ഫ്രാൻസിസ് പാപ്പാ യുഎഇ പ്രസിഡന്‍ഷ്യല്‍ പാലസില്‍

ഫ്രാൻസിസ് പാപ്പാ യുഎഇ  പ്രസിഡന്‍ഷ്യല്‍ പാലസില്‍

150 ഹെക്ടര്‍ വ്യാപിച്ചുകിടക്കുന്ന ഒരു പ്രദേശത്താണ് 1,60,000 ചതുരശ്രമീറ്റര്‍ വലിപ്പമുള്ള ഈ മന്ദിരം സ്ഥിതിചെയ്യുന്നത്. 2017 ലാണ് ഈ കെട്ടിടത്തിന്റെ പണി പൂര്‍ത്തിയായത്. സ്ഫടികവും സ്വര്‍ണ്ണവും പതിച്ച 70 താഴിക്കുടങ്ങളുള്ള ഈ സൗധം രത്‌നങ്ങളും സ്വര്‍ണ്ണവും വെണ്ണക്കല്ലുകളും കൊണ്ട് അലംകൃതമാണ്. 12 മീറ്റര്‍ ഉയരവും എട്ടു മീറ്റര്‍ വീതിയുമുള്ള പ്രവേശനകവാടം ഉരുക്കും വെങ്കലവും കൊണ്ട് നിര്‍മ്മിതമാണ്. അത്യാധുനിക സംവിധാനമാണ് ഈ വാതില്‍ അടയ്ക്കുന്നതിനും തുറക്കുന്നതിനുമായി ഉപയോഗിക്കുന്നത്. ഈ കെട്ടിട സമുച്ചയത്തിനകത്ത് ഒരു ഇസ്ലാം പള്ളിയും സൈനികര്‍ക്കായുള്ള പാര്‍പ്പിടങ്ങളും ഉണ്ട്.

കൂടിക്കാഴ്ച പ്രസിഡന്‍ഷ്യല്‍ പാലസില്‍
രാഷ്ട്രത്തലവന്റെ മന്ദിരത്തിലേക്കുള്ള രാജവീഥിയിലേക്ക് പാപ്പാ പ്രവേശിച്ചപ്പോള്‍ വാനവീഥിയില്‍ സൈനിക വ്യോമയാനങ്ങള്‍ പേപ്പല്‍ നിറങ്ങളായ വെള്ളയും മഞ്ഞയും വര്‍ണ്ണങ്ങള്‍ വിതറി പറന്നു. പാപ്പായുടെ കാര്‍ മുഖ്യകവാടത്തിലൂടെ, മനോഹരമായ ജലധാരായന്ത്രങ്ങള്‍ ഇരുവശവും ക്രമീകരിച്ചിരിക്കുന്ന വീഥി കടന്നപ്പോള്‍ പീരങ്കികള്‍ മുഴങ്ങി. പ്രസിഡന്റിന്റെ മന്ദിരത്തിനു മുന്നില്‍ വാഹനത്തില്‍ നിന്നിറങ്ങിയ പാപ്പായെ അബുദാബിയുടെ കിരീടാവകാശി ഷെയ്ഖ് മൊഹമ്മദ് ബിന്‍ സായിദ് അല്‍ നഹ്യാനും യുഎഇയുടെ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം ഹസ്തദാനം നല്കി സ്വീകരിച്ചു.
പ്രസിഡന്റിന്റെ ഔദ്യോഗിക വസതിയിലെത്തിയ പാപ്പാ സൈനികോപചാരം സ്വീകരിച്ചു. തുടര്‍ന്ന് ആദ്യം വത്തിക്കാന്റെയും തുടര്‍ന്ന് യുഎഇയുടെയും ദേശീയ ഗാനം സൈനിക ബാന്‍ഡ് വാദനം ചെയ്തു. അതിനുശേഷം പാപ്പായോടൊപ്പം എത്തിയ സഭാപ്രതിനിധികള്‍ ഓരോരുത്തരായി ഷെയ്ഖിനും പാപ്പായ്ക്കും യുഎഇയുടെ വൈസ് പ്രസിഡന്റ് ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമിനും ഹസ്തദാനമേകി. യുഎഇയുടെ പ്രതിനിധികള്‍ പാപ്പായെ പരിചയപ്പെടുകയും ചെയ്തു. തദനന്തരം പാപ്പായും ഷെയ്ഖ് മൊഹമ്മദ് ബിന്‍ സായിദ് അല്‍ നഹ്യാനും സ്വകാര്യസംഭാഷണത്തില്‍ ഏര്‍പ്പെട്ടു. തുടര്‍ന്ന് വിശിഷ്ടാതിഥികള്‍ സന്ദര്‍ശനക്കുറിപ്പുകള്‍ രേഖപ്പെടുത്തുന്ന ഗ്രന്ഥത്തില്‍ പാപ്പാ തന്റെ സന്ദേശം കുറിച്ച് ഒപ്പുവച്ചു. അതിനുശേഷം പാപ്പായും ഷെയ്ഖ് മൊഹമ്മദ് ബിന്‍ സായിദ് അല്‍ നഹ്യാനും സമ്മാനങ്ങള്‍ കൈമാറി.


