പ്രളയദുരിതം താണ്ടിയവര്‍ക്കുള്ള കാരുണ്യഭവനങ്ങള്‍ ആശീര്‍വദിച്ചു
കൊച്ചി: കഴിഞ്ഞ വര്‍ഷമുണ്ടായ മഹാപ്രളയത്തില്‍ വീടുകള്‍ നഷ്ടപ്പെട്ട രണ്ട് കുടുംബങ്ങള്‍ക്ക് എളംകുളം ഇടവകാംഗം ചക്കനാട്ട് വര്‍ഗീസ് ജയിംസും സഹകാരികളും പണിതുനല്കിയ വീടുകള്‍ വരാപ്പുഴ ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍ ആശീര്‍വദിച്ചു. ജയിംസിന്റെയും സുഹൃത്തുക്കളുടെയും കാരുണ്യപ്രവര്‍ത്തനങ്ങള്‍ ഏവര്‍ക്കും മാതൃകയാകണമെന്ന് ആര്‍ച്ച്ബിഷപ് പറഞ്ഞു.
വരാപ്പുഴ പഞ്ചായത്ത് 15-ാം വാര്‍ഡില്‍ ചിറയ്ക്കകം തേവര്‍കാട്ട് തന്റെ പേരിലുണ്ടായിരുന്ന നാലര സെന്റ് സ്ഥലമാണ് രണ്ടു നിരാംലബ കുടുംബങ്ങള്‍ക്ക് വീടുവയ്ക്കുന്നതിനായി ജയിംസ് ദാനം ചെയ്തത്. അര്‍ഹരായ രണ്ടു കുടുംബങ്ങളെ കണ്ടെത്തി അവര്‍ക്ക്് വീടു നിര്‍മിച്ചുനല്‍കാനുള്ള ചുമതല എറണാകുളം സെന്റ് ഫ്രാന്‍സിസ് അസീസി കത്തീഡ്രല്‍ വികാരി മോണ്‍. ജോസഫ് പടിയാരംപറമ്പിലിനെ ജയിംസ് ഏല്പിക്കുകയായിരുന്നു.
ആലുവായിലെ കുളങ്ങര മിനി ജോണിനും, വരാപ്പുഴ മുട്ടിനകത്ത് വേവുകാട്ട് സജിത ആന്റണിയുടെ കുടുംബത്തിനുമായാണ് രണ്ടു വീടുകള്‍ പണിതീര്‍ത്തത്. ചക്കനാട്ട് ജയിംസിന്റെ മഹാമനസ്‌കതയില്‍ നിന്ന് പ്രചോദനം ഉള്‍ക്കൊണ്ട് നിരവധിപേര്‍ ഈ സംരംഭത്തില്‍ പങ്കാളികളായെന്ന് മോണ്‍. ജോസഫ് പടിയാരംപറമ്പില്‍ പറഞ്ഞു.
Related Articles
ഫാ ജോമോന് നല്ല സമരിയാക്കാരൻ്റെ മുഖം
മഹാമാരിയുടെ കാലത്ത് മാനവികതയുടെ കാവൽ മാലാഖകൾ ഈ നാടിനായ് മുന്നിട്ടിറങ്ങുമ്പോൾ ഈ പ്രതിസന്ധിയും നാം അതിജീവിക്കും. മനുഷ്യ സേവനമാണ് ദൈവിക സ്നേഹത്തിലെക്കുള്ള യഥാർത്ഥ വഴിയെന്ന് കാണിച്ചു തരികയാണ്‌
അധികാരവും അവകാശവും പൗരത്വവും എല്ലാവരുടേതും – ബിഷപ് ഡോ. ജോസഫ് കരിയില്‍
നെയ്യാറ്റിന്‍കര: അധികാരവും അവകാശവും പൗരത്വവും രാജ്യത്തെ എല്ലാവരുടേതുമാണെന്ന് കെആര്‍എല്‍സിസി പ്രസിഡന്റ് ബിഷപ് ഡോ. ജോസഫ് കരിയില്‍ പറഞ്ഞു. കെആര്‍എല്‍സിസി 35-ാമത് ജനറല്‍ കൗണ്‍സിലിന്റെ ഉദ്ഘാടന യോഗത്തില്‍ അധ്യക്ഷത
ഓഖി: കെസിബിസി ഭവനനിര്‍മാണ സഹായം വിതരണം ചെയ്തു
തിരുവനന്തപുരം: സന്മനസും ത്യാഗമനോഭാവവുമാണ് ഓഖി ദുരന്തത്തെ നേരിടാന്‍ കേരള ജനതയെ പ്രാപ്തമാക്കിയതെന്ന് കേരള കാത്തലിക് ബിഷപ്‌സ് കോണ്‍ഫറന്‍സ് (കെസിബിസി) പ്രസിഡന്റ് ആര്‍ച്ച്ബിഷപ് ഡോ. എം. സൂസപാക്യം പറഞ്ഞു.
