പുത്തന്‍ അനുഭവം

പുത്തന്‍ അനുഭവം

സാധാരണക്കാരന്റെ ജീവിതമെന്നും പൂര്‍ത്തീകരിക്കപ്പെടാത്ത സ്വപ്‌നങ്ങളുടെ ശവപ്പറമ്പായിരിക്കും. വല്ലപ്പോഴുമൊരിക്കല്‍ ആരെങ്കിലുമൊരാള്‍ അത്തരം ശവപ്പറമ്പില്‍ നിന്നും പുതിയ ജീവിതത്തിലേക്ക് പ്രവേശിച്ചാലായി! തന്റെ കൊച്ചുമോഹങ്ങള്‍ യാഥാര്‍ഥ്യമാക്കാനാകാതെ വീര്‍പ്പുമുട്ടുന്ന ലോനപ്പനെന്ന സാധാരണക്കാരന്റെ കഥ പറയുകയാണ് ലിയോ തദേവൂസ് ലോനപ്പന്റെ മാമോദീസയിലൂടെ. മലയാള സിനിമയ്ക്ക് ലോനപ്പന്‍ ഒരു പുത്തന്‍ അനുഭവമാണ് പകരുന്നത്.
ക്രൈസ്തവമതാചാരവും വിശ്വാസവുമനുസരിച്ച് മാമോദീസയെന്നത് മനുഷ്യന്റെ പുതുസൃഷ്ടിയാണ്. അത്തരമൊരു പ്രക്രിയക്ക് വിധേയരാകേണ്ടതിന്റെ ആവശ്യകതയാണ് സിനിമ ചൂണ്ടിക്കാണിക്കുന്നത്. മോഹഭംഗങ്ങളും നിരാശയും കലര്‍ന്ന ജീവിതത്തെ തമാശയോടെയാണ് ലോനപ്പന്‍ നോക്കിക്കാണാനാഗ്രഹിക്കുന്നത്. പക്ഷേ പലപ്പോഴും അയാളുടെ ക്ഷമ നശിച്ചുപോകുന്നു. സാധാരണക്കാരനായൊരാള്‍ ജീവിതസാഹചര്യങ്ങളോട് പ്രതികരിക്കുന്നതിനു സമാനമായാണ് ലോനപ്പന്റെയും പ്രതികരണങ്ങള്‍. പിന്നീടത് തീവ്രതപ്രാപിക്കുമ്പോള്‍ അയാളുടെ ബന്ധുക്കളെയും സുഹൃത്തുക്കളെയും പോലും ബാധിക്കുന്നു.
ഇരിങ്ങാലക്കുടയെന്ന ചെറുപട്ടണത്തിന്റെ ചാരെയുള്ള ചാമക്കുന്നെന്ന ഗ്രാമത്തിലാണ് ലോനപ്പനും കുടുംബാംഗങ്ങളായ മൂന്നു സഹോദരിമാരും താമസിക്കുന്നത്. നാലു പേരും അവിവാഹിതര്‍. തലമുറയായി ലഭിച്ച അമലോത്ഭവയെന്നു പേരുള്ള വാച്ച്കടയാണ് ലോനപ്പന്റെ സാമ്രാജ്യം. കട കാലത്തിനനുസരിച്ച് വികസിപ്പിക്കുവാനോ കച്ചവടം മോടിയാക്കാനോ ലോനപ്പന്‍ ശ്രമിക്കുന്നില്ല; അല്ലെങ്കില്‍ അയാള്‍ക്കതിനു കഴിയുന്നില്ല.
ഒരിക്കല്‍ പൂര്‍വവിദ്യാര്‍ഥി സംഗമത്തിനായി പഴയ വിദ്യാലയത്തിലേക്കു പോയ ലോനപ്പന്‍ കൂടുതല്‍ കനംതിങ്ങിയ മനസുമായാണ് തിരിച്ചുവരുന്നത്. സ്‌കൂളില്‍ കഥ പറഞ്ഞ് താരമായിരുന്ന ലോനപ്പന്‍ ഇപ്പോള്‍ പ്രഭ മങ്ങി ഭൂമിയില്‍ പതിച്ചിരിക്കുകയാണ്. അന്ന് എഴുതിതള്ളിയിരുന്നവരെല്ലാം ഇന്ന് പല മേഖലയില്‍ താരങ്ങളുമായി. തനിക്ക് എവിടേയും എത്തിച്ചേരാന്‍ കഴിഞ്ഞില്ലെന്ന അറിവ് ലോനപ്പനെ ആഴത്തില്‍ മുറിവേല്പിക്കുന്നു. പിന്നീട് ജീവിതത്തിലെ ഒരു വഴിത്തിരിവിനായി അയാള്‍ കഠിനപ്രയത്‌നം ചെയ്യുകയാണ്.
