പുനഃപരിശോധന നടത്തണം

പുനഃപരിശോധന നടത്തണം

 

കേരളം എന്നല്ല ഇന്ത്യ തന്നെ കണ്ടിട്ടുള്ള ഏറ്റവും ആദരണീയനായ സാങ്കേതിക വിദഗ്ദ്ധനാണ് ഇ. ശ്രീധരന്‍. പാമ്പന്‍ പാലത്തിന്റെ നിര്‍മ്മാണം മുതല്‍ ഏറ്റവും ഒടുവില്‍ കൊച്ചിന്‍ മെട്രോയുടെയും പാലാരിവട്ടം പാലത്തിന്റെയും കാര്യത്തില്‍ വരെ അദ്ദേഹം പ്രകടിപ്പിച്ച നേതൃത്വ വൈഭവവും സാങ്കേതിക മികവും സംഘാടക പാടവവും അത്ഭുത്തോടും വലിയ ആദരവോടുമാണ് എല്ലാവരും കാണുന്നത്.

ആയിരം പൂര്‍ണ്ണ ചന്ദ്രന്മാരെ കണ്ടു കഴിഞ്ഞിട്ടും അദ്ദേഹത്തിന്റെ ബൗദ്ധിക സിദ്ധികളെല്ലാം ഒളിമങ്ങാതെ നില്‍ക്കുന്നത് ‘കനകത്തിനു സുഗന്ധം’ എന്ന പ്രയോഗം സാര്‍ത്ഥകമാക്കുന്നു; അദ്ദേഹത്തെ ജാജ്വല്ല്യമാനാക്കുന്നു. അങ്ങനെ ജനങ്ങളുടെ ആരാധനാമൂര്‍ത്തിയായിരിക്കുന്ന അദ്ദേഹം അങ്ങനെതന്നെ തുടരണമെന്നാണ് ജനങ്ങളെല്ലാം ആഗ്രഹിക്കുന്നത്.

എന്നാല്‍ അടുത്തകാലത്ത് അദ്ദേഹം പ്രകടിപ്പിച്ചിട്ടുള്ള രാഷ്ട്രീയ പ്രവേശനാഗ്രഹവും അധികാരസ്ഥാനങ്ങള്‍ ഏറ്റെടുക്കുവാനുള്ള സമ്മതപ്രകടനവും എല്ലാവരെയും വലിയ ആശയക്കുഴപ്പത്തിലാക്കിയിരിക്കുകയാണ്. ഇന്നത്തെ ഭരണ സംവിധാനത്തില്‍ നടമാടുന്ന അഴിമതിയും അച്ചടക്കരാഹിത്യവും കാര്യക്ഷമതയില്ലായ്മയുമാണ്, അവയെല്ലാം ‘സഹിക്കാന്‍’ കഴിയാത്ത അദ്ദേഹത്തെ ഇത്തരമൊരു നീക്കത്തിന് പ്രേരിപ്പിച്ചതെന്നു സമ്മതിച്ചുകൊണ്ടു തന്നെ, അദ്ദേഹത്തോട് എല്ലാ ആദരവും പുലര്‍ത്തിക്കൊണ്ട് പറയട്ടെ.

സര്‍, അങ്ങ് തിരഞ്ഞെടുക്കാനാഗ്രഹിച്ച പ്രവര്‍ത്തനരംഗവും, അതിനു കണ്ടെത്തിയ അടിത്തറയും തെറ്റിപ്പോയി. അങ്ങ് ഉടന്‍ തന്നെ ഒരു പുന:പരിശോധന നടത്തി പിന്‍വാങ്ങണം.”

 

 

Click to join Jeevanaadam Whatsapp Group

ജീവനാദം വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക


Related Articles

വികല വീക്ഷണങ്ങള്‍ യുവജനങ്ങള്‍ പൊളിച്ചെഴുതണം- ഫ്രാന്‍സിസ് പാപ്പാ

സിസ്റ്റര്‍ റൂബിനി സിറ്റിസി പാനമ: ആര്‍ത്തിയില്‍ നിന്നും പിറവി കൊള്ളുന്ന വികലവും ശുഷ്‌കിച്ചതുമായ വീക്ഷണങ്ങളും, സാങ്കേതിക വൈദഗ്ധ്യം വിശ്വസിപ്പിക്കാന്‍ ശ്രമിക്കുന്ന മാത്സര്യ- ഊഹക്കച്ചവട നിയമങ്ങളും, ശക്തന്മാര്‍ക്കു മാത്രം

മരട് ഫ്ലാറ്റ് പൊളിക്കൽ : പരിസരവാസികൾക്ക് കെ. എൽ . സി. എ. നെട്ടൂർ യൂണിറ്റ് പിന്തുണ പ്രഖ്യാപിച്ചു.

  മരട് : ഫ്ലാറ്റുകൾ പൊളിക്കുന്നതുമൂലം ക്ലേശങ്ങൾ അനുഭവിക്കുന്ന നെട്ടൂർ , മരട് നിവാസികൾക്ക് കെ.എൽ.സി.എ. പിന്തുണ പ്രഖ്യാപിച്ചു. ഫ്ലാറ്റുകൾ പൊളിക്കുന്നതിന്റെ പരിസരത്തുള്ള വീടുകൾക്ക് വിള്ളൽ വീഴുന്നതും മതിയായ

ക്രിസ്തുവിന്റെ തിരുസ്വരൂപം മാറ്റിയ സംഭവം: നാണക്കേടുകൊണ്ട് തലകുനിയുന്നെന്ന് ജാവേദ് അക്തര്‍

ബംഗളൂരു: തീവ്രവാദ സംഘങ്ങളുടെ പ്രേരണയ്ക്ക് വിധേയരായി ക്രിസ്തുവിന്റെ തിരുസ്വരൂപം മാറ്റിയ സംഭവം അപലപനീയമാണെന്നും നാണക്കേടുകൊണ്ട് തന്റെ തല കുനിഞ്ഞുപോയെന്നും ഹിന്ദിയിലെ പ്രശസ്തകവിയും ഗാനരചയിതാവുമായ ജാവേദ് അക്തര്‍ പറഞ്ഞു.

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*