മതത്തിന് ഉപരിയായ മനുഷ്യത്വമാണ് പ്രോലൈഫ് – ബിഷപ് ഡോ. പോള്‍ ആന്റണി മുല്ലശേരി
കൊല്ലം: ദൈവത്തിന്റെ അതിമഹത്തായ സൃഷ്ടിയും ദൈവകാരുണ്യവുമാണ് മനുഷ്യന്‍. അതിന് മതപരിധിയില്ല. മതത്തിന് ഉപരിയായ മനുഷ്യത്വത്തെക്കുറിച്ചാണ് ഈശോ പഠിപ്പിച്ചത്. അതാണ് പ്രോലൈഫ് പ്രവര്‍ത്തനങ്ങളെന്ന് ബിഷപ് ഡോ. പോള്‍ ആന്റണി മുല്ലശേരി പറഞ്ഞു.
കെസിബിസി പ്രോലൈഫ് സമിതി കൊല്ലം രൂപതയും ബിസിസിയും സംയുക്തമായി സംഘടിപ്പിച്ച പ്രോലൈഫ് സംഗമം ഉദ്ഘാടനം ചെയ്തു സംസാരിക്കുകയായിരുന്നു ബിഷപ്. മനുഷ്യജീവന്‍ അമൂല്യമായതും വിലപ്പെട്ടതുമായതുകൊണ്ടാണ് ഈശോ മനുഷ്യജീവരക്ഷക്കായി കുരിശില്‍ മരിച്ചത്. അതുകൊണ്ടു തന്നെ എല്ലാ ജീവനെയും സംരക്ഷിക്കുവാനും പ്രകൃതിയെ സംരക്ഷിക്കുവാനുമുള്ള ഉത്തരവാദിത്വം മനുഷ്യനുണ്ട്-ബിഷപ് വ്യക്തമാക്കി.
കെസിബിസി പ്രോലൈഫ് സമിതി കൊല്ലം രൂപത ഡയറക്ടര്‍ റവ. ഡോ. ബൈജു ജൂലിയാന്‍ അധ്യക്ഷതവഹിച്ച സംഗമത്തില്‍ കെസിബിസി പ്രോലൈഫ് സമിതി സംസ്ഥാന പ്രസിഡന്റ് സാബു ജോസ് മുഖ്യപ്രഭാഷണം നടത്തി. സംസ്ഥാന ആനിമേറ്റര്‍ ജോര്‍ജ് എഫ.് സേവ്യര്‍ വലിയവീട്, രൂപത പ്രസിഡന്റ് റോണാ റിബെയ്‌റോ, രൂപത ബിസിസി കോ-ഓര്‍ഡിനേറ്റര്‍ സജീവ് പരിശവിള, കെഎല്‍സിഎ പ്രസിഡന്റ് അനില്‍ ജോണ്‍, കെഎല്‍സിഡബ്ല്യുഎ പ്രസിഡന്റ് ജെയിന്‍ ആന്‍സില്‍ ഫ്രാന്‍സിസ്, മാധ്യമ പ്രവര്‍ത്തകന്‍ ഡി. ശ്രീജിത്, കെസിബിസി മദ്യവിരുദ്ധ സമിതി കൊല്ലം രൂപത സെക്രട്ടറി എ. ജെ ഡിക്രൂസ്, ബിസിസി കുടുംബ പ്രേഷിതസമിതി കണ്‍വീനര്‍ ജോണ്‍സണ്‍ നാന്തിരിക്കല്‍, പ്രോലൈഫ് സംസ്ഥാനസമിതി അംഗങ്ങളായ ജോസ് റസാല്‍, ലോറന്‍സ് കാക്കോട്ടുമൂല എന്നിവര്‍ സംസാരിച്ചു. കൊല്ലം രൂപതയില്‍ ഡിസംബര്‍ പ്രോലൈഫ് മാസമായി ആഘോഷിക്കുന്നതിന്റെ മുന്നോടിയായാണ് പ്രോലൈഫ് സംഗമം സംഘടിപ്പിച്ചത്.
പ്രോലൈഫ് മേഖലകളിലെ ക്രിയാത്മക ലേഖനത്തിന് മാധ്യമ പ്രവര്‍ത്തകന്‍ ശ്രീജിത്ത് ഡിക്കുവിന് ജോണ്‍ പോള്‍ രണ്ടാമന്‍ പാപ്പാ അവാര്‍ഡും പ്രോലൈഫ് പ്രവര്‍ത്തന മികവിനുള്ള സംസ്ഥാനതല പ്രോലൈഫ് അവാര്‍ഡ് സാബു ജോസിനും ബിഷപ് ഡോ പോള്‍ ആന്റണി മുല്ലശേരി സമ്മാനിച്ചു.
Related Articles
Carlo Acutis loved the homeless, St. Francis of Assisi, and souls in purgatory
Ahead of Carlo Acutis’ beatification this week, people who knew the young computer programmer shared their memories of his love
പ്രളയകാലത്തെ നിശബ്ദ വിപ്ലവകാരികൾ..
By – Clinton N C Damian തുറന്നെഴുത്തുകൾക്ക് സമയം അതിക്രമിച്ചിരിക്കുന്നു. പ്രളയബാധിത കേരളത്തിനായി വിഴിഞ്ഞത്തെ മത്സ്യത്തൊഴിലാളികൾ നടത്തിയ ധീരസേവനങ്ങൾക്കിടയിൽ അവർക്ക് കരുത്ത് പകർന്ന ചില നിശബ്ദ
നമ്പി ആരെന്നു ചോദിച്ചു നമ്പിയാരെന്നു ചൊല്ലിനേന്‍
മുന്നൂറു കൊല്ലം മുമ്പ് രസികന്‍ ശ്ലോകമെഴുതിയ കുഞ്ചന്‍നമ്പ്യാരെക്കുറിച്ചല്ല പറയുന്നത്. കോടതി വഴി ഉന്നത പൊലീസുകാരെ ക്ഷയും മയും പറയിപ്പിച്ച നമ്പി നാരായണനെക്കുറിച്ചാണ്, കരുണാകരനെക്കുറിച്ചും മക്കളെക്കുറിച്ചുമാണ്…തമ്പുരാക്കന്മാരെ പൊറുക്കേണം. എല്ലാം
