Breaking News

പ്രോലൈഫ് മെഗാ മെസേജ് ഷോ ജീവന്റെ ഉത്സവം – ബിഷപ് ഡോ. പോള്‍ ആന്റണി മുല്ലശേരി

പ്രോലൈഫ് മെഗാ മെസേജ് ഷോ ജീവന്റെ ഉത്സവം  – ബിഷപ് ഡോ. പോള്‍ ആന്റണി മുല്ലശേരി

കൊല്ലം: ദൈവവുമായി ബന്ധപ്പെട്ട് മനുഷ്യന്‍ ജീവിക്കുമ്പോഴും ചിന്തിക്കുമ്പോഴും ജീവന്റെ സമൃദ്ധി അവിടെ രൂപപ്പെടുകയാണണെന്നും ദൈവദാനമാണ് ജീവനെന്നു നാം തിരിച്ചറിയാത്തപ്പോഴാണ് ഭ്രൂണഹത്യ, ആത്മഹത്യ, മദ്യപാനം, മയക്കുമരുന്നുകള്‍, കൊലപാതകം, ദയാവധം തുടങ്ങിയ തിന്മകള്‍ നമ്മുടെ ജീവിതത്തില്‍ സംഭവിക്കുന്നതെന്നും ബിഷപ് ഡോ. പോള്‍ ആന്റണി മുല്ലശേരി പറഞ്ഞു.
പ്രോലൈഫ് മെഗാ മെസ്സേജ് ഷോ തിരിച്ചറിവുകളിലേക്ക് നമ്മെ നയിക്കുകയും ഇത്തരം തിന്മകളില്‍ നിന്ന് അകന്നുനില്‍ക്കാന്‍ നമ്മെ സഹായിക്കുകയും ചെയ്യും. അത് കൊണ്ട് തന്നെ ജീവന്റെ ഉത്സവമായാണ് താനീ ഷോയെ വീക്ഷിക്കുന്നതെന്ന് അദ്ദേഹം പറഞ്ഞു. കെസിബിസി പ്രോലൈഫ് സമിതി കൊല്ലം രൂപത കൊല്ലം സെയിന്റ് ജോസഫ് കോണ്‍വെന്റ് സ്‌കൂള്‍ ഓപ്പണ്‍ എയര്‍ ഓഡിറ്റോറിയത്തില്‍ നടത്തിയ പ്രോലൈഫ് മെഗാ മെസേജ് ഷോയുടെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.
സ്രഷ്ടാവിനോട് ചേര്‍ന്നു നില്‍ക്കുമ്പോള്‍ ചുറ്റുമുള്ളവരെ സ്‌നേഹിക്കുവാനും സംരക്ഷിക്കുവാനും അതെ തലത്തില്‍ പരിസ്ഥിതിയെ സംരക്ഷിക്കുവാനുമുള്ള പ്രചോദനം നമുക്ക് ലഭിക്കും. ജീവന്റെ പൂര്‍ണത ദൈവത്തോട് ചേര്‍ന്ന് അനുഭവിക്കുവാന്‍ പ്രോലൈഫുകാര്‍ പ്രവര്‍ത്തിക്കുകയും മറ്റുള്ളവര്‍ക്ക് നല്‍കുവാന്‍ പ്രതിജ്ഞാബദ്ധരായിരിക്കുകയും ചെയ്യണമെന്നും അദ്ദേഹം ആവശ്യപ്പെട്ടു.
പ്രോലൈഫ് രൂപത ഡയറക്ടര്‍ റവ. ഡോ. ബൈജു ജൂലിയന്‍ അധ്യക്ഷത വഹിച്ച യോഗത്തില്‍ ഫാ. ജാക്‌സന്‍ ജെയിംസ്, കെസിബിസി പ്രോലൈഫ് സംസ്ഥാന അനിമേറ്റര്‍ ജോര്‍ജ് എഫ്. സേവ്യര്‍ വലിയവീട്, രൂപത പ്രസിഡന്റ് റോണാ റിബെയ്‌റോ, മഴവില്‍ മനോരമ സൂപ്പര്‍ 4 റണ്ണര്‍ അപ് വൈശാഖന്‍, സംഗീത സംവിധായകന്‍ സംഗീത് കോയിപ്പാട് എന്നിവര്‍ സംസാരിച്ചു.
സംഗീതവും നൃത്തശില്പങ്ങളും സന്ദേശങ്ങളും കോര്‍ത്തിണക്കിയാണ് പ്രോലൈഫ് മെഗാ മെസ്സേജ് ഷോ സംഘടിപ്പിച്ചത്. വൈശാഖന്‍, ഫാ. ജാക്‌സന്‍ ജെയിംസ്, ജോസ്ഫിന്‍ ജോര്‍ജ് വലിയവീട്,ഇമ്‌നാ ജോര്‍ജ് വലിയവീട് എന്നിവര്‍ സംഗീതത്തിനും സംഗീത് കോയിപ്പാട് ഓര്‍ക്കസ്ട്രക്കും നേതൃത്വം നല്‍കി. പട്ടത്താനം വിമലഹൃദയ ഗേള്‍സ് ഹയര്‍ സെക്കന്ററി സ്‌കൂളിലെ വിദ്യാര്‍ത്ഥിനികള്‍ നൃത്തശില്പങ്ങള്‍ അണിയിച്ചൊരുക്കി.
പ്രകൃതിസംരക്ഷണവും ജീവ സംരക്ഷണവും വിളിച്ചോതി ജീവന്റെ വക്താക്കളാകുക എന്ന ആശയം
പങ്കുവെച്ച പ്രോലൈഫ് മെഗാ മെസേജ് ഷോയില്‍ സന്യസ്തരും ജാതിമതഭേദമന്യേ നിരവധിപേരും പങ്കെടുത്തു.


