മതവിശ്വാസങ്ങളെ മാനിക്കണം; ഫാ വിപിൻ മാളിയേക്കൽ

മതവിശ്വാസങ്ങളെ മാനിക്കണം; ഫാ വിപിൻ മാളിയേക്കൽ

കൊച്ചി: മതവിശ്വാസങ്ങളെയും ആചാരങ്ങളെയും മാനിക്കാന്‍ സര്‍ക്കാരും അധികൃതരും തയ്യാറാകണമെന്ന് ജീവനാദം അസോസിയേറ്റ് മാനേജിംഗ് എഡിറ്റര്‍ ഫാ. വിപിന്‍ മാളിയേക്കല്‍ ആവശ്യപ്പെട്ടു. കുമ്പസാരത്തെ അവഹേളിച്ച കേരളഭാഷാ ഇന്‍സ്റ്റിറ്റിയൂട്ട് പ്രസിദ്ധീകരണമായ വിജ്ഞാനകൈരളി മാസികയുടെ എഡിറ്റര്‍ക്കെതിരെ കെസിവൈഎം കൊച്ചി രൂപത സംഘടിപ്പിച്ച പ്രതിഷേധ സമരം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കുമ്പസാരമെന്നത് ക്രൈസ്തവര്‍ പവിത്രമായി കരുതുന്ന കൂദാശയാണ്. കുമ്പസാരത്തെ അവഹേളിക്കുകയും പുതിയതലമുറയ്ക്ക് അതേക്കുറിച്ച് തെറ്റിദ്ധാരണയുണ്ടാക്കുകയും ചെയ്യുന്ന വിധത്തിലാണ് പ്രസിദ്ധീകരണത്തില്‍ എഴുതിയിരിക്കുന്നത്. ഈ മാസിക പിന്‍വലിക്കുകയും ഇത്തരത്തില്‍ എഴുതിയവര്‍ക്കെതിരെ കര്‍ശനനടപടികള്‍ സ്വീകരിക്കുകയും വേണം. മതങ്ങളെയും വിശ്വാസങ്ങളെയും ആചാരങ്ങളെയും ആദരിക്കുന്ന പാരമ്പര്യമാണ് കേരളത്തിനുള്ളത്. ഇതിനു വിരുദ്ധമായ സംഭവങ്ങള്‍ അടുത്തകാലത്തായി വര്‍ധിച്ചു വരുന്നത് ഉത്കണ്ഠയുളവാക്കുന്നുവെന്നും ഫാ. വിപിന്‍ അലോഷ്യസ് മാളിയേക്കല്‍ പറഞ്ഞു.

