മോണ്‍. ജെന്‍സന്‍ പുത്തന്‍വീട്ടില്‍ കോഴിക്കോട് രൂപത വികാരി ജനറല്‍

മോണ്‍. ജെന്‍സന്‍ പുത്തന്‍വീട്ടില്‍ കോഴിക്കോട് രൂപത വികാരി ജനറല്‍

കോഴിക്കോട്: കോഴിക്കോട് രൂപതയുടെ പുതിയ വികാരി ജനറലായി മോണ്‍. ജെന്‍സന്‍ പുത്തന്‍വീട്ടിലിനെ ഏപ്രില്‍ 15ന് ബിഷപ് ഡോ. വര്‍ഗീസ് ചക്കാലക്കല്‍ നിയമിച്ചു. 2014 മുതല്‍ മംഗലാപുരം മേജര്‍ സെമിനാരി തത്വശാസ്ത്രവിഭാഗത്തിന്റെ മേധാവിയായി സേവനം ചെയ്തുവരികയായിരുന്നു മോണ്‍. ജെന്‍സന്‍ പുത്തന്‍വീട്ടില്‍. വരാപ്പുഴ അതിരൂപത ആലുവ സെന്റ് ജൂഡ് എട്ടേക്കര്‍ ഇടവകയില്‍ പുത്തന്‍വീട്ടില്‍ ചാര്‍ളി-മേരി ദമ്പതികളുടെ മൂന്നാമത്തെ മകനായി 1978 ഏപ്രില്‍ 25ന് ജനിച്ചു. ചുണങ്ങംവേലി സെന്റ് ജോസഫ് സ്‌കൂള്‍, കിഴക്കമ്പലം സെന്റ് ജോസഫ് സ്‌കൂള്‍ എന്നിവിടങ്ങളില്‍ പ്രാഥമിക വിദ്യാഭ്യാസം. തുടര്‍ന്ന് കോഴിക്കോട് രൂപതയില്‍ വൈദികവിദ്യാര്‍ഥിയായി. പിന്നീട് തലശേരി ധര്‍മടം മൈനര്‍ സെമിനാരിയിലും മംഗലാപുരം സെന്റ് ജോസഫ് ഇന്റര്‍ ഡയോസിഷന്‍ സെമിനാരിയിലുമായി വൈദികപഠനം പൂര്‍ത്തിയാക്കി.
2005ല്‍ ഡീക്കന്‍ പട്ടവും 2006 ഏപ്രില്‍ 19ന് തിരുപ്പട്ടവും അന്ന് കോഴിക്കോട് ബിഷപ്പായിരുന്ന ഡോ. ജോസഫ് കളത്തിപ്പറമ്പിലില്‍ നിന്ന് സ്വീകരിച്ചു. 2006 മുതല്‍ 2008 വരെ ബിഷപ് ഡോ. ജോസഫ് കളത്തിപ്പറമ്പിലിന്റെ സെക്രട്ടറിയായും വിവാഹകോടതി നോട്ടറിയായും സേവനമനുഷ്ഠിച്ചു. റോമിലെ ഊര്‍ബന്‍ സര്‍വകലാശാലയില്‍ നിന്ന് തത്വശാസ്ത്രത്തില്‍ ഡോക്ടറേറ്റ് നേടിയിട്ടുണ്ട്. 2013ല്‍ മേരിക്കുന്ന് ഹോളി റെഡീമര്‍ ദേവാലയത്തില്‍ വികാരിയായി സേവനമനുഷ്ഠിച്ചു. 2016 മുതല്‍ കോഴിക്കോട് രൂപതയുടെ വൈദികര്‍ക്കായുള്ള കമ്മീഷന്റെ ഡയറക്ടറായും സേവനമനുഷ്ഠിച്ചു വരുന്നു.


Related Articles

കിഴക്കന്‍ യൂറോപ്പില്‍ യുദ്ധഭീതി പടരുമ്പോള്‍

രണ്ടാം ലോകമഹായുദ്ധം കഴിഞ്ഞ് എട്ടു ദശാബ്ദത്തിനുശേഷം യൂറോപ്യന്‍ ഭൂഖണ്ഡം ഏറ്റവും വലിയ യുദ്ധഭീഷണി നേരിടുകയാണ്. കിഴക്കന്‍ യുക്രെയ്‌നിലെ ഡോണ്‍ബാസ് മേഖലയില്‍ കഴിഞ്ഞ എട്ടു വര്‍ഷമായി റഷ്യന്‍ഭാഷ സംസാരിക്കുന്ന

ജപമാലയുടെ ചരിത്രത്തിലേക്ക്

ജപമാലയുടെ ചരിത്രത്തിന് ഏകദേശം 1200 വര്‍ഷങ്ങളോളം പഴക്കമുണ്ട്. പതിമൂന്നാം നൂറ്റാണ്ടില്‍ ബെനഡിക്ടന്‍, ഫ്രാന്‍സിസ്‌കന്‍, ഡൊമിനിക്കന്‍ സഭാംഗങ്ങള്‍ ബൈബിളിലെ 150 സങ്കീര്‍ത്തനങ്ങള്‍ ഒരു ദിവസത്തില്‍ തന്നെ ചൊല്ലുന്ന പതിവുണ്ടായിരുന്നു.

അധ്യാപകരുടെ ധർമ്മസമരം വിജയിച്ചു.

  ഇന്ന് തിരുവനന്തപുരത്ത് അഭിവന്ദ്യ പിതാക്കൻമാരും ടീച്ചേഴ്സ് ഗിൽഡ് പ്രതിനിധികളുമായി വിദ്യാഭ്യാസ മന്ത്രിയും ധനമന്ത്രിയും നടത്തിയ ചർച്ചയിൽ നമ്മൾ ഉന്നയിച്ച ആവശ്യങ്ങൾ അംഗീകരിച്ചു.സർക്കാർ വൈകിട്ട് പത്രക്കുറിപ്പ് ഇറക്കി.

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*