ബധിര-മൂകര്‍ക്ക് സ്‌നേഹം അനുഭവവേദ്യമാക്കാന്‍ സമൂഹം ശ്രമിക്കണം -ആര്‍ച്ച്ബിഷപ് ഡോ. എം. സൂസപാക്യം

ബധിര-മൂകര്‍ക്ക് സ്‌നേഹം അനുഭവവേദ്യമാക്കാന്‍ സമൂഹം ശ്രമിക്കണം  -ആര്‍ച്ച്ബിഷപ് ഡോ. എം. സൂസപാക്യം

തിരുവനന്തപുരം: തിരുവനന്തപുരം ലത്തീന്‍ അതിരൂപത കുടുംബപ്രേഷിത ശുശ്രൂഷയുടെ ആഭിമുഖ്യത്തില്‍ ബധിര-മൂകര്‍ക്കായി സംഘടിപ്പിച്ച ആംഗ്യഭാഷാ ദിവ്യബലിയും ബധിര-മൂക കുടുംബ കൂട്ടായ്മയും ശ്രദ്ധേയമായി. തിരുവനന്തപുരം അതിരൂപതയിലെയും സമീപപ്രദേശങ്ങളിലെയും ബധിര-മൂകരും അവരുടെ കുടുംബാംഗങ്ങളും പങ്കെടുത്ത ബധിര-മൂക കുടുംബ സംഗമം വെട്ടുകാട് മാദ്രെ ദേ ദേവൂസ് പാരീഷ് ഹാളില്‍ സംസ്ഥാന സഹകരണവകുപ്പ് മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്തു. ആര്‍ച്ച്ബിഷപ് ഡോ. എം. സൂസപാക്യം അധ്യക്ഷനായിരുന്നു.
ബധിര-മൂകരുടെ ആത്മീയവും ഭൗതികവുമായ വളര്‍ച്ച ലക്ഷ്യമാക്കി കേരളത്തില്‍ രൂപപ്പെട്ടുവരുന്ന ബധിര-മൂക കൂട്ടായ്മയുടെ ഈ തുടക്കം നാടിനാകെ അഭിമാനവും സന്തോഷവും നല്‍കുന്നുവെന്നും വിദ്യാഭ്യാസ-സാമൂഹ്യ-ആരോഗ്യ-കുടുംബരംഗത്ത് സഭയും സര്‍ക്കാരും കൂട്ടായി പ്രവര്‍ത്തിക്കാന്‍ തയ്യാറായാല്‍ ഇപ്പോള്‍ അവഗണന അനുഭവിക്കുന്ന ബധിര-മൂക വിഭാഗത്തെ സമൂഹത്തിന്റെ മുഖ്യധാരയിലേക്ക് എത്തിക്കാന്‍ നമുക്കു കഴിയുമെന്നും ആര്‍ച്ച്ബിഷപ് എം. സൂസപാക്യം പറഞ്ഞു.
ബധിരരും മൂകരുമായ ഭിന്നശേഷിക്കാരെ സമൂഹം അവഗണനയോടും പുച്ഛമനോഭാവത്തോടെയുമാണ് നോക്കിക്കാണുന്നത്. എന്നാല്‍ ഇവരെ അവരുടെ കുടുംബങ്ങള്‍ എത്ര സഹിഷ്ണുതയോടെയാണ് ശുശ്രൂഷിക്കുന്നത് എന്ന് സമൂഹം മനസിലാക്കണം. അവരും മനുഷ്യരാണ്. അവര്‍ക്ക് സ്‌നേഹം അനുഭവവേദ്യമാക്കാന്‍ നമുക്കു കഴിയണം. യേശുവിന്റെ അത്ഭുതങ്ങള്‍ മറ്റുള്ളവര്‍ക്ക് സ്‌നേഹം പകര്‍ന്നുനല്‍കുന്നതിനായിരുന്നുവെന്നും ആര്‍ച്ച്ബിഷപ് പറഞ്ഞു.
