ഫാ. ജെയ്‌സണ്‍ വടശേരി ഇന്റര്‍നാഷണല്‍ കാത്തലിക് മൈഗ്രേഷന്‍ കമ്മീഷന്‍ സെക്രട്ടറി
എറണാകുളം: ഇന്റര്‍നാഷണല്‍ കാത്തലിക് മൈഗ്രേഷന്‍ കമ്മീഷന്റെ (ഐസിഎംസി) സെക്രട്ടറിയായി ഫാ. ജെയ്‌സണ്‍ വടശേരി തിരഞ്ഞെടുക്കപ്പെട്ടു. റോമില്‍ സമാപിച്ച ഐസിഎംസിയുടെ ഗവേണിംഗ് കൗണ്‍സില്‍ യോഗത്തില്‍ ആണ് തിരഞ്ഞെടുപ്പ് നടന്നത്. വരാപ്പുഴ അതിരൂപതയിലെ വൈദികനായ ഫാ. ജെയ്‌സണ്‍ നിലവില്‍ സിബിസിഐയുടെ ലേബര്‍ കമ്മീഷന്‍ സെക്രട്ടറിയാണ്. കെസിബിസി ലേബര്‍ കമ്മീഷന്‍ സെക്രട്ടറിയായും അദ്ദേഹം പ്രവര്‍ത്തിച്ചിരുന്നു. ബിഷപ് ജോര്‍ജിയോ ബെര്‍ട്ടിന്‍ വൈസ് പ്രസിഡണ്ട് (ആഫ്രിക്ക) സിസ്റ്റര്‍ മേരി ആന്‍ ലൗറി (ആസ്‌ട്രേലിയ) ട്രഷറര്‍ എന്നിവരെയും യോഗം തിരഞ്ഞെടുത്തു. ഡോ. ആന്‍ തെരെസ് (പ്രസിഡണ്ട്), മോണ്‍. റോബെര്‍ട്ട് വിട്ടില്ലൊ (ജനറല്‍ സെക്രട്ടറി) എന്നിവരെ മാര്‍ച്ചില്‍ റോമില്‍ വച്ചു നടന്ന ജനറല്‍ കൗണ്‍സില്‍ തിരഞ്ഞെടുത്തിരുന്നു.
രണ്ടാം ലോകമഹായുദ്ധത്തിന്റെ പശ്ചാത്തലത്തില്‍ അഭയാര്‍ത്ഥികളാക്കപ്പെട്ട ആയിരക്കണക്കിനാളുകളുടെ പുനരധിവാസത്തിനായി 1951ല്‍ രൂപീക്യതമായ അന്തര്‍ദേശീയ സന്നദ്ധസംഘടനയാണ് ഐസിഎംസി. ഭാഗ്യസ്മരണാര്‍ഹനായ പന്ത്രണ്ടാം പീയൂസ് പാപ്പയും മോണ്‍. ജീയോവാനി ബാറ്റിസ്റ്റയുമാണ് (പിന്നീട് പോള്‍ ആറാമന്‍ പാപ്പാ ആയി ഉയര്‍ത്തപ്പെട്ടു) ഈ പ്രസ്ഥാനത്തിന് ആരംഭം കുറിച്ചത്. സിറ്റ്‌സര്‍ലണ്ടിലെ ജനീവയിലാണ് ഐസിഎംസിയുടെ സെക്രട്ടറിയേറ്റ് പ്രവര്‍ത്തിക്കുന്നത്. യുണൈറ്റഡ് നേഷന്‍സ് ഇക്കണോമിക് ആന്‍ഡ് സോഷ്യല്‍ കൗണ്‍സലിന്റെ ഉപദേശക സമിതിയില്‍ ഐസിഎംസി അംഗമാണ്. അന്തര്‍ദേശീയ തലത്തില്‍ കുടിയേറ്റക്കാരുടെയും അഭയാര്‍ത്ഥികളുടെയും ഉന്നമനത്തിനുവേണ്ടി പ്രവര്‍ത്തിക്കുന്ന കാത്തലിക്ക് ബിഷപ് കോണ്‍ഫറന്‍സുകളുടെയും ഇതര സംഘടനകളുടെയും ഏകോപനം ഐസിഎംസി യാണ് നിര്‍വഹിക്കുന്നത്. നിലവില്‍ 50 രാജ്യങ്ങളില്‍ ഐസിഎംസി പ്രവര്‍ത്തിക്കുന്നു.
Related Articles
വെള്ളാപ്പള്ളിയെ മാറ്റാൻ സർക്കാർ തയ്യാറാകുമോ? കെ എൽ സി എ
കേരള നവോത്ഥാന ചരിത്രത്തിൽ മറക്കാനാവാത്ത സംഭാവനകൾ നൽകിയ ഉദയംപേരൂർ സൂനഹദോസ് പോലുള്ള ചരിത്രസംഭവങ്ങൾ മറന്ന് ഏതാനും ചില സംഘടനകളെ മാത്രം തിരഞ്ഞുപിടിച്ച് നവോത്ഥാന മതിൽ സൃഷ്ടിക്കാൻ തുനിഞ്ഞ
മത്സ്യസമ്പത്ത് കൊള്ളയടിക്കുന്ന കരാര്‍ അവസാനിപ്പിക്കണം- ‘കടല്‍’
എറണാകുളം: കടലും കടല്‍ത്തീരവും മത്സ്യത്തൊഴിലാളികള്‍ക്കന്യമാക്കുന്ന നയങ്ങളും പദ്ധതികളും അസ്വീകാര്യമെന്ന് കോസ്റ്റല്‍ ഏരിയ ഡവലപ്പ്മെന്റ് ഏജന്‍സി ഫോര്‍ ലിബറേഷന്‍ (കടല്‍) അഭിപ്രായപ്പെട്ടു. ആഴക്കടലിലെ പരിമിതമായ മത്സ്യസമ്പത്ത് കൊള്ളയടിക്കാന്‍
ന്യൂനപക്ഷ ക്വാട്ടയും പങ്കിടുമ്പോള്‍
ഉന്നത വിദ്യാഭ്യാസ മേഖലയില്‍ പ്രഫഷണല്‍ കോളജുകളില്‍ മാത്രമല്ല, ആര്‍ട്‌സ് ആന്‍ഡ് സയന്‍സ് കോളജുകളിലും ലത്തീന്‍ കത്തോലിക്കര്‍ക്ക് നീക്കിവയ്ക്കപ്പെട്ട ന്യൂനപക്ഷ സംവരണ സീറ്റിന് കൂടുതല്‍ അവകാശികളുണ്ടാകുന്നു. ന്യൂനപക്ഷ വിദ്യാഭ്യാസ
