ലോക മത്സ്യത്തൊഴിലാളി ദിനത്തില്‍ പ്രതിഷേധ സമരങ്ങള്‍ നടത്തി
കൊച്ചി/ആലപ്പുഴ: കടല്‍ കോര്‍പറേറ്റുകള്‍ക്ക് വില്‍ക്കുന്ന ബ്ലു ഇക്കോണമി നിയമം പിന്‍വലിക്കണമെന്നും മീന്‍പിടുത്ത അവകാശം മത്സ്യത്തൊഴിലാളികള്‍ക്കായി നിജപ്പെടുത്തുന്ന കടലവകാശ നിയമം നടപ്പിലാക്കണമെന്നും ആവശ്യപ്പെട്ട് ലോക മത്സ്യത്തൊഴിലാളി ദിനത്തില്‍ ചെല്ലാനം മിനിഫിഷിങ് ഹാര്‍ബറില്‍ മത്സ്യത്തൊഴിലാളികള്‍ കടല്‍തീര പ്രതിഷേധം നടത്തി.
കേരള സ്വതന്ത്ര മത്സ്യത്തൊഴിലാളി ഫെഡറേഷന്‍ ജില്ല കമ്മിറ്റിയുടെ നേതൃത്വത്തില്‍ നടന്ന പ്രതിഷേധം ഫാ.ജോണ്‍ കളത്തില്‍ ഉദ്ഘാടനം ചെയ്തു. കടലിലെ സമ്പത്ത് കോര്‍പറേറ്റുകള്‍ക്കു തീറെഴുതി കൊടുത്തു മത്സ്യത്തൊഴിലാളികളെ വഞ്ചിക്കരുതെന്നും മത്സ്യമേഖലയെ സംരക്ഷിക്കുന്ന തരത്തില്‍ അവര്‍ക്കു സുരക്ഷ ഉറപ്പാക്കണമെന്നും ഫാ. ജോണ്‍ കളത്തില്‍ പറഞ്ഞു. ഫെഡറേഷന്‍ ജില്ല പ്രസിഡന്റ് പി.വി വില്‍സണ്‍, സെക്രട്ടറി വി. എസ് പൊടിയന്‍, ഫെഡറേഷന്‍ മുന്‍ പ്രസിഡന്റ് ഷിജി തയ്യില്‍, നാഷണല്‍ ഫിഷ്വര്‍ക്കേഴ്സ് ഫോറം ദേശീയ അംഗം ചിന്ന ജോസഫ് എന്നിവര്‍ പ്രസംഗിച്ചു.
കടല്‍ ജീവിതം തകിടം മറിക്കുന്ന ബ്ലു ഇക്കോണമി നിയമം പിന്‍വലിക്കണമെന്നും കടലോരവാസികളെ കുടിയൊഴിപ്പിക്കുന്ന പുനര്‍ഗേഹം പദ്ധതിയിലെ അപാകതകള്‍ പരിഹരിക്കണമെന്നും ആവശ്യപ്പെട്ട് ലോക മത്സ്യത്തൊഴിലാളി ദിനത്തില്‍ ചെല്ലാനം തീരദേശവാസികള്‍ ദീപം തെളിയിച്ചു പ്രതിഷേധിച്ചു. ആലപ്പുഴ രൂപത കെഎല്‍സിഎ അര്‍ത്തുങ്കല്‍, മനക്കോടം ഫെറോനകളുടെ നേതൃത്വത്തില്‍ നടന്ന സമരം ഫാ.ജോസ് അറക്കല്‍ ഉദ്ഘാടനം ചെയ്തു. കെഎല്‍സിഎ സംസ്ഥാന സെക്രട്ടറി ജെസ്റ്റിനാ ഇമ്മാനുവേല്‍, രൂപത ജനറല്‍ സെക്രട്ടറി സന്തോഷ് കൊടിയനാട്, സെബാസ്റ്റ്യന്‍ ചാരക്കാട്ട്, ടൈറ്റസ് കുന്നേല്‍, എഡിസണ്‍ പി.വി എന്നിവര്‍ പ്രസംഗിച്ചു.
Related Articles
എന്തുകൊണ്ട് അങ്ങനെ ചെയ്തു? ഫിറോസ് കുന്നുംപറമ്പിലിന്റെ വിശദീകരണം
ചികില്‍സയ്ക്കായി രൂപീകരിച്ച അക്കൗണ്ടില്‍ എത്തിയ അധിക തുക സംബന്ധിച്ച ആരോപണങ്ങളില്‍ മറുപടിയുമായി സാമൂഹിക പ്രവര്‍ത്തനങ്ങളിലൂടെ സോഷ്യല്‍ മീഡിയല്‍ താരമായ ഫിറോസ് കുന്നുംപറമ്പില്‍. ബാങ്ക് ഓഫ് ഇന്ത്യയുടെ ഒറ്റപ്പാലം
ദേവസ്യ തെക്കെത്തേച്ചേരിൽ (97) നിര്യാതനായി.
വിജയപുരം രൂപത അധ്യക്ഷൻ അഭിവന്ദ്യ സെബാസ്റ്റ്യൻ തെക്കെത്തേച്ചേരിൽ പിതാവിന്റെ പിതാവും വനവാതുക്കര ലിറ്റിൽ ഫ്ലവർ ഇടവകാഗംവുമായ ദേവസ്യ തെക്കെത്തേച്ചേരിൽ (97) നിര്യാതനായി. മൃതസംസ്കാര കർമ്മം നാളെ (10-3-2021)
ഫാ. ബർത്തലോമിയോ കണ്ണങ്കേരി അനുസ്മരണ സമ്മേളനം.
കൊച്ചിയിൽ രൂപതയിൽ കെ.സി.വൈ.എം പ്രസ്ഥാനത്തിന് ആരംഭം കുറിക്കുന്നതിന് മുഖ്യപങ്കുവഹിച്ച, കെസിവൈഎം കൊച്ചി രൂപത പ്രഥമ ഡയറക്ടർ ഫാ. ബർത്തലോമിയോ കണ്ണങ്കേരി അനുസ്മരിച്ചു. 1975 കൊച്ചി
