മൂലമ്പിള്ളി: വല്ലാര്‍പാടം ടെര്‍മിനലിലേക്ക് മാര്‍ച്ച് നടത്തി
എറണാകുളം: വല്ലാര്‍പാടം പദ്ധതിക്കു വേണ്ടി തയ്യാറാക്കിയ പുനരധിവാസപ്പാക്കേജിന് 10 വയസ് തികയുന്നതിനോടനുബന്ധിച്ച് കോ-ഓര്‍ഡിനേഷന്‍ കമ്മിറ്റിയുടെ ആഭിമുഖ്യത്തില്‍ വല്ലാര്‍പാടം കണ്ടെയ്‌നര്‍ ടെര്‍മിനല്‍ പദ്ധതി പ്രദേശത്തേക്ക് മാര്‍ച്ച് നടത്തി. പുനരധിവാസ ഉത്തരവ് പ്രകാരം വല്ലാര്‍പാടം പദ്ധതിയില്‍ തൊഴില്‍ നല്‍കുക, വീട് നിര്‍മാണത്തിനുള്ള തടസങ്ങള്‍ നീക്കുക, നിര്‍മാണം പൂര്‍ത്തിയാകുന്നതുവരെ വാടക കുടിശിഖ സഹിതം നല്‍കുക, ഉത്തരവിന് വിരുദ്ധമായി നഷ്ടപരിഹാരത്തുകയില്‍നിന്ന് പിടിച്ചെടുത്ത വരുമാന നികുതി പലിശ സഹിതം തിരിച്ചു നല്‍കുക എന്നീ ആവശ്യങ്ങള്‍ ഉന്നയിച്ചാണ് മാര്‍ച്ച് സംഘടിപ്പിച്ചത്.
മുളവുകാട്, മൂലമ്പിളളി, കോതാട്, ചേരാനല്ലൂര്‍, വടുതല, എളമക്കര, ഇടപ്പളളി, ഏലൂര്‍, മഞ്ഞുമ്മല്‍, കളമശേരി, ഫ്രാങ്കഌന്‍ ഗാര്‍ഡന്‍സ് എന്നീ പ്രദേശങ്ങള്‍ ഉള്‍ക്കൊളളുന്ന ഏഴ് വില്ലേജുകളില്‍നിന്ന് 316 കുടുംബങ്ങളാണ് വല്ലാര്‍പാടം പദ്ധതിക്കുവേണ്ടി 2008ല്‍ ബലമായി കുടിയൊഴിപ്പിക്കപ്പെട്ടത്. പുനരധിവാസത്തിന്റെ ഗുണഫലങ്ങള്‍ അനുഭവിക്കാനാകാതെ ഇതിനകം 24 പേര്‍ മരിച്ചു. നിരവധിപേര്‍ മാനസികരോഗികളായി, അനവധി കുടുംബങ്ങള്‍ ശിഥിലമാക്കപ്പെട്ടു. 48 കുടുംബങ്ങള്‍ക്ക് മാത്രമാണ് തങ്ങള്‍ക്ക് അനുവദിക്കപ്പെട്ട സ്ഥലങ്ങളില്‍ വീട് നിര്‍മിക്കുവാന്‍ സാധിച്ചിട്ടുളളത്. ഇവയില്‍ തന്നെ ഭൂമിയുടെ ഉറപ്പില്ലായ്മ മൂലം നിര്‍മിച്ച ഏഴ് വീടുകള്‍ക്ക് ബലക്ഷയം സംഭവിച്ചിരിക്കുകയാണ്. വഴിയാധാരമാക്കപ്പെട്ട ബഹുഭൂരിപക്ഷം കുടുംബങ്ങളും താല്‍ക്കാലിക ഷെഡുകളിലോ പണയത്തിനും വാടകക്കും എടുത്ത കെട്ടിടങ്ങളിലോ ആണ് ജീവിതം തള്ളിനീക്കുന്നതെന്ന് കോ-ഓര്‍ഡിനേഷന്‍ കമ്മിറ്റി ജനറല്‍ കണ്‍വീനര്‍ ഫ്രാന്‍സിസ് കളത്തുങ്കല്‍ വ്യക്തമാക്കി.
Related Articles
ദുരിതം ഒഴിയാതെ ചെല്ലാനം
കൊച്ചി: കടലാക്രമണത്തിന്റെ ശക്തി കുറഞ്ഞെങ്കിലും ദുരിതമൊഴിയാതെ ചെല്ലാനത്തെ വീടുകള്‍. കടല്‍ അല്പം ശാന്തമാണെങ്കിലും വെള്ളം കയറിയ വീടുകളില്‍ താമസിക്കാന്‍ കഴിയാത്തതിന്റെ ബുദ്ധിമുട്ടിലാണ് ജനങ്ങള്‍. ആയിരത്തോളം വീടുകളിലുള്ളവരാണ് ബന്ധുക്കളുടെയും
ആലപ്പുഴ രൂപതാദിനം 2018 ആചരിച്ചു
ആലപ്പുഴ: ലത്തീന്‍ സമുദായം വിദ്യാഭ്യാസത്തിന് പ്രാധാന്യം നല്കണമെന്ന് ബിഷപ് ഡോ. സ്റ്റീഫന്‍ അത്തിപ്പൊഴിയില്‍ പറഞ്ഞു. വിദ്യാഭ്യാസത്തിലൂടെ മാത്രമേ സമുദായത്തിന് സമൂഹത്തിന്റെ മുന്‍പന്തിയില്‍ എത്താന്‍ സാധിക്കുകയുള്ളു. സംസ്ഥാനത്ത് വിദ്യാഭ്യാസസ്ഥാപനങ്ങള്‍ക്ക്
ജോസഫ് കുരീത്തറ പിതാവിന്റെ അപൂർവ്വ ചിത്രങ്ങൾ
കൊച്ചി രൂപതയെ 24 വർഷം നയിച്ച കൊച്ചി രൂപതയുടെ രണ്ടാമത്തെ തദ്ദേശീയ മെത്രാനായ ബിഷപ്പ് ജോസഫ് കുരീ ത്തറയുടെ ഇരുപത്തി രണ്ടാം ചരമവാർഷികമാണിന്ന്. കൊച്ചി രൂപതയെ പടുത്തുയർത്തിയ
