മത്സ്യത്തൊഴിലാളികള്‍ക്ക് ആവശ്യമായ കാര്യങ്ങള്‍ ചെയ്യേണ്ടത് നാടിന്റെ ഉത്തരവാദിത്വം – മുഖ്യമന്ത്രി പിണറായി വിജയന്‍

മത്സ്യത്തൊഴിലാളികള്‍ക്ക് ആവശ്യമായ കാര്യങ്ങള്‍ ചെയ്യേണ്ടത് നാടിന്റെ ഉത്തരവാദിത്വം – മുഖ്യമന്ത്രി പിണറായി വിജയന്‍

തിരുവനന്തപുരം: നമ്മുടെ നാടിന്റെ പ്രധാന സമ്പത്താണ് മത്സ്യത്തൊഴിലാളികളെന്ന് മുഖ്യമന്ത്രി പിണറായി വിജയന്‍ പറഞ്ഞു. ഓഖി ദുരന്തത്തിനുശേഷമുണ്ടായ മഹാപ്രളയത്തില്‍ കേരളത്തിന്റെ രക്ഷകരായത് മത്സ്യത്തൊഴിലാളികളാണ്. ലോകം മുഴുവന്‍ അവരെ കേരളത്തിന്റെ സൈന്യമെന്നാണ് അഭിസംബോധന ചെയ്യുന്നത്. കേരളം എക്കാലവും മത്സ്യത്തൊഴിലാളികളോടു കടപ്പെട്ടിരിക്കുന്നു. ഓഖി ദുരന്തവാര്‍ഷിക ദിനത്തില്‍ അനുസ്മരണപ്രഭാഷണവും തൊഴിലാളികള്‍ക്കുള്ള നാവിക് ഉപകരണങ്ങളുടെ വിതരണവും നിര്‍വഹിച്ച് സംസാരിക്കുകയായിരുന്നു മുഖ്യമന്ത്രി. കേരളം എക്കാലവും മത്സ്യത്തൊഴിലാളികളോടു കടപ്പെട്ടിരിക്കുന്നു. അവരുടെ പ്രശ്‌നങ്ങള്‍ പരിഹരിക്കുന്നതിന് നാടിന് കടപ്പാടുണ്ട്. ഇക്കാര്യത്തില്‍ എത്രചെയ്താലും മതിയാവില്ലെന്നാണ് സര്‍ക്കാരിന്റെ നിലപാട്. സര്‍ക്കാരിന്റെ പരിമിതികള്‍ക്കുള്ളില്‍ നിന്ന് പരമാവധി കാര്യങ്ങള്‍ ചെയ്യാനാണ് ശ്രമിച്ചുവരുന്നത്. ഓഖി ദുരിതാശ്വാസ നിധിയിലേക്ക് എല്ലാവരും നന്നായി സഹായങ്ങള്‍ ചെയ്തു. നഷ്ടട്ടപ്പെട്ട ജീവനുകള്‍ക്ക് പകരം എന്തു നല്കിയാലും മതിയാകില്ല. പക്ഷേ ആകാവുന്നതിന്റെ പരമാവധി ചെയ്യാനാണ് ശ്രമിക്കുന്നത്. നമ്മുടെ രാജ്യത്തും നമ്മുടെ നാട്ടിലും ദുരന്തങ്ങള്‍ വിവിധ കാലഘട്ടങ്ങളിലുണ്ടായിട്ടുണ്ടെങ്കിലും ഓഖി ദുരന്തത്തിന് കേരളം ചെയ്തതരത്തിലുള്ള നഷ്ടപരിഹാരം രാജ്യത്ത് ഒരിടത്തും നല്കിയിട്ടില്ല.
മുഖ്യമന്ത്രിയുടെ ദുരിതാശ്വാസ നിധിയിലേക്കു ലഭിച്ച തുകയും ചെലവാക്കിയ തുകയും എത്രയെന്ന് പരസ്യപ്പെടുത്തിയിട്ടുണ്ട്. ചിലര്‍ മറ്റു രീതിയില്‍ പ്രചരണങ്ങള്‍ നടത്തിയതുകൊണ്ടാണിത്. ഓഖി ദുരന്തത്തില്‍പെട്ട വ്യക്തികളുടെ കുടുംബങ്ങള്‍ക്ക് നല്കിയ തുക മുഖ്യമന്ത്രിയുടെ ദുരിതാശ്വാസനിധിയിലേക്ക് ലഭിച്ച തുകയെക്കാള്‍ വളരെ കൂടുതലാണ്. 108.34 കോടിയാണ് ദുരിതാശ്വാസനിധിയിലേക്കു ലഭിച്ചത്. വിവിധപദ്ധതികള്‍ക്ക് ചെലവഴിക്കാന്‍ ഭരണാനുമതി നല്‍കിയതാകട്ടെ 110 കോടിയുടേതും. മത്സ്യമേഖലയുടെ സമഗ്രവികസനത്തിനായി 2,000 കോടി രൂപയുടെ പ്രത്യേകപാക്കേജ് 2018-19 ബജറ്റില്‍ ഉള്‍പ്പെടുത്തി നടപ്പിലാക്കുന്നുമുണ്ട്. കടലില്‍ പോകുന്ന മത്സ്യത്തൊഴിലാളികളുടെ സുരക്ഷ ഉറപ്പാക്കുന്ന നടപടികളും സര്‍ക്കാര്‍ സ്വീകരിച്ചുവരുന്നു. അതിന്റെ ഭാഗമായാണ് 40,000 പേര്‍ക്ക് ലൈഫ്ജാക്കറ്റുകളും പതിനായിരം പേര്‍ക്ക് സെല്‍ഫോണും നല്കുന്നത്.
അതേസമയം മത്സ്യത്തൊഴിലാളികളുടെ ന്യായമായ ആവശ്യങ്ങള്‍ക്കു മുന്നില്‍ കേന്ദ്ര സര്‍ക്കാര്‍ മുഖംതിരിച്ചു നില്‍ക്കുകയാണ്. രാജ്യത്തിന്റെ സമ്പത്താണ് മത്സ്യത്തൊഴിലാളികള്‍. എന്നാല്‍ കേന്ദ്രസര്‍ക്കാര്‍ അവരുടെ ആവശ്യങ്ങളോട് അനുഭാവപൂര്‍ണമായ സമീപനം സ്വീകരിക്കുന്നില്ല. ഓഖിദുരന്തത്തിനു പിന്നാലെ മത്സ്യബന്ധന ഇതരമേഖലയുടെ സമഗ്രവികസനത്തിനും പുനഃസ്ഥാപനത്തിനുമായി 7,340 കോടി രൂപയുടെ സ്‌പെഷ്യല്‍ പാക്കേജാണ് കേന്ദ്രത്തിനു സമര്‍പ്പിച്ചത്. പക്ഷെ കണ്ടഭാവംപോലും നടിച്ചില്ല.
പ്രതിസന്ധികളെ അതിജീവിച്ച് അവര്‍ കടലില്‍ പോകുന്നത് ജീവിക്കാനുള്ള വഴിനോക്കി മാത്രമല്ല, നമ്മെ തീറ്റിപ്പോറ്റാനും രാജ്യത്തിന് വരുമാനം ഉണ്ടാക്കിത്തരാനും കൂടിയാണെന്ന് ഓര്‍മവേണമെന്നും മുഖ്യമന്ത്രി പറഞ്ഞു.