Related Articles

ഇന്ത്യയും കൊറോണയുടെ ഇരുപതിനായിരം ക്ലബ്ബില്‍

*ലോകത്ത് കൊറോണ രോഗികള്‍ 2,558,951, മരണം 177,704 ന്യൂഡല്‍ഹി: ഇരുപതിനായിരം കൊവിഡ്-19 രോഗികളുള്ള രാജ്യങ്ങളുടെ പട്ടികയില്‍ ഇന്ത്യയും സ്ഥാനംപിടിച്ചു. 20,225 രോഗികളാണ് ഇപ്പോള്‍ ഇന്ത്യയിലുള്ളത്. 655 പേരാണ്

യൗസേപ്പിതാവിന്റെ വര്‍ഷം ആചരിക്കാന്‍ പാപ്പയെ പ്രേരിപ്പിച്ചത് അമേരിക്കന്‍ വൈദീകന്‍

വാഷിങ്ങ്ടണ്‍: അമേരിക്കയിലെ മരിയന്‍ സഭയിലെ അംഗമായ ഫാ.ഡൊണാല്‍ഡ് കാല്‍വെ തന്റെ ഫേസ്ബുക്ക് പോസ്റ്റിലൂടെ കുറിക്കുന്നതിങ്ങനെയാണ്; എല്ലാ ദേവാലയങ്ങളിലും വിശുദ്ധ യൗസേപ്പിതാവിന്റെ വര്‍ഷം ആചരിക്കാന്‍ ആവശ്യപ്പെട്ടുകൊണ്ട് കഴിഞ്ഞ വര്‍ഷം

ഡോ.നിര്‍മല്‍ ഔസേപ്പച്ചനും ദിവ്യ പി. ദേവിനും ദേശീയ യുവജന പുരസ്‌കാരം

ബാഗളൂര്‍: സിസിബിഐ യുവജന കമ്മീഷന്റെ ഈ വര്‍ഷത്തെ ദേശീയ യുവജന പുരസ്‌കാരത്തിന് കേരളത്തില്‍നിന്നും ആലപ്പുഴ രൂപതാംഗം ഡോ. നിര്‍മല്‍ ഔസേപ്പച്ചനും നെയ്യാറ്റിന്‍കര രൂപതാംഗം ദിവ്യ പി. ദേവും

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*