സാമൂഹിക നീതിക്കായി ജാഗ്രത ഉണര്‍ത്തണം -ഡോ. സെബാസ്റ്റിയന്‍ പോള്‍

സാമൂഹിക നീതിക്കായി ജാഗ്രത ഉണര്‍ത്തണം -ഡോ. സെബാസ്റ്റിയന്‍ പോള്‍

എറണാകുളം: വിശ്വാസപാരമ്പര്യങ്ങളും ആചാരാനുഷ്ഠാനങ്ങളുമൊക്കെ ചോദ്യം ചെയ്യപ്പെടുന്ന ഇക്കാലത്ത് ക്രൈസ്തവ സമൂഹം നേരിടുന്ന പ്രതിസന്ധിയോട് പ്രതികരിക്കാനും സമുദായത്തോടും പൊതുസമൂഹത്തോടും ക്രിയാത്മകമായി സംവദിക്കാനും കാര്യങ്ങള്‍ വിശദമാക്കാനുമുള്ള ആശയവിനിയമ ഉപാധികള്‍ വീണ്ടെടുക്കേണ്ടതുണ്ടെന്ന് മുന്‍ എംപിയും പ്രമുഖ മാധ്യമനിരീക്ഷകനുമായ ഡോ. സെബാസ്റ്റിയന്‍ പോള്‍ പറഞ്ഞു. കേരള റീജ്യന്‍ ലാറ്റിന്‍ കാത്തലിക് ബിഷപ്‌സ് കൗണ്‍സിലിന്റെ കീഴിലുള്ള മാധ്യമ കമ്മീഷന്‍ എറണാകുളത്ത് കര്‍മലീത്താ പ്രൊവിന്‍ഷ്യല്‍ ഹൗസ് ഹാളില്‍ സംഘടിപ്പിച്ച മാധ്യമ ശില്പശാല ഉദ്ഘാടനം ചെയ്യുകയായിരുന്നു അദ്ദേഹം.
കുമ്പസാരം എന്ന കൂദാശ മാത്രമല്ല, വിശ്വാസ സംബന്ധമായ പല മൗലിക വിഷയങ്ങളും സെക്യുലര്‍ സംവിധാനങ്ങളുടെ പരിശോധനയ്ക്കു വിധേയമാകുന്ന സ്ഥിതിവിശേഷമുണ്ട്. സമുദായത്തെ ബാധിക്കുന്ന പല കാര്യങ്ങളിലും വ്യക്തമായ നിലപാടും വിശാലമായ വീക്ഷണവും വച്ചുപുലര്‍ത്താന്‍ നമുക്കു കഴിയണം. സ്വന്തം ജാതിയുടെ കാര്യത്തില്‍ മാത്രം ഒതുങ്ങാതെ, ശബ്ദമില്ലാത്ത വിജാതീയരുടെയും അക്രൈസ്തവ ജനവിഭാഗങ്ങളുടെയും കാര്യത്തില്‍ ഇടപെടാനും സാമൂഹിക നീതിക്കായി പൊരുതാനും ക്രൈസ്തവ മാധ്യമങ്ങള്‍ എക്കാലത്തും മുന്‍പന്തിയിലുണ്ടായിരുന്നു. ഈ മാധ്യമധര്‍മത്തിന്റെ പൈതൃകം സജീവമായി നിലനിര്‍ത്തേണ്ടതുണ്ട്. ഇത്തരം ഇടപെടലിനും ഇടംകണ്ടെത്തലിനുമുള്ള ഉണര്‍വും ഊര്‍ജവുമാണ് ഈ കാലഘട്ടത്തിന്റെ ആവശ്യമെന്ന് ഡോ. സെബാസ്റ്റിയന്‍ പോള്‍ പറഞ്ഞു.
ന്യൂസ് ഫൊട്ടോഗ്രഫിയില്‍ സംസ്ഥാന അവാര്‍ഡ് നേടിയ മനു ഷെല്ലി (മെട്രോ വാര്‍ത്ത), കെ.എം.ആര്‍.എല്‍ ഫൊട്ടോഗ്രഫി അവാര്‍ഡ് നേടിയ ജിപ്‌സന്‍ സെക്വേര (ടൈംസ് ഓഫ് ഇന്ത്യ) എന്നിവരെ കെആര്‍എല്‍സിസി ജനറല്‍ സെക്രട്ടറി ഫാ. ഫ്രാന്‍സിസ് സേവ്യര്‍ താന്നിക്കാപ്പറമ്പില്‍ ആദരിച്ചു.
മാധ്യമ ഇടപെടലുകളും സാമൂഹിക വളര്‍ച്ചയും എന്ന വിഷയത്തില്‍ നടന്ന ചര്‍ച്ചയില്‍ ആന്റണി ജോണ്‍, കെ.ജി. മത്തായി, ജെയിംസ് പീറ്റര്‍, മാര്‍ഷല്‍ ഫ്രാങ്ക്, ജോയി ഗോതുരുത്ത്, ജീവനാദം ചീഫ് എഡിറ്റര്‍ ജെക്കോബി എന്നിവര്‍ പങ്കെടുത്തു.
ജീവനാദം മാനേജിംഗ് എഡിറ്ററായി ആറു വര്‍ഷം സേവനം ചെയ്ത ഫാ. ആന്റണി വിബിന്‍ വേലിക്കകത്തിന് ഉപഹാരം സമ്മാനിച്ചു. കെആര്‍എല്‍സിസി വൈസ് പ്രസിഡന്റ് ഷാജി ജോര്‍ജ്, ഫാ. ഫ്രാന്‍സിസ് സേവ്യര്‍ താന്നിക്കാപ്പറമ്പില്‍, മാധ്യമ കമ്മീഷന്‍ സെക്രട്ടറിയും ജീവനാദം മാനേജിംഗ് എഡിറ്ററുമായ ഫാ. മില്‍ട്ടണ്‍ കളപ്പുരയ്ക്കല്‍, അസോസിയേറ്റ് മാനേജിംഗ് എഡിറ്റര്‍ ഫാ. വിപിന്‍ മാളിയേക്കല്‍, കെ
ആര്‍എല്‍സിസി അസോസിയേറ്റ് ജനറല്‍ സെക്രട്ടറി ഫാ. തോമസ് തറയില്‍, ഷെവലിയര്‍ ഡോ. പ്രീമുസ് പെരിഞ്ചേരി എന്നിവര്‍ പ്രസംഗിച്ചു.