Related Articles

കൗമാര പ്രായക്കാരനില്‍ ഉണ്ടായ ഹാര്‍ട്ടറ്റാക്ക്

പാതിരാത്രി ഏതാണ്ട് രണ്ടുമണിയോടുകൂടി ഗാഢനിദ്രയില്‍ ആയിരുന്ന എന്നെ പെട്ടെന്ന് ഉണര്‍ത്തിയത് സുഹൃത്തായ വൈദികന്റെ ടെലഫോണ്‍ വിളിയാണ്. അച്ചന്റെ സഹോദരന്റെ കേവലം 17 വയസുള്ള മകന് കലശലായ നെഞ്ചുവേദന.

സ്‌നേഹത്തിന്റെ മതത്തെക്കുറിച്ച് പറയണം നമ്മള്‍

ശ്രീലങ്കയുടെ ഹൃദയഭൂമിയില്‍ പൊട്ടിയ വിദ്വേഷത്തിന്റെ ബോംബുകള്‍ മാനവികതയ്‌ക്കെതിരായ, മനുഷ്യത്വഹീനമായ വെറിയുടേതാണ്. ഭൂമിയെ കരുതുന്ന, സര്‍വ്വജീവജാലങ്ങളെയും കരുതുന്ന പരസ്പരം ആദരിക്കുന്ന ദിനത്തില്‍ പരസ്പരം കരുതുന്ന മനുഷ്യനന്മയ്‌ക്കെതിരായ അക്രമത്തിന്റെ നിലപാടുകളെ

ഫാ ജോമോന് നല്ല സമരിയാക്കാരൻ്റെ മുഖം

മഹാമാരിയുടെ കാലത്ത് മാനവികതയുടെ കാവൽ മാലാഖകൾ ഈ നാടിനായ് മുന്നിട്ടിറങ്ങുമ്പോൾ ഈ പ്രതിസന്ധിയും നാം അതിജീവിക്കും. മനുഷ്യ സേവനമാണ് ദൈവിക സ്നേഹത്തിലെക്കുള്ള യഥാർത്ഥ വഴിയെന്ന് കാണിച്ചു തരികയാണ്‌

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*