മൂലമ്പിള്ളി സമരം നീതിക്കുവേണ്ടിയുള്ള വേദനയോടെയുള്ള പോരാട്ടം : ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍
എറണാകുളം: ഒരു നാടിന്റെ തീരാത്ത കണ്ണീരിന് നീതി കിട്ടുവാന്‍ 2008 മുതല്‍ നടത്തുന്ന സമരത്തിന് നിശബ്ദത പാലിക്കുന്ന ഭരണാധികാരികളുടെ നടപടികളെ ഏറെ വേദനയോടെ ഞാന്‍ കാണുകയാണ്. കിടപ്പാടം നഷ്ടപ്പെട്ട കുടുംബങ്ങളുടെ തീരാദു:ഖം എന്നെ ഏറെ അസ്വസ്ഥനാക്കുന്നു. ഏഴ് വില്ലേജുകളിലായി മൂലമ്പിള്ളി ഉള്‍പ്പെടെ 316 കുടുംബങ്ങളില്‍ നിന്ന് കൂടിയൊഴുപ്പിക്കപ്പെട്ട 48 കുടുംബങ്ങള്‍ മാത്രമാണ് വീടു വച്ച് പുനരധിവാസ സ്ഥലങ്ങളില്‍ താമസിക്കുന്നത്. മൂന്നു സൈറ്റുകളില്‍ വച്ച വീടുകള്‍ക്ക് ഭൂമിയുടെ ഉറപ്പില്ലായ്മ മൂലം ബലക്ഷയം സംഭവിച്ചു. മോഹനവാഗ്ദാനങ്ങള്‍ നല്‍കി ചതുപ്പു സ്ഥലങ്ങള്‍ ഒരുക്കി, ഉറപ്പില്ലാത്ത നിലങ്ങളില്‍ അപകടങ്ങള്‍ വിതച്ച് അധികാരികള്‍ കാണിക്കുന്ന അനീതിയുടെ മാര്‍ഗം നമ്മുടെ നാടിനും സംസ്‌കാരത്തിനും നിരക്കുന്നതല്ല. എന്തുകൊണ്ട് ഈ കുടുംബങ്ങളുടെ വേദനകള്‍ കാണാതെ പോകുന്നു. കണ്ണടച്ച് ഇരുട്ടാക്കുന്ന നയം ഒരിക്കലും നീതിപൂര്‍വകമല്ല. പുനരധിവാസ ഭൂമി കെട്ടിടനിര്‍മാണത്തിന് ഉതകുന്നരീതിയില്‍ ക്രമപ്പെടുത്തുകയോ സാമ്പത്തികമായ അവരുടെ പരാധീനതകളെ വേണ്ട വിധത്തില്‍ പരിഹരിക്കുകയോ ചെയ്യണമെന്ന് ഞാന്‍ സര്‍ക്കാരിനോട് ആവശ്യപ്പെടുകയാണ്.
വരാപ്പുഴ അതിരൂപതയുടെ കീഴിലുള്ള മൂലമ്പിള്ളി ഉള്‍പ്പെടുന്ന പ്രദേശങ്ങളിലെ നാനാജാതി മതസ്ഥരായ ജനത്തിന്റെ കണ്ണീരിന് വില നല്‍കാതെ പോകരുതെന്ന് ഓര്‍മപ്പെടുത്താന്‍ ഞാന്‍ ആഗ്രഹിക്കുന്നു. പത്ത് വര്‍ഷങ്ങളായിട്ടുള്ള ഈ ജനകീയപോരാട്ടം ഗൗരവമായി പരിഗണിക്കാതെയിരുന്നാല്‍ അതിന്റെ ഭവിഷ്യത്തുകള്‍ ജനങ്ങള്‍ തിരഞ്ഞെടുത്ത ഭരണാധികാരികള്‍ നേടിടേണ്ടിവരുമെന്നും ആര്‍ച്ച്ബിഷപ് ഓര്‍മിപ്പിച്ചു. മീറ്റിംഗുകളും ചര്‍ച്ചകളും അവസാനിപ്പിച്ച് ക്രിയാത്മകമായി ഈ ജനത്തിന്റെ വേദനകള്‍ക്ക് അറുതി വരുത്താന്‍ സര്‍ക്കാര്‍ സത്വര നടപടികളെടുക്കണമെന്നും ആര്‍ച്ച്ബിഷപ് ആവശ്യപ്പെട്ടു
Related Articles
അധികാര വികേന്ദ്രീകരണത്തിന്റെ തിരഞ്ഞെടുപ്പുകാലം
തദ്ദേശ ഭരണസംവിധാനങ്ങളിലേക്കുള്ള തിരഞ്ഞെടുപ്പു പ്രഖ്യാപിക്കപ്പെട്ടിരിക്കുന്നു. ജനാധിപത്യം ഏറ്റവും താഴെത്തട്ടിലേയ്ക്ക് അതിന്റെ അധികാരമെത്തിക്കുന്ന പ്രക്രിയയില്‍ പങ്കാളിത്തമുണ്ടാക്കാന്‍ ജനജീവിതത്തിന്റെ സ്പന്ദനമറിയുന്നവര്‍ തിരഞ്ഞെടുക്കപ്പെടേണ്ടത് അനിവാര്യമാണ്. ഓരോ പ്രദേശത്തിന്റെയും വികസനം ആ ദേശത്തെ
`ഇല്ലാ, ഗീബല്‍സ്‌ മരിച്ചിട്ടില്ല; ജീവിക്കുന്നു, നേതാക്കളിലൂടെ”
2017 നവംബറില്‍ ഇന്ത്യയിലെ മാധ്യമങ്ങളില്‍ ആകമാനം നിറഞ്ഞുനിന്ന വിവാദ വ്യക്തിയായിരുന്നു ഷൗര്യ ദേവല്‍. ഇദ്ദേഹം നിയന്ത്രിക്കുന്ന `ഇന്ത്യാ ഫൗണ്ടേഷന്‍’ എന്ന സ്ഥാപനവും അതിന്റെ പ്രവര്‍ത്തനവും ആയിരുന്നു വിവാദങ്ങളുടെ
ലോക്ഡൗണ്‍ പിന്‍വലിച്ചാലും എറണാകുളത്ത് നിയന്ത്രണങ്ങള്‍ തുടരും
കൊച്ചി: ലോക്ഡൗണ്‍ പിന്‍വലിച്ചാലും എറണാകുളം ജില്ലയില്‍ നിയന്ത്രണങ്ങള്‍ തുടരുമെന്ന് മന്ത്രി വി.എസ്.സുനില്‍കുമാര്‍. ജനജീവിതം ഉടനെ സാധാരണ നിലയിലേക്ക് എത്തുമെന്ന പ്രചരണം ശരിയല്ലെന്നും കൊവിഡ് പ്രതിരോധപ്രവര്‍ത്തനങ്ങള്‍ സംബന്ധിച്ച വാര്‍ത്താസമ്മേളനത്തില്‍