ബധിരരും മൂകരും ഉള്‍പ്പടെയുള്ള ഭിന്നശേഷിക്കാര്‍ക്ക് സഭ ചെയ്യുന്ന സേവനം മഹത്തരവും, മാതൃകാപരവുമാണെന്നും ഈ ജനവിഭാഗത്തിനുവേണ്ടി സഭയും സന്നദ്ധ സംഘടനയും ചെയ്യുന്ന പ്രവര്‍ത്തനങ്ങള്‍ക്ക് സര്‍ക്കാര്‍ പിന്തുണ എന്നും ഉണ്ടാകുമെന്നും മന്ത്രി കടകംപള്ളി സുരേന്ദ്രന്‍ ഉദ്ഘാടനപ്രസംഗത്തില്‍ പറഞ്ഞു. അന്ധവിദ്യാലയങ്ങള്‍ക്ക് ലഭ്യമാക്കുന്ന എല്ലാ സൗകര്യങ്ങളും ബധിര-മൂക വിദ്യാലയങ്ങള്‍ക്ക് ലഭ്യമാക്കാന്‍ ശ്രമിക്കും, ശ്രവണ വൈകല്യമുള്ള അഞ്ചുവയസ്സുവരെയുള്ള കുട്ടികള്‍ക്കായി സര്‍ക്കാര്‍ നടപ്പാക്കുന്ന ശ്രുതി തരംഗം പദ്ധതിക്കായി 8 കോടി 80 ലക്ഷം രൂപ അനുവദിച്ചിട്ടുണ്ട്. ഇതിനോടകം 948 കുട്ടികള്‍ക്ക് സഹായം നല്‍കി ശ്രുതി തരംഗം പദ്ധതിയുടെ തുടര്‍ച്ചയായി ധ്വനി എന്നപേരില്‍ മറ്റൊരു പദ്ധതി കൂടി നടപ്പിലാക്കാന്‍ ഉദ്ദേശിക്കുന്നുണ്ട്. ദൃശ്യ-ശ്രവ്യ ഉപകരണങ്ങള്‍ ഉപയോഗപ്പെടുത്തി പാഠ്യപദ്ധതിയും, പ്രത്യേകം പരിശീലനം ലഭിച്ച അധ്യാപകരുടെ സേവനവും പ്രയോജനപ്പെടുത്തി ബധിര-മൂക വിദ്യാര്‍ഥികളുടെ പഠനത്തിനുള്ള വിഭവകേന്ദ്രങ്ങള്‍ രൂപപ്പെടുത്തുമെന്നും ഇതിനായി ഐ.റ്റി സാങ്കേതിക വിദ്യ വികസിപ്പിച്ചെടുക്കണമെന്നും മന്ത്രി പറഞ്ഞു.
ചടങ്ങില്‍ കുടുംബപ്രേഷിത ശുശ്രൂഷ ഡയറക്ടര്‍ ഡോ. എ ആര്‍ ജോണ്‍, വെട്ടുകാട് ഇടവക വികാരി ഫാ. ജോസഫ് ബാസ്റ്റിന്‍, നവധ്വനി ഡയറക്ടര്‍ ബിജു ലോറന്‍സ്, പ്രോലൈഫ് തിരുവനന്തപുരം മേഖല പ്രസിഡന്റ് ആന്റണി പത്രോസ് എന്നിവര്‍ പ്രസംഗിച്ചു. ചടങ്ങില്‍ വച്ച് ബധിര-മൂകരില്‍ വിവിധ രംഗങ്ങളില്‍ പ്രാഗത്ഭ്യം തെളിയിച്ചവരെ മന്ത്രി പൊന്നാടയണിയിച്ച് ആദരിച്ചു.
രാവിലെ വെട്ടുകാട് മാദ്രെ ദെ ദേവൂസ് ദേവാലയത്തില്‍ ബധിര-മൂകര്‍ക്കുവേണ്ടി ആംഗ്യഭാഷയില്‍ അവതരിപ്പിച്ച ദിവ്യബലിക്ക് അതിരൂപത സഹായമെത്രാന്‍ ഡോ. ക്രിസ്തുദാസ് ആര്‍ മുഖ്യകാര്‍മികത്വം വഹിച്ചു. ഫാ. ബിജു ലോറന്‍സ് ദിവ്യബലി ആംഗ്യഭാഷയില്‍ തത്സമയം പരിഭാഷപ്പെടുത്തി. ഡോ. എ ആര്‍ ജോണ്‍, ഫാ. ജോസഫ് ബാസ്റ്റിന്‍, ഫാ. ജോസ് ദിലീപ് എന്നിവര്‍ സഹകാര്‍മികരായിരുന്നു.