വിജ്ഞാനകൈരളിയുടെ പത്രാധിപര്‍ക്കെതിരെ കേസ് എടുക്കണമെന്ന് കെസിവൈഎം ആവശ്യപ്പെട്ടു. ക്രൈസ്തവരുടെ കൂദാശയായ കുമ്പസാരത്തെക്കുറിച്ച് തെറ്റിദ്ധരിപ്പിക്കുന്ന പരാമര്‍ശങ്ങള്‍ പ്രസിദ്ധീകരിക്കുകയും മതവിശ്വാസത്തെ അവഹേളിക്കുന്ന രീതിയില്‍ വിദ്യാര്‍ഥികളുടെ ഇടയില്‍ ഉള്‍പ്പെടെ പ്രചരിപ്പിക്കുന്നതിന് ആഹ്വാനം നല്‍കുകയും ചെയ്ത വിജ്ഞാന കൈരളിയുടെ പത്രാധിപര്‍ പ്രൊഫ വി. കാര്‍ത്തികേയന്‍ നായര്‍ക്കെതിരെ മതത്തെയും മതവിശ്വാസത്തെയും അവഹേളിച്ചതിന് നിയമന നടപടികള്‍ സ്വീകരിക്കണമെന്നും ആവശ്യപ്പെട്ടു. കേരളഭാഷ ഇന്‍സ്റ്റിറ്റിയൂട്ട് മാസികയായ വിജ്ഞാനകൈരളി കേരളത്തിലെ എല്ലാ സര്‍വകലാശാലകളും അംഗീകരിച്ച പ്രസിദ്ധീകരണം ആണ്. ഇത്തരത്തില്‍ മത വിദ്വേഷം പുലര്‍ത്തുന്ന, മത ആചാരങ്ങളെ വ്രണപ്പെടുത്തുന്ന പരാമര്‍ശങ്ങളുമായി പത്രാധിപക്കുറിപ്പ് തന്നെ പുറത്തിറങ്ങുന്നത് സര്‍ക്കാര്‍ അറിവോടുകൂടെ ആണോ എന്നു വ്യക്തമാക്കണമെന്നും കെസിവൈഎം ആവശ്യപ്പെട്ടു.
കെസിവൈഎം കൊച്ചി രൂപത പ്രസിഡന്റ് ജോസഫ് ദിലീപ് അധ്യക്ഷത വഹിച്ചു. രൂപത ജനറല്‍ സെക്രട്ടറി ക്രിസ്റ്റി കാലക്കല്‍, ആനിമേറ്റര്‍ ആദര്‍ശ് ജോയ്, കാസി പൂപ്പന, സുമിത് ജോസഫ്, അരുണ്‍ ആന്റണി, മിഥുന്‍ ജോയി, ഡാല്‍വിന്‍ ഡിസില്‍വ എന്നിവര്‍ സംസാരിച്ചു.

Tags assigned to this article:
confessionKcym Kochilatin catholics

Related Articles

സമാധാനത്തിന്റെ നാട് കണ്ണീര്‍ക്കടലായി

ശ്രീലങ്കയിലെ കടല്‍ത്തീരത്തുള്ള മുക്കുവ നഗരം അറിയപ്പെട്ടിരുന്നത് കൊച്ചുറോമെന്നായിരുന്നു. ഇവിടെയുള്ള ക്രൈസ്തവരുടെയും ദേവാലയങ്ങളുടെയും പേരിലാണ് നെഗോംബോ കത്തോലിക്കാ സഭയുടെ പിള്ളത്തൊട്ടിലായ റോമിന്റെ ചെറുപതിപ്പായി അറിയപ്പെട്ടിരുന്നത്. 2019ലെ ഉയിര്‍പ്പുദിനത്തില്‍ ആഹഌദഭരിതരായി

90കാരി മാര്‍ഗരറ്റ് കീനന്‍ കൊവിഡ് വാക്‌സിന്‍ ആദ്യമായി സ്വീകരിച്ച വ്യക്തി

ലണ്ടന്‍: 90കാരിയായ മാര്‍ഗരറ്റ് കീനന് പരീക്ഷണാനന്തരം കൊവിഡ് വാക്‌സിന്‍ നല്‍കി ബ്രിട്ടന്‍ കുത്തിവയ്പിന് തുടക്കമിട്ടു. ബ്രിട്ടീഷ് സര്‍ക്കാര്‍ ജനങ്ങള്‍ക്ക് കൊവിഡ് വാക്‌സിന്‍ നല്‍കുന്നത് ആരംഭിച്ചതോടെയാണ് മാര്‍ഗരറ്റ് കീനന്‍

വി ജോർജിന്റെ തിരുനാൾ ഭവനരഹിതർക്കൊപ്പം ഫ്രാൻസിസ് പാപ്പാ ആഘോഷിച്ചു

ഇന്നലെ ഫ്രാൻസിസ് പാപ്പായുടെ സ്വർഗ്ഗിയ മധ്യസ്ഥനായ വി ജോർജ് ൻറെ തിരുനാളായിരുന്നു . അർജന്റ്റിനകാരനായ ആർച്ച്ബിഷപ് ജോർജ് മാരിയോ ബെർഗോളിയോ 2013 ലാണ് സാർവ്വത്രിക കാതോലിക്കാ സഭയുടെ പരമോന്നത

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*