Breaking News

പ്രവാസികളോടും അതിഥി തൊഴിലാളികളോടും നീതി പുലര്‍ത്തണം -ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍

പ്രവാസികളോടും അതിഥി തൊഴിലാളികളോടും നീതി പുലര്‍ത്തണം -ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍

കൊച്ചി: കൊവിഡ്-19 മഹാമാരിയുടെ സംഹാരതാണ്ഡവം ഭയപ്പെട്ട് ജന്മനാട്ടിലേക്ക് വരാന്‍ ആകാംക്ഷയോടെ വിദേശ രാജ്യങ്ങളില്‍ കഴിയുന്ന പ്രവാസികളോട് അധികാരികള്‍ സന്മനസ്സ് കാട്ടണമെന്ന് കേരള ലത്തീന്‍ സഭാ ബിഷപ്പുമാരുടെ സംഘടനയായ കെആര്‍എല്‍സിസിയുടെ മൈഗ്രന്റ്‌സ് കമ്മീഷന്‍ ചെയര്‍മാന്‍ ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍ അഭ്യര്‍ത്ഥിച്ചു.
നമ്മുടെ നാടിന്റെ വികസനത്തിന് മുഖ്യപങ്കുവഹിക്കുന്ന പ്രവാസികളെ ഈ വേദനയുടെ സാഹചര്യത്തില്‍ തള്ളിക്കളയുന്നത് നീതിക്ക് നിരക്കുന്നതല്ല. തിരികെയെത്തുന്ന അവരെ സംരക്ഷിക്കാനും ശുശ്രൂഷിക്കാനും രാജ്യത്തെ എല്ലാവിധ സംവിധാനങ്ങളും ഉപയോഗപ്പെടുതേണ്ടതാണ്. കേരളത്തിന്റെ വികസനത്തിന് ചെറുതും വലുതുമായ സംഭാവന നല്‍കിക്കൊണ്ടിരിക്കുന്ന അതിഥി തൊഴിലാളികള്‍ക്ക് നീതിപൂര്‍വമായ സംരക്ഷണം നല്‍കേണ്ടതാണ്. ജന്മനാടുകളിലേക്ക് മടങ്ങിപ്പോകാന്‍ ആഗ്രഹിക്കുന്നവര്‍ക്ക് അതിനുള്ള സൗകര്യം ഒരുക്കിക്കൊടുക്കാനും അധികാരികള്‍ പ്രത്യേകം ശ്രദ്ധിക്കേണ്ടതാണ്-ബിഷപ് പറഞ്ഞു.
അതിഥി തൊഴിലാളികളെ ശത്രുക്കളെപ്പോലെ കാണുന്ന പ്രവണത ഒരിക്കലും വളര്‍ന്നുവരാതിരിക്കാനും രാഷ്ട്രീയമായ നേട്ടത്തിന് അവരെ കരുക്കള്‍ ആകാതിരിക്കാതിരിക്കാനും മുന്‍കരുതലുകള്‍ എടുത്തില്ലെങ്കില്‍ കേരളീയര്‍വലിയ വില കൊടുക്കേണ്ടിവരും എന്ന കാര്യത്തില്‍ സംശയമില്ല. പ്രവാസികളോടും അതിഥി തൊഴിലാളികളോടും നീതി പുലര്‍ത്തുവാന്‍ അധികാരികള്‍ അടിയന്തരമായി ഇടപെടണമെന്ന് ബിഷപ് തെക്കത്തെച്ചേരില്‍ അഭ്യര്‍ത്ഥിച്ചു.



Related Articles

എറണാകുളത്തെ പ്രമുഖ തീര്‍ത്ഥാടന കേന്ദ്രങ്ങളുടെ   അള്‍ത്താരകള്‍ക്ക് പൊന്തിഫിക്കല്‍ പദവി

വരാപ്പുഴ അതിരൂപതയിലെ 6 പ്രമുഖ തീര്‍ത്ഥാടനകേന്ദ്രങ്ങളുടെ അള്‍ത്താരകളെ പരിശുദ്ധ ജപമാല സഹോദസഖ്യത്തിന്‍റെ അള്‍ത്താരകളായി പ്രഖ്യാപിച്ചുകൊണ്ട് പൊന്തിഫിക്കല്‍ പദവിയിലേക്ക് ഉയര്‍ത്തുന്നു.  പ്രഖ്യാപനത്തെതുടര്‍ന്ന് പ്രസ്തുത അള്‍ത്താരകള്‍ക്കുമുമ്പില്‍ ജപമാലയര്‍പ്പിക്കുന്നവര്‍ക്കും, ജപമാലസഖ്യത്തില്‍ അംഗത്വമെടുക്കുന്നവര്‍ക്കും,

ഒരു ഡിജിറ്റല്‍ അപാരത

കേരളത്തിലെ പൊതുവിദ്യാഭ്യാസ മേഖല ഡിജിറ്റല്‍ യുഗത്തിലേക്ക് കടന്നിരിക്കുകയാണ്. സര്‍ക്കാര്‍-എയ്ഡഡ് വിദ്യാലയങ്ങളില്‍ 3,74,274 ഡിജിറ്റല്‍ ഉപകരണങ്ങള്‍ വിന്യസിച്ച് നടപ്പാക്കിയ ഹൈടെക് സ്‌കൂള്‍ ഹൈടെക് ലാബ് പദ്ധതി പൂര്‍ത്തീകരണ പ്രഖ്യാപനം

പ്രമേഹബാധിതരിലെ ഹൃദ്രോഗം ദുഷ്‌കരമാകുന്ന ചികിത്സ

പ്രമേഹരോഗത്തിന്റെ ഏറ്റവും സങ്കീര്‍ണമായ പ്രത്യാഘാതം ഹൃദ്രോഗബാധ തന്നെ. പ്രമേഹരോഗികളില്‍ ഹൃദ്രോഗമുണ്ടാകാനുള്ള സാധ്യത ഏതാണ്ട് നാലിരട്ടിയാണ്. 70 ശതമാനം പ്രമേഹബാധിതരും മരണപ്പെടുന്നത് ഹൃദയാഘാതം കൊണ്ടുതന്നെ. പ്രമേഹമില്ലാത്തവരുമായി താരതമ്യപ്പെടുത്തുമ്പോള്‍, ഇന്‍സുലിന്‍

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*