Breaking News

പുനലൂരിന്റെ വളര്‍ച്ചയില്‍ ഒരു നാഴികക്കല്ല് – ബിഷപ് ഡോ. സെല്‍വിസ്റ്റര്‍ പൊന്നുമുത്തന്‍

പുനലൂരിന്റെ വളര്‍ച്ചയില്‍ ഒരു നാഴികക്കല്ല് – ബിഷപ് ഡോ. സെല്‍വിസ്റ്റര്‍ പൊന്നുമുത്തന്‍

പത്തനാപുരം: കെആര്‍എല്‍സിസി ജനറല്‍ അസംബ്ലിക്ക് ആതിഥേയത്വം വഹിക്കുന്നത് പുനലൂര്‍ രൂപതയുടെ വളര്‍ച്ചയില്‍ സുപ്രധാന നാഴികക്കല്ലാണെന്ന് ബിഷപ് ഡോ. സെല്‍വിസ്റ്റര്‍ പൊന്നുമുത്തന്‍ പറഞ്ഞു. ഭാരതത്തിലെ ആദ്യരൂപതയായ കൊല്ലത്തിന്റെ മൂന്നാമത്ത മകളായ പുനലൂരിന് ഈ സമ്മേളനം വലിയ അനുഗ്രഹമാണെന്ന് ഉദ്ഘാടന സമ്മേളനത്തില്‍ അദ്ദേഹം പറഞ്ഞു. കല്ലടയാറും അച്ചന്‍കോവിലാറും പമ്പയാറും ഒഴുകുന്ന ഈ ദേശം അനുഗൃഹീതമാണ്. പുനലൂര്‍ തൂക്കുപാലം വലിയൊരു മുന്നേറ്റത്തിന്റെ പ്രതീകം കൂടിയാണ്. വ്യവസായ വിപ്ലവത്തിനു തുടക്കം കുറിച്ച പേപ്പര്‍ മില്ലും, തെന്മല എക്കോ ടൂറിസ്റ്റ് സെന്ററും, ഔഷധച്ചെടികളുടെ വിളനിലമായ കുളത്തൂപ്പുഴയും, കഥകളി കേന്ദ്രമായ കൊട്ടാരക്കരയും, പത്തനംതിട്ടയുടെ സാംസ്‌കാരികകേന്ദ്രമായ ആറന്മുളയും ഹൈന്ദവ പുണ്യഭൂമിയായ ശബരിമലയും സെന്റ് തോമസിന്റെ പാദസ്പര്‍മേറ്റ നിലയ്ക്കലും പുനലൂര്‍ രൂപതയുടെ സവിശേഷ അനുഗ്രഹങ്ങളാണ്.
മലങ്കര കത്തോലിക്കാ സഭയുടെ പുനരൈക്യപ്രസ്ഥാനത്തിനു തുടക്കം കുറിച്ച മാര്‍ ഇവാനിയോസിനെ വഴിനടത്തിയ ഈ ദേശത്ത് 1910ല്‍ തന്നെ പിന്നീട് കോട്ടാര്‍ രൂപതാ ബിഷപ്പായ ലോറന്‍സ് പെരേര ചാരുംമൂട് കേന്ദ്രീകരിച്ച് പുനരൈക്യത്തിന്റെ ആദ്യ മാതൃകയ്ക്ക് സാക്ഷ്യം വഹിച്ചിരുന്നു. ഭാഗ്യസ്മരണാര്‍ഹനായ അലോഷ്യസ് മരിയ ബെന്‍സിഗര്‍ പിതാവും ജെറോം ഫെര്‍ണാണ്ടസ് പിതാവും പ്രവര്‍ത്തിച്ച ഈ മേഖല പുണ്യഭൂമി തന്നെയാണ്. മരുതിമൂട് തീര്‍ഥാടനകേന്ദ്രം വലിയ ആത്മീയചൈതന്യത്തിന്റെ ഉറവിടമാണ്. സമൂഹത്തില്‍ പാര്‍ശ്വത്കരിക്കപ്പെട്ടവര്‍ക്ക് ആത്മീയചൈതന്യം പകരുന്ന പുനലൂര്‍ രൂപത മൂന്നു ജില്ലകളിലായി, നാലു ഫെറോന, 40 ഇടവക, 63 ഉപ ഇടവകകളും 12 സന്യാസി സമൂഹങ്ങളും 40 സന്യാസിനി സമൂഹങ്ങളും ഉള്‍ക്കൊള്ളുന്നതാണ്. 360 ബിസിസികളിലൂടെ രണ്ടായിരം അല്മായരെ നേതൃനിരയില്‍ കൊണ്ടുവരാനുള്ള മഹാഉദ്യമത്തിലാണ് ഈ രൂപത. ബിഷപ്പുമാരായ മത്തിയാസ് കാപ്പില്‍, സ്റ്റാന്‍ലി റോമന്‍, പോള്‍ മുല്ലശേരി എന്നിവരുടെ അര്‍പ്പണത്തിന്റെ ശ്രേയസും ഈ രൂപതയുടെ വളര്‍ച്ചയില്‍ വലിയ പങ്കുവഹിച്ചിട്ടുണ്ട്.
കെആര്‍എല്‍സിസി സമ്മേളനത്തിന് ഒരുക്കമായും സമ്മേളനം നടന്ന രണ്ടു ദിനങ്ങളിലും ഇതിന്റെ വിജയത്തിനായി കരിസ്മാറ്റിക് ഗ്രൂപ്പുകളും യുവജനങ്ങളും വൈദികരും സന്ന്യസ്തരും അല്മായരും പ്രാര്‍ഥനയില്‍ ജാഗരൂകരായിരുന്നുവെന്ന് ബിഷപ് പൊന്നുമുത്തന്‍ അനുസ്മരിച്ചു. രൂപതയുടെ വളര്‍ച്ചിയില്‍ വലിയ അനുഗ്രഹമാണിതെന്നും അദ്ദേഹം പറഞ്ഞു.


