ഫാ. സ്റ്റാൻ സ്വാമിയെ വിട്ടയക്കണം : കെ ആർ എൽ സി സി
.
നാളെ (ഒക്ടോബർ 12) ഒരു മണിക്കൂർ പ്രതിഷേധം
കൊച്ചി: സാമൂഹിക പ്രവർത്തകനും ഈശോ സഭാംഗവുമായ ഫാ.സ്റ്റാൻ സ്വാമിയെ അകാരണമായി അറസ്റ്റ് ചെയ്തനടപടിയിൽ കെ ആർ എൽസി സി പ്രതിഷേധിച്ചു. ജീവിതം മുഴുവനും ആദിവാസികൾക്കും ദലിതർക്കും പിന്നാക്ക സമൂഹങ്ങൾക്കും വേണ്ടി സമർപ്പിച്ച 83 വയസ്സുള്ള വൈദികനെ മാവോയിസ്റ്റായി ചിത്രീകരിക്കുന്നത് യാതൊരു വിധത്തിലും ന്യായീകരിക്കാവുന്നതല്ല. ഒളികേന്ദ്രങ്ങളിൽ മറഞ്ഞിരിന്നുകൊണ്ടല്ല മറിച്ച് വർഷങ്ങളായി നിയമവിധേയമായ പ്രവർത്തനങ്ങളിലാണ് അദ്ദേഹം ഏർപ്പെട്ടിരുന്നത്. അതാകട്ടെ പാർശ്വവത്ക്കരിക്കപ്പെട്ടവർക്കു നീതിയും വികസനവും നേടിയെടുക്കാനുള്ളതായിരുന്നു. ഖനി -ഭൂ മാഫിയകളും സ്ഥാപിത താല്പര്യക്കാരും അദ്ദേഹത്തിന്റെ സേവനങ്ങളെ പ്രത്യേകിച്ച് ആദിവാസികൾക്കു നീതി ലഭ്യമാക്കാനുള്ള പ്രവർത്തനങ്ങളെ അവസാനിപ്പിക്കാൻ ആഗ്രഹിച്ചിരുന്നു. അത്തരം ശ്രമങ്ങളുടെ ഭാഗമായാണ് ആ വന്ദ്യ വൈദികനെ ഭീമ കൊറേഗാവ് കേസിൽ പ്രതിയായി ചേർത്തത്. ഏത് അന്വേഷണത്തെയും സ്വാഗതം ചെയ്ത അതിന് പൂർണ്ണമായും വിധേയമാക്കാൻ സ്വയംസമ്മതം പ്രകടിപ്പിച്ച എൺപത്തി മൂന്നുകാരനായ ഫാ.സ്റ്റാൻ സ്വാമിയുടെ അറസ്റ്റ് മനുഷ്യാവകാശ പ്രശ്നമാണ്. ഉടൻ ഫാ സ്റ്റാൻ സ്വാമിയെ മോചിപ്പിക്കണമെന്ന് കെ ആർ എൽ സി സി ആവശ്യപ്പെട്ടു. ഈശോസഭാ സമൂഹം ആഹ്വാനം ചെയ്തിട്ടുള്ള ഒക്ടോബർ 12 ലെ ഒരു മണിക്കൂർ പ്രതിഷേധത്തിൽ കോവിഡ് കാല നിയന്ത്രണങ്ങൾക്കു വിധേയമായി പങ്കു ചേരുവാനും കെ ആർ എൽ സി സെക്രട്ടറിയേറ്റ് യോഗം ആഹ്വാനം ചെയ്തു.
കേരള ലത്തീൻ സഭാധ്യക്ഷനും കെആർഎൽസിസി പ്രസിഡന്റുമായ ബിഷപ് ഡോ.ജോസഫ് കരിയിൽ അധ്യക്ഷത വഹിച്ചു. വൈസ് പ്രസിഡന്റ് ബിഷപ് ഡോ. വിൻസന്റ് സാമുവൽ ലത്തീൻ കത്തോലിക്ക മെത്രാൻ സമിതി സെക്രട്ടറി ജനറൽ ബിഷപ് ഡോ. സെൽവിസ്റ്റർ പൊന്നുമുത്തൻ, ഷാജി ജോർജ്. ഫാ.അഗസ്റ്റിൻ മുള്ളൂർ ഒ.സി.ഡി., ഫാ. ഫ്രാൻസിസ് സേവ്യർ, ആന്റണി ആൽബട്ട്, സ്മിത ബിജോയ്,ആന്റണി നെറോണ എന്നിവർ യോഗത്തിൽ പങ്കെടുത്തു.
Related Articles
ഫാത്തിമാവിശുദ്ധരുടെ തിരുശേഷിപ്പ് മോഷ്ടിച്ചു
വെറോണ: ഫാത്തിമായില്‍ പരിശുദ്ധ കന്യകമാതാവിന്റെ ദര്‍ശനം സിദ്ധിച്ച വിശുദ്ധരായ ഫ്രാന്‍സിസ്‌കോ, ജസീന്ത മാര്‍ത്തോ എന്നിവരുടെ തിരുശേഷിപ്പ് ഇറ്റലിയിലെ വെറോണയിലെ ദേവാലയത്തില്‍ നിന്ന് മോഷ്ടിക്കപ്പെട്ടു. ഈ വിശുദ്ധരുടെ വസ്ത്രത്തിന്റെ
പ്രത്യാശയുടെ പ്രതീകമായി അലെപ്പോ കത്തീഡ്രല്‍
അലെപ്പോ: സിറിയയിലെ ഒന്‍പതു വര്‍ഷം നീണ്ട ആഭ്യന്തര യുദ്ധത്തില്‍ മൂന്നുവട്ടം കനത്ത മിസൈല്‍ ആക്രമണത്തില്‍ തകരുകയും ഇസ്ലാമിക ഭീകരവാഴ്ചയില്‍ പങ്കിലമാക്കപ്പെടുകയും ചെയ്ത അലെപ്പോ നഗരത്തിലെ വിശുദ്ധ ഏലിയായുടെ
പ്രേഷിതര്‍ കുടുംബങ്ങളുടെ ആഴങ്ങളിലേക്ക് കടന്നു ചെല്ലണം -മോണ്‍. പീറ്റര്‍ ചടയങ്ങാട്ട്
കൊച്ചി: കുടുംബങ്ങളുടെ ആഴങ്ങളിലേക്ക് കടന്നുചെന്ന് ശുശ്രൂഷകള്‍ ചെയ്യുകയാണ് കുടുംബപ്രേഷിതര്‍ ചെയ്യേണ്ടതെന്ന് കൊച്ചി രൂപത വികാരി ജനറല്‍ മോണ്‍. പീറ്റര്‍ ചടയങ്ങാട്ട് പറഞ്ഞു. കെആര്‍എല്‍സിബിസി ഫാമിലി കമ്മീഷന്റെ