Related Articles

ക്രിസ്റ്റി ഫർണാൻണ്ടസ് ലത്തീൻ പിന്നാക്കാവസ്ഥ പഠിക്കാൻ സംസ്ഥാന സർക്കാർ നിയോഗിച്ച കമ്മീഷനിൽ

ക്രിസ്ത്യൻ ന്യൂനപക്ഷങ്ങളുടെ പിന്നാക്കാവസ്ഥ പഠിക്കാൻ സംസ്ഥാന സർക്കാർ നിയോഗിച്ച കമ്മീഷൻ അംഗമായി  ഡോ. ക്രിസ്റ്റി ഫെർണാണ്ടസിനെ തിരഞ്ഞെടുത്തു. വിദ്യാഭ്യാസം, സാമ്പത്തികം, ന്യൂനപക്ഷം എന്നീ മേഖലകളിലെ പിന്നാക്കാവസ്ഥയാണ് കമ്മീഷൻ

മൂന്നു മക്കളുടെ അമ്മയുള്‍പ്പെടെ വിശുദ്ധിയുടെ പടവില്‍ മൂന്നുപേര്‍

വാഴ്ത്തപ്പെട്ടവരുടെ ഗണത്തിലേക്ക് ഉയര്‍ത്തുന്നതിന്റെ നടപടികളുടെ ഭാഗമായി ദൈവദാസികളായ രണ്ട് ഇറ്റാലിയന്‍ അല്മായ വനിതകളുടെയും ഒരു ഇറ്റാലിയന്‍ ഫ്രാന്‍സിസ്‌കന്‍ കണ്‍വെന്‍ച്വല്‍ സന്ന്യാസിയുടെയും ധീരാത്മക പുണ്യങ്ങളെ അംഗീകരിച്ചുകൊണ്ട് വിശുദ്ധരുടെ നാമകരണത്തിനായുള്ള

നവമാധ്യമങ്ങളിൽ  നിഷ്കളങ്കരുടെ നിസ്സംഗത ആപൽകരം : ബിഷപ് ഡോ. ആർ. ക്രിസ്തുദാസ്

  നല്ല മനുഷ്യരുടെ നിശബ്ദതയാണ് ലോകം നേരിടുന്ന ഏറ്റവും വലിയ വെല്ലുവിളി. നവമാധ്യമ പ്രവർത്തകർ അവരുടെ നിശബ്ദതയെ പിന്തുണയ്ക്കാതെ, അവരുടെ വക്താക്കളായി മാറണമെന്ന് തിരുവനന്തപുരം ലത്തീൻ അതിരൂപത

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*