ലോനപ്പന്റെ ജീവിതം യഥാതഥമായി അവതരിപ്പിക്കുന്നിടത്താണ് ഈ സിനിമയുടെ വിജയം. അതിനുവേണ്ട ലൊക്കേഷനും താരങ്ങളെയും സംവിധായകന്‍ വിദഗ്ധമായി കൂട്ടിയോജിപ്പിച്ചിരിക്കുന്നു. ചാമക്കുന്ന് എന്ന സ്ഥലം പോലും ഒരു കഥാപാത്രമായി പ്രേക്ഷകന്റെ കൂടെയുണ്ട്.
മലയാള സിനിമയില്‍ നവതരംഗം ആഞ്ഞുവീശിക്കൊണ്ടിരിക്കുന്ന കാലമാണിത്. പല സിനിമകളും കുടുംബത്തോടൊപ്പമിരുന്ന് ആസ്വദിക്കാനും ബുദ്ധിമുട്ടുണ്ട്. ലോനപ്പന്റെ മാമോദീസ ഒരു കുടുംബചിത്രമെന്ന നിലയില്‍ 100 ശതമാനം സ്വീകാര്യമാകുന്നത് ഈ പശ്ചാത്തലത്തില്‍ കൂടിയാണ്.
മധ്യവയസിലെത്തിയ പ്രാരാബ്ധക്കാരനായ തനിനാട്ടിന്‍പുറത്തുകാരന്‍ ലോനപ്പനായി ജയറാം കസറുന്നു. മലയാള സനിമിയ്ക്ക് നിരവധി നല്ല കഥാപാത്രങ്ങളെ സംഭാവന ചെയ്ത ജയറാമിന്റെ ഒരുഗ്രന്‍ തിരിച്ചുവരുവിനു കൂടി ചിത്രം സാക്ഷ്യം വഹിക്കുന്നുണ്ട്. ലോനപ്പന്റെ വല്ല്യേച്ചിയായി വേഷമിട്ട ശാന്തികൃഷ്ണ, സഹോദരിമാരായി അഭിനയിച്ച നിഷ സാരംഗ്, ഇവ പവിത്രന്‍ എന്നിവരും സ്വാഭാവിക അഭിനയമികവില്‍ പ്രേക്ഷകരെ വിസ്മയിപ്പിച്ചു. അങ്കമാലി ഡയറീസിലൂടെ കടന്നുവന്ന അന്ന രേഷ്മ രാജന്‍ തന്റെ നായികാവേഷം തൃപ്തികരമാക്കി. ഹനീഷ് കണാരന്‍, ദിലീഷ് പോത്തന്‍, ജോജു ജോസഫ്, ഇന്നസെന്റ്, കനഹ, അലന്‍സിയര്‍ തുടങ്ങി വലിയ താരനിര തന്നെ ചിത്രത്തിലുണ്ട്. ഹരിനാരായണന്‍, ജോഫി തരകന്‍ എന്നിവരുടെ വരികള്‍ക്ക് അല്‍ഫോണ്‍സ് ജോസഫ് സംഗീതം പകരുന്നു. ജോസഫ് നെല്ലിക്കലാണ് കലാസംവിധാനം.
തകര്‍ന്നു പോയേക്കാവുന്ന ജീവിതത്തെ പോസിറ്റീവ് എനര്‍ജി നല്കി പുതുജീവിതത്തിലേക്ക് നയിക്കുമ്പോഴാണ് മാമോദീസയുടെ വാക്യര്‍ത്ഥങ്ങള്‍ പൂര്‍ണമാകുന്നത്. ലോകത്തില്‍ നഷ്ടമായിക്കൊണ്ടിരിക്കുന്ന മൂല്യബോധസംസ്‌കാരത്തിന്റെ തിരിച്ചുവരവുകൂടിയാണ് ഈ സിനിമ പങ്കുവയ്ക്കുന്നത്. അതിന്റെ തെളിവാണ് തിയ്യറ്ററില്‍ ഉയരുന്ന കയ്യടികള്‍. പെന്‍ ആന്‍ഡ് പേപ്പര്‍ ക്രിയേഷന്‍സിന്റെ ബാനറില്‍ ഷിനോയ് മാത്യുവാണ് ചിത്രം നിര്‍മിച്ചിരിക്കുന്നത്.
പച്ചമരത്തണലില്‍, പയ്യന്‍സ്, ഒരു സിനിമാക്കാരന്‍ എന്നീ ചിത്രങ്ങള്‍ക്കു ശേഷം ലിയോ തദേവൂസ് സംവിധാനം ചെയ്ത ലോനപ്പന്റെ മാമോദീസ സംവിധായകന്റെ കാര്യത്തിലും പുതുജീവന്‍ പകരുന്നുണ്ട്. നല്ല സിനിമകള്‍ ചെയ്താല്‍ മാത്രം പോര അതു സാധാരണക്കാരായ പ്രേക്ഷകരുമായി സംവദിക്കുമ്പോഴേ സംവിധായകന്റെ ഉത്തരവാദിത്വം പൂര്‍ണമാകുന്നുള്ളൂ എന്നതിന് ലോനപ്പന്‍ സാക്ഷ്യമേകുന്നു.


