പ്രകൃതിദുരന്തം സര്‍ക്കാര്‍ അടിയന്തര സമാശ്വാസം നല്കണം- കെആര്‍എല്‍സിസി
എറണാകുളം: അതിതീവ്രമഴയിലും ഉരുള്‍പൊട്ടലിലും ദുരിതമനുഭവിക്കുന്നവരോട് ചേര്‍ന്നു നില്‍ക്കാന്‍ കെആര്‍എല്‍സിസി അടിയന്തരയോഗം തീരുമാനിച്ചു. സാധ്യമായ സഹായങ്ങള്‍ എത്തിച്ചു കൊടുക്കുന്നതിനുള്ള ശ്രമങ്ങള്‍ നടത്തും. സംസ്ഥാന സര്‍ക്കാര്‍ കൂടുതല്‍ ജാഗ്രതയോടെ പ്രവര്‍ത്തിക്കണമെന്ന് യോഗം ആവശ്യപ്പെട്ടു. പാലങ്ങളും റോഡുകളും തകര്‍ന്ന ഇടുക്കി ജില്ലയില്‍ ഒറ്റപ്പെട്ടു കഴിയുന്ന പ്രദേശങ്ങളില്‍ കൂടുതല്‍ ദുരിതാശ്വാസം എത്തിക്കുന്നതിനുള്ള ശ്രമങ്ങള്‍ ഊര്‍ജിതപ്പെടുത്തണം. മരിച്ചവരുടെ ആശ്രിതര്‍ക്ക് പ്രഖ്യാപിച്ചിട്ടുള്ള നാല് ലക്ഷം രൂപ 10 ലക്ഷം രൂപയായി ഉയര്‍ത്തണം. വീട് തകര്‍ന്നവരോടും കൃഷി നഷ്ടമായവരോടും ഔദാര്യമായ സമീപനം ഉണ്ടാകണം. ഇവര്‍ക്ക് അടിയന്തര സമാശ്വാസം എത്തിക്കണം.
കെആര്‍എല്‍സിസി ജനറല്‍ സെക്രട്ടറി ഫാ തോമസ് തറയില്‍, വൈസ്പ്രസിഡന്റ് ജോസഫ് ജൂഡ്, ഷാജി ജോര്‍ജ്, സെക്രട്ടറിമാരായ പി.ജെ തോമസ്, പുഷ്പ ക്രിസ്റ്റി, വികാരി ജനറല്‍മാരായ മോണ്‍. ജസ്റ്റിന്‍ മടത്തിപ്പറമ്പില്‍ (വിജയപൂരം), മോണ്‍ ക്ലാരന്‍സ് പാലിയത്ത് (കണ്ണൂര്‍) ഫാ. വര്‍ഗ്ഗീസ് കൊട്ടെക്കാട്, ഫാ. അഗസ്റ്റിന്‍ മേച്ചേരി, ഫാ ലീനസ് ബിവേര (വിജയപുരം), റവ. ഡോ. ക്ലീറ്റസ് കതീര്‍പ്പറമ്പില്‍ (പീരുമേട്), ഫാ. ടോം ജോസ് (മുണ്ടക്കയം), ഫാ. ഫ്രാന്‍സിസ് കമ്പലോത്ത് (മൂന്നാര്‍), ഫാ. ജോസ് കടമാതുരുത്തേല്‍ (ചീന്തലാര്‍), ഫാ. മില്‍ട്ടന്‍ (പുനലൂര്‍), ഫാ. രാഹൂല്‍ (നെയ്യാറ്റിന്‍കര) തുടങ്ങിയവര്‍ പങ്കെടുത്തു.
Click to join Jeevanaadam Whatsapp Group
ജീവനാദം വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക
Related Articles
സിനഡിന്റെ കൊല്ലം രൂപതാതല ഉദ്ഘാടനം
കൊല്ലം: ”ഒരുമിച്ച് യാത്ര ചെയ്യുക” എന്ന അര്‍ത്ഥം വരുന്ന സിനഡ് എന്ന സംവാദപ്രക്രിയയിലൂടെ കത്തോലിക്കാസഭയുടെ വിശ്വാസജീവിതത്തിന് ഊര്‍ജവും പ്രവര്‍ത്തനക്ഷമതയും നല്‍കുക എന്ന ലക്ഷ്യമാണ് മുന്നിലുള്ളതെന്ന് ബിഷപ്
സംസ്ഥാനത്തെ സ്‌ക്കൂളുകള്‍ തുറക്കും: എസ്എസ്എല്‍സി, പ്ലസ്ടു പരീക്ഷകള്‍ മാര്‍ച്ച് 17 മുതല്‍
തിരുവനന്തപുരം: സംസ്ഥാനത്തെ സ്‌ക്കൂളുകള്‍ തുറക്കാന്‍ ഉന്നതതല യോഗത്തില്‍ ധാരണയായി. എസ്എസ്എല്‍സി, പ്ലസ്ടു ക്ലാസ്സുകളിലെ വിദ്യാര്‍ത്ഥികള്‍ക്ക് സ്‌ക്കൂളുകളിലെത്താന്‍ യോഗത്തില്‍ തീരുമാനിച്ചു.ജനുവരി ഒന്നു മുതല്‍ സംസ്ഥാനത്ത് ഭാഗികമായി സ്‌ക്കൂളുകള്‍ക്ക് പ്രവര്‍ത്തിച്ചു
സാമൂഹിക സേവനത്തിനുള്ള ശ്രുതിവേദി പുരസ്‌കാരം ഫാ. ആല്‍ഫ്രഡിന് സമ്മാനിച്ചു
കോഴിക്കോട്: കോഴിക്കോട് ആസ്ഥാനമായി പ്രവര്‍ത്തിക്കുന്ന പ്രശസ്ത സാഹിത്യ സാംസ്‌കാരിക സംഘടനയായ ശ്രുതിവേദിയുടെയും ഇരുപതാം വാര്‍ഷികത്തിന്റെ ഭാഗമായി വിവിധ മേഖലകളില്‍ മികവാര്‍ന്ന പ്രവര്‍ത്തനം നടത്തിയവര്‍ക്കായി ഏര്‍പ്പെടുത്തിയ പുരസ്‌കാരങ്ങളില്‍ സാമൂഹിക
