ഭക്തിസാന്ദ്രമായി തെക്കന്‍ കുരിശുമല തീര്‍ത്ഥാടനം
നെയ്യാറ്റിന്‍കര: വിശുദ്ധകുരിശ്‌ മനുഷ്യമഹത്വത്തിന്റെ പ്രതീകം എന്ന സന്ദേശവുമായി തെക്കന്‍ കുരിശുമലയുടെ 61-ാമത്‌ മഹാതീര്‍ത്ഥാടനത്തിന്‌ തുടക്കമായി. 18ന്‌ രാവിലെ നെയ്യാറ്റിന്‍കര മെത്രാസനമന്ദിരത്തില്‍ നിന്നും ആരംഭിച്ച തീര്‍ത്ഥാടനപതാകയും, ദിവ്യജ്യോതിയും വഹിച്ചുകൊണ്ടുള്ള ഇരുചക്രവാഹന റാലിക്ക്‌ കെസിവൈഎം നെയ്യാറ്റിന്‍കര രൂപതാ സമിതിയും തീര്‍ത്ഥാടന കമ്മിറ്റിയും നേതൃത്വം നല്‍കി. ഉച്ചയ്‌ക്ക്‌ സംഗമവേദിയില്‍ നെടുമങ്ങാട്‌ ക്രിസ്‌ത്യന്‍ വേവ്‌സും, അസീസ്സി കമ്യൂണിക്കേഷന്‍സും ഭക്തിഗാനമേളയ്‌ക്കു നേതൃത്വം നല്‍കി. ഉച്ചകഴിഞ്ഞ്‌ 2 മണിക്ക്‌ വെള്ളറട ജംഗ്‌ഷനില്‍ നിന്നാരംഭിച്ച വര്‍ണ്ണശബളമായ സാംസ്‌കാരിക ഘോഷയാത്രയില്‍ പതിനായിരക്കണക്കിന്‌ വിശ്വാസികള്‍ അണിനിരന്നു. വിവിധ സഭാവിഭാഗങ്ങള്‍, ഇടവകകള്‍, സന്നദ്ധസംഘടനകള്‍ തുടങ്ങിയവര്‍ നേതൃത്വം നല്‍കി. ഭക്തിനിര്‍ഭരമായ തീര്‍ത്ഥാടന പതാകാപ്രയാണം ആനപ്പാറ ഫാത്തിമമാതാ കുരിശടിയില്‍ നിന്നും ആരംഭിച്ചു. കുടയാലുംമൂടില്‍നിന്ന്‌ ആരംഭിച്ച ഇരുചക്രവാഹന റാലിയില്‍ അഞ്ഞൂറില്‍പരം വിശ്വാസികള്‍ പങ്കെടുത്തു. 4.30ന്‌ നെയ്യാറ്റിന്‍കര ബിഷപ്‌ ഡോ. വിന്‍സെന്റ്‌ സാമുവല്‍ തീര്‍ത്ഥാടന പതാക ഉയര്‍ത്തി തിരുകര്‍മങ്ങള്‍ക്ക്‌ തുടക്കംകുറിച്ചു. നൂറുകണക്കിന്‌ വൈദികരും സന്യസ്‌തരും പതിനായിരക്കണക്കിന്‌ വിശ്വാസികളും സംബന്ധിച്ചു. തുടര്‍ന്ന്‌ ആഘോഷമായ പൊന്തിഫിക്കല്‍ ദിവ്യബലി അര്‍പ്പിച്ചു.
സംഗമവേദിയില്‍ നടന്ന ഉദ്‌ഘാടനത്തില്‍ ബിഷപ്‌ ഡോ. വിന്‍സെന്റ്‌ സാമുവല്‍ അദ്ധ്യക്ഷനായിരുന്നു. നിയമസഭ ഡപ്യൂട്ടി സ്‌പീക്കര്‍ വി. ശശി സമ്മേളനം ഉദ്‌ഘാടനം ചെയ്‌തു. പാറശാല എംഎല്‍എ സി. കെ ഹരീന്ദ്രന്റെ വികസന ഫണ്ടുപയോഗിച്ചു നവീകരിച്ച തീര്‍ത്ഥാടനപാത തിരുവനന്തപുരം ജില്ലാ പഞ്ചായത്തിന്റെ ഫണ്ടുപയോഗിച്ചു നിര്‍മിച്ച ആ
ശ്വാസ്‌ വഴിയമ്പലം, മിനി ഓഡിറ്റോറിയം എന്നിവയുടെ ഉദ്‌ഘാടനവും ഇതോടൊപ്പം നടന്നു.