Related Articles

ജിയോ ട്യൂബ് കടല്‍ഭിത്തി: നടപടി ആവശ്യപ്പെട്ട് ധര്‍ണ നടത്തി തൃശൂര്‍: ചെല്ലാനത്ത് ജിയോ ട്യൂബ് കടല്‍ ഭിത്തി നിര്‍മാണം അടിയന്തരമായി പൂര്‍ത്തിയാക്കണമെന്നാവശ്യപ്പെട്ട് ചെല്ലാനം നിവാസികള്‍ തൃശൂര്‍ സെന്‍ട്രല്‍ സര്‍ക്കിളില്‍ സ്ഥിതി ചെയ്യുന്ന എറണാകുളം ജലസേചന വകുപ്പ് സുപ്രണ്ടിംഗ് എന്‍ജിനീയറുടെ കാര്യാലയത്തിനു മുന്നില്‍ ധര്‍ണ നടത്തി. 2018 ജൂലൈയില്‍ 8 കോടി രൂപയ്ക്ക് കരാര്‍ നല്‍കിയെങ്കിലും ഇതുവരെ ജോലികള്‍ ആരംഭിക്കാന്‍ കരാറുകാരന് കഴിഞ്ഞിട്ടില്ല. കരാര്‍വ്യവസ്ഥകള്‍ പ്രകാരം പുറംകടലില്‍ നിന്ന് ഡ്രെഡ്ജര്‍ ഉപയോഗിച്ച് അഞ്ചു മീറ്റര്‍ വ്യാസവും 25 മീറ്റര്‍ നീളവുമുള്ള ജിയോ ട്യൂബുകള്‍ നിറയ്ക്കാന്‍ വെറും ആറു മണിക്കൂര്‍ മതിയെന്നിരിക്കെ കരാര്‍ അധികാരിയായ സൂപ്രണ്ടിംഗ് എന്‍ജിനിയറുടെയും ഉദ്യോഗസ്ഥരുടെയും അനാസ്ഥയാണ് പണികള്‍ നീണ്ടുപോകാന്‍ കാരണമെന്ന് സമരക്കാര്‍ ആരോപിച്ചു. ഓഖി ദുരന്തത്തില്‍ രണ്ടു മരണങ്ങള്‍ സംഭവിച്ച ഈ പ്രദേശത്ത് മഴക്കാലമാകുന്നതോടുകൂടി ശക്തമായ കടലാക്രമണം പതിവാണ്. കടല്‍ഭിത്തിയുടെ നിര്‍മാണം പൂര്‍ത്തിയായില്ലെങ്കില്‍ മഴക്കാലത്ത് തീരദേശവാസികളുടെ ജീവനും സ്വത്തിനും ഭീമമായ നാശനഷ്ടങ്ങള്‍ ഉണ്ടാകും. ഗവണ്‍മെന്റ് പണമനുവദിച്ചിട്ടും പണികള്‍ പൂര്‍ത്തിയാക്കാന്‍ കഴിയാത്ത സൂപ്രണ്ടിംഗ് എന്‍ജിനീയര്‍ക്കും ഉദ്യോഗസ്ഥര്‍ക്കുമെതിരെ നടപടിയെടുക്കണമെന്ന് പശ്ചിമകൊച്ചി തീരസംരക്ഷണ സമിതി ആവശ്യപ്പെട്ടു. തൃശൂര്‍ മ്യൂസിയത്തിനു സമീപത്തുനിന്നാരംഭിച്ച പ്രകടനം ഫാ. ജോണ്‍ കണ്ടത്തിപ്പറമ്പില്‍ ഉദ്ഘാടനം ചെയ്തു. കേരള ലാറ്റിന്‍ കാത്തലിക് അസോസിയേഷന്‍ കൊച്ചി രൂപത മുന്‍ ഡയറക്ടര്‍ ഫാ. സെബാസ്റ്റ്യന്‍ പുത്തംപുരയ്ക്കല്‍ ഉദ്ഘാടനം ചെയ്തു. ഫാ. ഫ്രാന്‍സീസ് പൂപ്പാടി അധ്യക്ഷത വഹിച്ചു. പശ്ചിമകൊച്ചി തീരസംരക്ഷണ സമിതി കണ്‍വീനര്‍ ടി.എ ഡാല്‍ഫില്‍ സമരപ്രഖ്യാപനം നടത്തി. കെഎല്‍സിഎ കൊച്ചി രൂപത ജനറല്‍ സെക്രട്ടറി ബാബു കാളിപ്പറമ്പില്‍, വിന്‍ സൊസൈറ്റി കോ-ഓര്‍ഡിനേറ്റര്‍ ആനി ജോസഫ്, എം.എന്‍ രവികുമാര്‍, ജിന്‍സന്‍ വെളുത്തമണ്ണുങ്കല്‍, ആല്‍ഫ്രഡ് ബെന്നോ, നോബി അരിവീട്ടില്‍, ആന്റോജി കളത്തുങ്കല്‍ എന്നിവര്‍ പ്രസംഗിച്ചു. തുടര്‍ന്ന് സൂപ്രണ്ടിംഗ് എന്‍ജിനീയര്‍ എല്‍.എസ് സലിമുമായി നടന്ന ചര്‍ച്ചയില്‍ ഡ്രെഡ്ജര്‍ ഉപയോഗിച്ച് രണ്ടു ദിവസത്തിനകം പണികള്‍ ആരംഭിക്കാന്‍ രേഖാമൂലം കരാറുകാരനോട് ആവശ്യപ്പെട്ടിട്ടുണ്ടെന്നും കരാറുകാരന്‍ നിര്‍ദേശങ്ങള്‍ അനുസരിക്കാത്തപ ക്ഷം കരിംപട്ടികയില്‍ ഉള്‍പ്പെടുത്തുന്നത് ഉള്‍പ്പെടെയുള്ള നടപടികള്‍ സ്വീകരിക്കുമെന്നും സമര സമിതിയെ അറിയിച്ചു.