Related Articles

കെ‌സി‌ബി‌സി ആഹ്വാനം ചെയ്ത മരിയൻ വർഷാചരണം റദ്ദാക്കി

  കൊച്ചി: 2021 വിശുദ്ധ യൗസേപ്പിതാവിന്റെ വര്‍ഷമായി ആചരിക്കാന്‍ ഫ്രാന്‍സിസ് പാപ്പ പ്രഖ്യാപനം നടത്തിയ സാഹചര്യത്തില്‍ കെ‌സി‌ബി‌സി ആഹ്വാനം ചെയ്ത മരിയൻ വർഷാചരണം റദ്ദാക്കി. ഫ്രാന്‍സിസ് മാര്‍പാപ്പ

JOMAH ചരിത്ര സെമിനാർ റവ. ഡോ. അലക്സ് വടക്കുംതല ഉദ്ഘാടനം ചെയ്തു

ചതിത്ര പഠനത്തിനും ഗവേഷണത്തിനുമായി സ്ഥാപിതമായിരിക്കുന്ന ജോണ്‍ ഓച്ചന്തുരുത്ത് മെമ്മോറിയല്‍ അക്കാദമി ഓഫ് ഹിസ്റ്ററി (joma) യുടെ ആഭിമുഖ്യത്തില്‍ കെആര്‍എല്‍സിബിസി ഹെറിറ്റേജ് കമ്മീഷന്റെയും കേരളാ ലാറ്റിന്‍ കാത്തലിക്ക് ഹിസ്റ്ററി

“വരാപ്പുഴ എൻറെ അതിരൂപത ” പുസ്തകപ്രകാശനം നടത്തി.

‘വരാപ്പുഴ എന്റെ അതിരൂപത’ എന്ന വരാപ്പുഴ അതിരൂപതയുടെ ചരിത്രം ഉള്‍ക്കൊള്ളുന്ന പുസ്തകത്തിന്റെ പ്രകാശനകര്‍മ്മം വരാപ്പുഴ അതിരൂപത മെത്രാപ്പോലീത്ത അഭിവന്ദ്യ ഡോ. ജോസഫ് കളത്തിപ്പറമ്പില്‍ പിതാവ് നിര്‍വഹിച്ചു. ഇളങ്കുന്നപ്പുഴ

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*