Related Articles

മിഷന്‍ പ്രവര്‍ത്തനങ്ങളുടെ മദ്ധ്യസ്ഥ

ജീവിതത്തിന്റെ എല്ലാ നിമിഷങ്ങളിലും ദൈവത്തിന്റെ സാന്നിധ്യം ദര്‍ശിക്കാന്‍ ആ കുടുംബത്തിന് കഴിഞ്ഞിരുന്നു. ”ധാന്യങ്ങള്‍ നിറഞ്ഞ വയലും പുഷ്പങ്ങള്‍ നിറഞ്ഞ തോട്ടങ്ങളും മാത്രമല്ല ദുഃഖങ്ങളും വേദനകളും നിറഞ്ഞ മുള്‍പ്പടര്‍പ്പുകളും

ഒരു മഴയും തോരാതിരുന്നിട്ടില്ല

ദുരന്തമുഖത്ത് വീണ്ടും വിറങ്ങലിച്ചുനില്‍ക്കുകയാണ് കേരളം. മഹാപ്രളയത്തിന്റെ വാര്‍ഷികത്തില്‍ തീവ്രമഴയുടെ ദുരിതപ്പെയ്ത്തില്‍ വടക്കന്‍ കേരളത്തിലെ ഉരുള്‍പൊട്ടലിന്റെയും മണ്ണിടിച്ചിലിന്റെയും കുട്ടനാട്ടിലെ മടവീഴ്ചയുടെയും വെള്ളപ്പൊക്കത്തിന്റെയും കെടുതികളുടെ കണക്കെടുപ്പ് ഇപ്പോഴും അസാധ്യമാണ്. 2018ലെ

മധു കൊല ചെയ്യപ്പെട്ടതിന്റെ രാഷ്ട്രീയം

മധുവിനെ തച്ചുകൊന്നതാണ്‌. അയാള്‍ക്ക്‌ വിശന്നിരുന്നു. കാടിന്റെയുള്ളില്‍ നിന്ന്‌ വലിച്ചിഴച്ച്‌്‌ കൈമാറുമ്പോള്‍ നമ്മള്‍ കരുതി നീതി നടപ്പാക്കുകയാണെന്ന്‌. അനീതിയുടെയും അക്രമത്തിന്റെയും ദംഷ്‌ട്രങ്ങള്‍ നീട്ടിയ സമൂഹമെന്ന്‌ നമ്മളെ ലോകം വിളിക്കുന്നു.

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*