തൃശൂര്‍: ചെല്ലാനത്ത് ജിയോ ട്യൂബ് കടല്‍ ഭിത്തി നിര്‍മാണം അടിയന്തരമായി പൂര്‍ത്തിയാക്കണമെന്നാവശ്യപ്പെട്ട് ചെല്ലാനം നിവാസികള്‍ തൃശൂര്‍ സെന്‍ട്രല്‍ സര്‍ക്കിളില്‍ സ്ഥിതി ചെയ്യുന്ന എറണാകുളം ജലസേചന വകുപ്പ് സുപ്രണ്ടിംഗ്

വി ജോർജിന്റെ തിരുനാൾ ഭവനരഹിതർക്കൊപ്പം ഫ്രാൻസിസ് പാപ്പാ ആഘോഷിച്ചു

ഇന്നലെ ഫ്രാൻസിസ് പാപ്പായുടെ സ്വർഗ്ഗിയ മധ്യസ്ഥനായ വി ജോർജ് ൻറെ തിരുനാളായിരുന്നു . അർജന്റ്റിനകാരനായ ആർച്ച്ബിഷപ് ജോർജ് മാരിയോ ബെർഗോളിയോ 2013 ലാണ് സാർവ്വത്രിക കാതോലിക്കാ സഭയുടെ പരമോന്നത

മാലാഖയുടെ ത്രാസ്

ഗ്രേറ്റ്ഫാദര്‍ എന്ന ഒറ്റചിത്രം കൊണ്ട് കൊതിപ്പിച്ചു തുടങ്ങിയ ആളാണ് അദേനി. മമ്മൂട്ടിയുടെ മാസ് അപ്പിയറന്‍സും കലക്കന്‍ ബാക്ഗ്രൗണ്ട് മ്യൂസിക്കും ചേര്‍ന്ന് ആളത്ര നിസ്സാരനല്ല എന്ന് ഒരിക്കല്‍ തെളിയിച്ചതാണ്.

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*