സമൂഹത്തിനും തീര്‍ത്ഥാടനകേന്ദ്രത്തിനും നല്‍കിയ സമഗ്ര സംഭാവനകളെ മാനിച്ച്‌ സി. കെ ഹരീന്ദ്രന്‍ എംഎല്‍എ, ജില്ലാ പഞ്ചായത്ത്‌ പ്രസിഡന്റ്‌ വി. കെ മധു, ജില്ലാപഞ്ചായത്ത്‌ അംഗം കെ. വി വിജിത്ര തുടങ്ങിയവരെ സമ്മേളനത്തില്‍ പൊന്നാടയണിയിച്ച്‌ ആദരിച്ചു. വി. എസ്‌ ശിവകുമാര്‍ എംഎല്‍എ, ഐ. ബി സതീഷ്‌ എംഎല്‍എ, ജി. നേശന്‍, ശോഭകുമാരി, ആനാവൂര്‍ നാഗപ്പന്‍, ജോണ്‍ തങ്കം, ശശിധരന്‍, ഡി. കെ ശശി, ഫാ. പ്രദീപ്‌ ആന്റോ, സാബു കുരിശുമല എന്നിവര്‍ പ്രസംഗിച്ചു.
തീര്‍ത്ഥാടനത്തിനു മുന്നോടിയായി ഗ്രീന്‍മിഷനും തീര്‍ത്ഥാടന കമ്മിറ്റിയും സംയുക്തമായി വെള്ളറട മുതല്‍ കുടപ്പനമൂട്‌, കൂട്ടപ്പൂ, ആറുകാണി, പത്തുകാണി, കുടയാലുംമൂട്‌, നെട്ടവഴി കുരിശുമലവരെ ഹരിത മിഷന്‍ സൈക്കിള്‍ റാലിയും മൂന്നു ദിവസങ്ങളിലായി കെസിവൈഎം രൂപതാസമിതിയുടെ നേതൃത്വത്തില്‍ വിളംബര ബൈക്ക്‌ റാലിയും നടത്തി.
തീര്‍ത്ഥാടനത്തോടനുബന്ധിച്ച്‌ പൊലീസ്‌, മെഡിക്കല്‍, ഗതാഗതം, അഗ്നിശമനസേന, ജലവിഭവം, പൊതുമരാമത്ത്‌, മോട്ടോര്‍വാഹനം തുടങ്ങിയ വകുപ്പുകളുടെ സൗജന്യസേവനവും തീര്‍ത്ഥാടന പാതകളിലും മലമുകളിലും ഒരുക്കിയിട്ടുണ്ട്‌.
Related Articles
സൗമ്യ സന്തോഷിന്റെ മൃതസംസ്കാര ശുശ്രൂഷകള്‍ക്ക് ഇടുക്കി രൂപതാധ്യക്ഷന്‍ മുഖ്യകാര്‍മ്മികത്വം വഹിക്കും
ന്യൂഡല്‍ഹി: ഇസ്രേയേൽ കൊല്ലപ്പെട്ട സൗമ്യ സന്തോഷിന്റെ മൃതദേഹം കേന്ദ്രമന്ത്രി വി മുരളീധരന്‍ ഡല്‍ഹി രാജ്യാന്തര വിമാനത്താവളത്തില്‍ മൃതദേഹം ഏറ്റുവാങ്ങി. വൈകുന്നേരത്തോടെ എയര്‍ ഇന്ത്യ വിമാനത്തില്‍ മൃതദേഹം കൊച്ചിയിലെത്തിച്ച്‌
ഇനിയും എത്രനാള്‍ കാത്തിരിക്കണം
ഭീമ- കൊറേഗാവ് കേസില്‍ അറസ്റ്റിലായ ആക്ടിവിസ്റ്റ് ഫാദര്‍ സ്റ്റാന്‍ സ്വാമിക്ക് ഭക്ഷണവും പാനീയങ്ങളും കഴിക്കുന്നതിന് ആവശ്യമായ സ്ട്രോയ്ക്കും സിപ്പര്‍ കപ്പിനും വേണ്ടി ഡിസംബര്‍ അവസാനംവരെ കാത്തിരിക്കേണ്ടി വരും.
അലക്‌സാണ്ടര്‍ ആന്റണിക്ക്‌ തീരദേശത്തിന്റെ ആദരം
തിരുവനന്തപുരം: സംസ്ഥാന സര്‍ക്കാര്‍ ഉദ്യോഗസ്ഥരില്‍ നിന്ന്‌ ഇത്തവണ ഐഎഎസ്‌ ലഭിച്ച ലേബര്‍ കമ്മീഷണര്‍ അലക്‌സാണ്ടര്‍ ആന്റണിക്ക്‌ തീരദേശ സമൂഹത്തിന്റെ ആദരം. ഒരു മത്സ്യത്തൊഴിലാളിയുടെ മകന്‍ സംസ്ഥാനത്തിന്റെ ചരിത്രത്തില്‍
