ഫാ മൈക്കിൾ തലക്കെട്ടി കർത്താവിൽ നിദ്ര പ്രാപിച്ചു

23 Sep, 2021 by admin

Print this article Font size -16+

ബഹുമാനപ്പെട്ട മൈക്കിൾ തലക്കെട്ടിയച്ചൻ രാവിലെ 9.50 ന് കർത്താവിൽ നിദ്ര പ്രാപിച്ച വിവരം ഖേദത്തോടെ അറിയിക്കുന്നു. അനേകം കുടുംബങ്ങൾക്ക് ഒരു കൊച്ചു ഭവനം നിർമ്മിക്കുന്നതിന് ഉപകരണമായിരുന്ന പ്രിയ മൈക്കിൾ തലക്കെട്ടിയച്ചൻ നിത്യ ഭവനത്തിൽ ദൈവപിതാവിന്റെ സന്നിധിയിൽ നിത്യം വസിക്കട്ടെയെന്ന് നമുക്ക് പ്രാർത്ഥിക്കാം🙏

നിർധന കുടുംബങ്ങൾക്ക് ആയിരത്തിലധികം വീടുകൾ നിർമിക്കുന്നതിന് നേതൃത്വം നൽകിയിരുന്ന
വരാപ്പുഴ അതിരൂപത വൈദികൻ ഫാ. മൈക്കിൾ തലക്കെട്ടി അന്തരിച്ചു. ഭവനരഹിതരായ അനേകം കുടുംബങ്ങൾക്ക് ഭവനം ഉണ്ടാക്കി കൊടുക്കുന്നതിന് അദ്ദേഹത്തിന് കഴിഞ്ഞിരുന്നു. ഫാ. ഫ്രാൻസിസ് താണിയത്തിൻറെ സഹകരണത്തോടും കൂടിയായിരുന്നു നിർമ്മാണങ്ങൾ.

മൈക്കിൾ തലക്കെട്ടിയച്ചന്റെ മൃതസംസ്ക്കാരകർമ്മം നാളെ, സെപ്തംബർ 24 വെള്ളിയാഴ്ച വൈകിട്ട് 4.30 ന് ഏലൂർ സെന്റ് ആന്റണീസ് പള്ളിയിൽ നടത്തുന്നതാണ്. ഇന്ന് (സെപ്തംബർ 23, വ്യാഴം) വൈകിട്ട് 5 മണി മുതൽ ഏലൂർ ഫെറിയിലുള്ള ഭവനത്തിൽ അച്ചന് അന്ത്യോപചാരം അർപ്പിക്കാവുന്നതാണ്. നാളെ (വെള്ളി) ഉച്ചക്ക് 12 മണിക്ക് ഭവനത്തിലുള്ള ശുശ്രൂഷക്ക് ശേഷം 12.30 മുതൽ ഏലൂർ സെന്റ് ആന്റണീസ് പള്ളിയിൽ അന്ത്യോപചാരം അർപ്പിക്കാവുന്നതാണ്. നാളെ വൈകിട്ട് 4.30 ന് അഭിവന്ദ്യ ജോസഫ് കളത്തിപറമ്പിൽ പിതാവിന്റെ മുഖ്യ കാർമ്മികത്വത്തിൽ മൃതസംസ്ക്കാര ദിവ്യബലിയും മറ്റു ശുശ്രൂഷകളും നടത്തും. കോവിഡ് പ്രോട്ടോകോൾ പാലിച്ചു കൊണ്ട് അന്തിമോപചാരമർപ്പിക്കാം.

Click to join Jeevanaadam Whatsapp Group

ജീവനാദം വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക

admin

More articles by admin