാവീദ് രാജാവിന്റെ രണ്ടാം പ്രവാസക്കാലം

ഇസ്രായേലിന്റെ രണ്ടാമത്തെ രാജാവായിരുന്നല്ലോ ദാവീദ്. ആദ്യരാജാവായ സാവൂളിന്റെ അടുത്ത അനുചരനായിരുന്നു ദാവീദെങ്കിലും ദാവീദിന്റെ ജനപ്രീതികണ്ട് അസൂയമൂത്ത സാവൂള്‍ അദ്ദേഹത്തെ വധിക്കാന്‍ ശ്രമിച്ചു. സാവൂളിന്റെ കരങ്ങളില്‍ നിന്നു രക്ഷപ്പെടാന്‍

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*