Related Articles

ആഗ്ര അതിരൂപത മെത്രാപ്പോലീത്തയായി അലഹാബാദ് ബിഷപ്പും തൃശൂര്‍ സ്വദേശിയുമായ ഡോ. റാഫി മഞ്ഞളി സ്ഥാനമേറ്റു.

ആഗ്ര: അലഹാബാദ് ബിഷപ്പും തൃശൂര്‍ സ്വദേശിയുമായ ഡോ. റാഫി മഞ്ഞളി ആഗ്ര അതിരൂപതയുടെ മെത്രാപ്പോലീത്തയായി സ്ഥാനമേറ്റു. ആഗ്രാ സെന്റ് പീറ്റേഴ്‌സ് കോളേജ് ഹാളില്‍ നടന്ന സ്ഥാനാരോഹണ ചടങ്ങില്‍

ജിയോ ട്യൂബ് കടല്‍ഭിത്തി: നടപടി ആവശ്യപ്പെട്ട് ധര്‍ണ നടത്തി തൃശൂര്‍: ചെല്ലാനത്ത് ജിയോ ട്യൂബ് കടല്‍ ഭിത്തി നിര്‍മാണം അടിയന്തരമായി പൂര്‍ത്തിയാക്കണമെന്നാവശ്യപ്പെട്ട് ചെല്ലാനം നിവാസികള്‍ തൃശൂര്‍ സെന്‍ട്രല്‍ സര്‍ക്കിളില്‍ സ്ഥിതി ചെയ്യുന്ന എറണാകുളം ജലസേചന വകുപ്പ് സുപ്രണ്ടിംഗ് എന്‍ജിനീയറുടെ കാര്യാലയത്തിനു മുന്നില്‍ ധര്‍ണ നടത്തി. 2018 ജൂലൈയില്‍ 8 കോടി രൂപയ്ക്ക് കരാര്‍ നല്‍കിയെങ്കിലും ഇതുവരെ ജോലികള്‍ ആരംഭിക്കാന്‍ കരാറുകാരന് കഴിഞ്ഞിട്ടില്ല. കരാര്‍വ്യവസ്ഥകള്‍ പ്രകാരം പുറംകടലില്‍ നിന്ന് ഡ്രെഡ്ജര്‍ ഉപയോഗിച്ച് അഞ്ചു മീറ്റര്‍ വ്യാസവും 25 മീറ്റര്‍ നീളവുമുള്ള ജിയോ ട്യൂബുകള്‍ നിറയ്ക്കാന്‍ വെറും ആറു മണിക്കൂര്‍ മതിയെന്നിരിക്കെ കരാര്‍ അധികാരിയായ സൂപ്രണ്ടിംഗ് എന്‍ജിനിയറുടെയും ഉദ്യോഗസ്ഥരുടെയും അനാസ്ഥയാണ് പണികള്‍ നീണ്ടുപോകാന്‍ കാരണമെന്ന് സമരക്കാര്‍ ആരോപിച്ചു. ഓഖി ദുരന്തത്തില്‍ രണ്ടു മരണങ്ങള്‍ സംഭവിച്ച ഈ പ്രദേശത്ത് മഴക്കാലമാകുന്നതോടുകൂടി ശക്തമായ കടലാക്രമണം പതിവാണ്. കടല്‍ഭിത്തിയുടെ നിര്‍മാണം പൂര്‍ത്തിയായില്ലെങ്കില്‍ മഴക്കാലത്ത് തീരദേശവാസികളുടെ ജീവനും സ്വത്തിനും ഭീമമായ നാശനഷ്ടങ്ങള്‍ ഉണ്ടാകും. ഗവണ്‍മെന്റ് പണമനുവദിച്ചിട്ടും പണികള്‍ പൂര്‍ത്തിയാക്കാന്‍ കഴിയാത്ത സൂപ്രണ്ടിംഗ് എന്‍ജിനീയര്‍ക്കും ഉദ്യോഗസ്ഥര്‍ക്കുമെതിരെ നടപടിയെടുക്കണമെന്ന് പശ്ചിമകൊച്ചി