Breaking News

ലോകത്തിലെ ഏറ്റവും വലിയ മുസ്ലിം പള്ളിയിൽ ഫ്രാൻസിസ് പാപ്പാ

ലോകത്തിലെ ഏറ്റവും വലിയ മുസ്ലിം പള്ളിയിൽ ഫ്രാൻസിസ് പാപ്പാ

തിങ്കളാഴ്ച ഉച്ചകഴിഞ്ഞ് പാപ്പായുടെ പ്രഥമ പരിപാടി ലോകത്തില്‍ വച്ച് ഏറ്റവും വലിയ മുസ്ലിം പള്ളികളില്‍ ഒന്നായ ഷെയ്ഖ് സായിദിന്റെ നാമത്തിലുള്ള പള്ളിസന്ദര്‍ശനമായിരുന്നു. 40,000 പേര്‍ക്ക് സ്ഥലസൗകര്യമുള്ള ഈ പള്ളിയുടെ വളപ്പ് 12 ഹെക്ടര്‍ സ്ഥലത്തായി വ്യാപിച്ചുകിടക്കുന്നു. യുഎഇയുടെ സ്ഥാപകനായ ഷെയ്ഖ് സായിദ് ബിന്‍ സുല്‍ത്താന്‍ അല്‍ നഹ്യാന്റെ ആഗ്രഹപ്രകാരമാണ് ഇത് പണികഴിപ്പിക്കപ്പെട്ടത്. 82 കുംഭഗോപുരങ്ങളും 1100 സ്തംഭങ്ങളും 107 മീറ്റര്‍ ഉയരമുള്ള നാലു മിനാരങ്ങളും ഈ പള്ളിയുടെ സവിശേഷതകളാണ്. നിസ്‌ക്കാരത്തിനായുള്ള ഇടം 7,000 പേരെ ഉള്‍ക്കൊള്ളത്തക്ക വിസ്താരമുള്ളതാണ്. മദ്ധ്യത്തിലായി 24 കാരറ്റ് സ്വര്‍ണ്ണം പതിച്ചതും സ്വറോസ്‌കി പളുങ്കുകളാല്‍ തീര്‍ത്തതുമായ ഭീമാകാരമായ ഒരു തൂക്കുവിളക്കുമുണ്ട്.

പാപ്പായെ ഈജിപ്തിലെ അല്‍ അഷറിലെ മുഖ്യ ഇസ്ലാം പണ്ഡിതനായ ഇമാം അഹമ്മദ് അല്‍ തയിബും യുഎഇ വിദേശകാര്യമന്ത്രിയും സഹിഷ്ണുത, സാസ്‌ക്കാരികം എന്നിവയ്ക്കായുള്ള മന്ത്രിയും ചേര്‍ന്ന് സ്വീകരിച്ചു. പാപ്പാ ഷെയ്ഖ് സായിദ് ബിന്‍ സുല്‍ത്താന്‍ അല്‍ നഹ്യാന്റെ ശവകുടീരം സന്ദര്‍ശിച്ചു. അതിനുശേഷം പാപ്പാ പള്ളിയുടെ തുറസ്സായിടത്തേക്ക് ഇമാം അഹമ്മദ് അല്‍ തയിബിനോടൊപ്പം എത്തി. അവിടെ വച്ച് പാപ്പാ ഇസ്ലാം വന്ദ്യസമിതിയുമായി കൂടിക്കാഴ്ച നടത്തി. ഇസ്ലാം സമൂഹങ്ങളില്‍ സമാധാനം പരിപോഷിപ്പിക്കുന്നതിന് അബുദാബി കേന്ദ്രീകരിച്ചു പ്രവര്‍ത്തിക്കുന്ന സ്വതന്ത്ര അന്താരാഷ്ട്ര സംഘടനയാണിത്. നീതി, സ്വാതന്ത്ര്യം, ആധുനികവത്ക്കരണം എന്നീ രംഗങ്ങളില്‍ ശ്രദ്ധേയരായിട്ടുള്ള ഇസ്ലാം പണ്ഡിതരും വിദഗ്ധരും വിശിഷ്ട വ്യക്തികളുമാണ് സമിതിയില്‍ അംഗങ്ങളായിട്ടുള്ളത്.


Related Articles

സെന്റ് വിന്‍സെന്റ് ഡി പോള്‍ സൊസൈറ്റി സെമന്‍ട്രല്‍ കൗണ്‍സില്‍

യുവജനസംഗമം സംഘടിപ്പിച്ചുഎറണാകുളം: കിട്ടുമ്പോഴല്ല കൊടുക്കുമ്പോഴാണ് നാം സന്തോഷിക്കേണ്ടതെന്ന് വരാപ്പുഴ അതിരൂപത യൂത്ത് കമ്മീഷന്‍ ഡയറക്ടറും സെന്റ് ആല്‍ബര്‍ട്‌സ് കോളജ് വൈസ് പ്രിന്‍സിപ്പലുമായ ഫാ. ജോണ്‍ ക്രിസ്റ്റഫര്‍ വടശേരി

വല്ലാര്‍പാടത്തമ്മയുടെ തിരുനാള്‍ കൊടിയേറി

എറണാകുളം: കാരുണ്യത്തിന്റെയും വിമോചനത്തിന്റെയും നാഥയായ പരിശുദ്ധ വല്ലാര്‍പാടത്തമ്മയുടെ മാധ്യസ്ഥ തിരുനാള്‍ കൊടിയേറ്റം ബസിലിക്ക റെക്ടര്‍ ഫാ. മൈക്കിള്‍ തലകെട്ടി നിര്‍വഹിച്ചു. കേരളതീരത്തെ കീര്‍ത്തിത ദേശീയ മരിയന്‍ തീര്‍ഥാടനകേന്ദ്രമായ

സെന്റ്. ആന്റണീസ് ദേവാലയം, അത്താണി രജത ജൂബിലി നിറവിൽ

വരാപ്പുഴ അതിരൂപതയിലെ കാക്കനാട് അത്താണി സെന്റ്. ആന്റണീസ് ദേവാലയത്തിന്റെ രജത ജൂബിലി ആഘോഷങ്ങൾ സെപ്റ്റംബർ 30 ന് അവസാനിക്കും. ഇടവക മധ്യസ്ഥനായ വി.അന്തോനീസിന്റെ തിരുനാളിന് ആരംഭം കുറിച്ച്

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*