പ്രശസ്ത സംഗീത സംവിധായകന്‍ വാജിദ് ഖാന്‍ അന്തരിച്ചു
മുംബൈ : ബോളിവുഡിലെ സംഗീത സംവിധായകന്‍ വാജിദ് ഖാന്‍ (42) അന്തരിച്ചു. വൃക്ക രോഗത്തെത്തുടര്‍ന്ന് മുംബൈയിലെ ആശുപത്രിയില്‍ ചികിത്സയിലായിരുന്നു അദ്ദേഹം. കുറച്ച് ദിവസങ്ങള്‍ക്ക് മുന്‍പാണ് വാജിദിനെ മുംബൈയിലെ ചെമ്പൂരിലെ സുര്‍ണ ആശുപത്രിയില്‍ പ്രവേശിപ്പിച്ചത്. പിന്നീട് നില വഷളാകുകയായിരുന്നു. നേരത്തെ ഇദ്ദേഹത്തിന് വൃക്കമാറ്റി വയ്ക്കല്‍ ശസ്ത്രക്രിയ നടത്തിയിരുന്നു. മാറ്റിവച്ച വൃക്കയില്‍ ഇന്‍ഫക്ഷന്‍ വന്നതാണ് പെട്ടെന്ന് ആരോഗ്യ നില തകരാറിലാകുവാന്‍ ഇടയാക്കിയത്. കഴിഞ്ഞ നാലുദിവസമായി വെന്റിലേറ്ററിന്റെ സഹായത്തോടെയാണ് വാജിദ് ീവന്‍ നിലനിര്‍ത്തിയിരുന്നത്. പിന്നീട് നിലഗുരുതരമായി.
വാണ്ടഡ്, ഏക്താ ടൈഗര്‍, ദബാങ് തുടങ്ങിയ ചിത്രങ്ങള്‍ക്ക് സംഗീതമൊരുക്കി. സഹോദരന്‍ സാജിദുമായി ചേര്‍ന്ന് നിരവധി ചിത്രങ്ങള്‍ക്ക് സംഗീതസംവിധാനം നിര്‍വഹിച്ചിട്ടുണ്ട്.
അവസാനമായി സല്‍മാന്‍ ഖാന്‍ ലോക്ക്ഡൗണ്‍ കാലത്ത് ഇറക്കിയ പ്യാര്‍ കരോ, ബായി ബായി എന്നീ ഗാനങ്ങളുടെ സഹസംഗീത സംവിധായകനായും വാജിദ് പ്രവര്‍ത്തിച്ചിട്ടുണ്ട്. 1998ലെ പ്യാര്‍ കീയാതോ ഡര്‍നാ ഹെയിലാണ് വാജിദ് ആദ്യമായി രംഗത്ത് എത്തുന്നത്. സല്‍മാന്‍ ഖാന്‍ ചിത്രങ്ങളിലൂടെയാണ് സാജിദ്‌വാജിദ് കൂട്ടുകെട്ട് പ്രശസ്തരായത്. ദബാഗ് സീരിസിലെ ഗാനങ്ങളുടെ പേരിലാണ് ഇവര്‍ക്ക് കൂടുതല്‍ പ്രശസ്തി ലഭിച്ചത്. പിന്നണി ഗായകനും കൂടിയായ വാജിദ്, മേരേ ഹി ജല്‍വാ, ഫെവികോള്‍ സെ, ചീന്‍താ താ ചീന്‍താ (റൗഡി റാത്തോഡ്) തുടങ്ങിയ ബ്ലോക്ക്ബസ്റ്റര്‍ ഗാനങ്ങള്‍ക്ക് ശബ്ദം നല്‍കിയിട്ടുണ്ട്.
Related Articles
ഭാരത ജനതയുമായി സംവദിക്കുക തീവ്ര അഭിലാഷമെന്ന് പാപ്പാ
വത്തിക്കാന്‍ സിറ്റി: ഇന്ത്യ തന്റെ ഹൃദയത്തോടു ചേര്‍ന്നിരിക്കുന്ന രാജ്യമാണെന്നും എത്രയും വേഗം അവിടത്തെ ജനങ്ങളെ സന്ദര്‍ശിക്കണമെന്ന തീവ്രമായ ആഗ്രഹം തനിക്കുണ്ടെന്നും ഫ്രാന്‍സിസ് പാപ്പാ വ്യക്തമാക്കി. കേരളം, തമിഴ്‌നാട്,
ബുറേവി ചുഴലിക്കാറ്റിന്റെ പുതിയ സഞ്ചാരപഥത്തില്‍ കേരളവും
തിരുവനന്തപുരം: തെക്ക് കിഴക്കന്‍ ബംഗാള്‍ ഉള്‍ക്കടലിലെ അതിതീവ്ര ന്യൂനമര്‍ദം കൂടുതല്‍ ശക്തി പ്രാപിച്ച് ബുറേവി ചുഴലിക്കാറ്റായി മാറി.വെള്ളിയാഴ്ച പുലര്‍ച്ചയോടെ ചുഴലിക്കാറ്റ് കന്യാകുമാരി തീരത്തെത്തുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ
ഡോ. സൈമണ്‍ കൂമ്പയിലിന് ആര്‍.എല്‍ ജെയിന്‍ മെമ്മോറിയല്‍ നാഷണല്‍ അവാര്‍ഡ്
മുംബൈ: ഇന്‍സ്റ്റിറ്റിയൂട്ട് ഓഫ് മറൈന്‍ എന്‍ജിനിയേഴ്‌സ് (ഇന്ത്യ) ഏര്‍പ്പെടുത്തിയ 2021ലെ ആര്‍.എല്‍ ജെയിന്‍ മെമ്മോറിയല്‍ ലൈഫ് ടൈം അച്ചീവ്‌മെന്റ് നാഷണല്‍ അവാര്‍ഡിന് ഡോ. സൈമണ്‍ കൂമ്പയില്‍ അര്‍ഹനായി.