തീരസംരക്ഷണ സമിതി ആവശ്യപ്പെട്ടു. തൃശൂര്‍ മ്യൂസിയത്തിനു സമീപത്തുനിന്നാരംഭിച്ച പ്രകടനം ഫാ. ജോണ്‍ കണ്ടത്തിപ്പറമ്പില്‍ ഉദ്ഘാടനം ചെയ്തു. കേരള ലാറ്റിന്‍ കാത്തലിക് അസോസിയേഷന്‍ കൊച്ചി രൂപത മുന്‍ ഡയറക്ടര്‍ ഫാ. സെബാസ്റ്റ്യന്‍ പുത്തംപുരയ്ക്കല്‍ ഉദ്ഘാടനം ചെയ്തു. ഫാ. ഫ്രാന്‍സീസ് പൂപ്പാടി അധ്യക്ഷത വഹിച്ചു. പശ്ചിമകൊച്ചി തീരസംരക്ഷണ സമിതി കണ്‍വീനര്‍ ടി.എ ഡാല്‍ഫില്‍ സമരപ്രഖ്യാപനം നടത്തി. കെഎല്‍സിഎ കൊച്ചി രൂപത ജനറല്‍ സെക്രട്ടറി ബാബു കാളിപ്പറമ്പില്‍, വിന്‍ സൊസൈറ്റി കോ-ഓര്‍ഡിനേറ്റര്‍ ആനി ജോസഫ്, എം.എന്‍ രവികുമാര്‍, ജിന്‍സന്‍ വെളുത്തമണ്ണുങ്കല്‍, ആല്‍ഫ്രഡ് ബെന്നോ, നോബി അരിവീട്ടില്‍, ആന്റോജി കളത്തുങ്കല്‍ എന്നിവര്‍ പ്രസംഗിച്ചു. തുടര്‍ന്ന് സൂപ്രണ്ടിംഗ് എന്‍ജിനീയര്‍ എല്‍.എസ് സലിമുമായി നടന്ന ചര്‍ച്ചയില്‍ ഡ്രെഡ്ജര്‍ ഉപയോഗിച്ച് രണ്ടു ദിവസത്തിനകം പണികള്‍ ആരംഭിക്കാന്‍ രേഖാമൂലം കരാറുകാരനോട് ആവശ്യപ്പെട്ടിട്ടുണ്ടെന്നും കരാറുകാരന്‍ നിര്‍ദേശങ്ങള്‍ അനുസരിക്കാത്തപ ക്ഷം കരിംപട്ടികയില്‍ ഉള്‍പ്പെടുത്തുന്നത് ഉള്‍പ്പെടെയുള്ള നടപടികള്‍ സ്വീകരിക്കുമെന്നും സമര സമിതിയെ അറിയിച്ചു.

തൃശൂര്‍: ചെല്ലാനത്ത് ജിയോ ട്യൂബ് കടല്‍ ഭിത്തി നിര്‍മാണം അടിയന്തരമായി പൂര്‍ത്തിയാക്കണമെന്നാവശ്യപ്പെട്ട് ചെല്ലാനം നിവാസികള്‍ തൃശൂര്‍ സെന്‍ട്രല്‍ സര്‍ക്കിളില്‍ സ്ഥിതി ചെയ്യുന്ന എറണാകുളം ജലസേചന വകുപ്പ് സുപ്രണ്ടിംഗ്

തീരത്തിന്റെ അമരക്കാരന്‍

ഫാ. ജെയിംസ് കുലാസ് ഒക്ടോബര്‍ 8-ാം തീയതി രാത്രി വളരെ വൈകി എനിക്കൊരു സുഹൃത്തിന്റെ നിര്യാണവാര്‍ത്ത ലഭിച്ചു. ടി. പീറ്ററിന്റെ മരണമായിരുന്നു. വിശ്വസിക്കാനായില്ല. കുറേ ദിവസങ്ങളായി കൊവിഡ്

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*