മദ്യനയത്തിനെതിരെ ചൈല്‍ഡ് പാര്‍ലമെന്റ്

മദ്യനയത്തിനെതിരെ ചൈല്‍ഡ് പാര്‍ലമെന്റ്

തിരുവനന്തപുരം: മദ്യത്തിനും സംസ്ഥാന സര്‍ക്കാരിന്റെ മദ്യനയത്തിനുമെതിരെ ചൈല്‍ഡ് പാര്‍ലമെന്റ്. മദ്യവ്യാപാരം പ്രോത്സാഹിപ്പിക്കുന്ന സംസ്ഥാന സര്‍ക്കാര്‍തന്നെ മദ്യത്തിനെതിരെ പ്രചാരണം നടത്തുന്നത് ഇരട്ടത്താപ്പാണെന്ന് ചൂണ്ടിക്കാട്ടി ഇത് അവസാനിപ്പിക്കണമെന്ന് ചൈല്‍ഡ് പാര്‍ലമെന്റ് ആവശ്യപ്പെട്ടു. പ്രതിവര്‍ഷം മദ്യപാനംമൂലമുള്ള അപകടത്തിലൂടെ നാലായിരത്തിലേറെ പേര്‍ സംസ്ഥാനത്ത് അപമൃത്യുവിന് ഇരയാവുന്നുണ്ടെന്നും പാര്‍ലമെന്റ് ചൂണ്ടിക്കാട്ടി ‘ലഹരിരഹിതഭവനം സുന്ദരഭവനം’ എന്ന വിഷയത്തില്‍ വെള്ളയമ്പലത്ത് സമ്മേളിച്ച 49 ചൈല്‍ഡ് പാര്‍ലമെന്റുകളില്‍ നിന്നുള്ള മുന്നൂറോളം പ്രതിനിധികളുടെ സമ്മേളനമാണ് സംസ്ഥാന സര്‍ക്കാരിന്റെ മദ്യനയത്തില്‍ പ്രതിഷേധിച്ചത്.
കൊച്ചുവേളി ചൈല്‍ഡ് പാര്‍ലമെന്റില്‍ അനഘ ആന്റണിയാണ് മദ്യനയം സംബന്ധിച്ച വിഷയം ഉന്നയിച്ചത്. രേഷ്മ രാജേഷ് അധ്യക്ഷത വഹിച്ചു. ആര്‍ച്ച്ബിഷപ് ഡോ. എം. സൂസപാക്യം ഉദ്ഘാടനം ചെയ്തു. ദിവ്യ എസ്. അയ്യര്‍ മുഖ്യസന്ദേശം നല്‍കുകയും ചൈല്‍ഡ് പാര്‍ലമെന്റ് അംഗങ്ങളുമായി സംവദിക്കുകയും ചെയ്തു. സമ്മേളനത്തോടനുബന്ധിച്ച് സംഘടിപ്പിച്ച മദ്യവിരുദ്ധ കാര്‍ട്ടൂണ്‍ രചന, അനവദ്യ ദീപക് കാര്‍ട്ടൂണ്‍ വരച്ച് ഉദ്ഘാടനം ചെയ്തു. ആദിത്യ, ജയിംസ് ഗബ്രിയേല്‍, ഫാ. ലെനിന്‍രാജ്, ഫാ. ജോണി ഡി പോള്‍ എന്നിവര്‍ പ്രസംഗിച്ചു. ഡോ. ജോജു ജോണ്‍ ബോധവല്‍ക്കരണ ക്ലാസ് നയിച്ചു.


Related Articles

സാമൂഹ്യസുരക്ഷയൊരുക്കുമോ ഈ ബജറ്റ്?

കേന്ദ്ര ധനമന്ത്രി നിര്‍മല സീതാരാമന്‍ 2020-21 വര്‍ഷത്തേയ്ക്കുള്ള ബജറ്റ് പാര്‍ലമെന്റില്‍ അവതരിപ്പിച്ചു. സാമ്പത്തികമായി രാഷ്ട്രം മന്ദഗതിയിലാണെന്ന യാഥാര്‍ഥ്യം സാവകാശത്തിലാണല്ലോ പ്രധാനമന്ത്രിയും മന്ത്രിസഭയും അംഗീകരിച്ചത്. രാജ്യത്ത് നടപ്പിലാക്കിയ തട്ടുപൊളിപ്പന്‍

വനനശീകരണം നരവംശഹത്യയെന്ന് ഫ്രാന്‍സിസ് പാപ്പാ

വത്തിക്കാന്‍ സിറ്റി: വനനശീകരണം എന്നാല്‍ നരവംശഹത്യയാണെന്ന് ആമസോണ്‍ മേഖലയുടെ സംരക്ഷണം സംബന്ധിച്ച് ഒക്‌ടോബര്‍ ആറു മുതല്‍ 27 വരെ വിളിച്ചുകൂട്ടുന്ന മെത്രാന്മാരുടെ അസാധാരണ സിനഡിന്റെ പശ്ചാത്തലത്തില്‍ ഇറ്റലിയിലെ

ജനവിധി അംഗീകരിച്ച് സഹകരിച്ച് പ്രവര്‍ത്തിക്കണം-കെസിബിസി

എറണാകുളം: പതിനേഴാം ലോക്‌സഭയിലേക്കുള്ള ജനവിധി അംഗീകരിച്ച് എല്ലാ രാഷ്ട്രീയ പാര്‍ട്ടികളും ജനങ്ങളും പരസ്പരം സഹകരിച്ച് പ്രവര്‍ത്തിക്കണമെന്ന് കേരള കത്തോലിക്ക മെത്രാന്‍ സമിതി (കെസിബിസി) ആവശ്യപ്പെട്ടു. രാജ്യത്തിന്റെ സുരക്ഷിതത്വവും

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*