Breaking News

വനനശീകരണം നരവംശഹത്യയെന്ന് ഫ്രാന്‍സിസ് പാപ്പാ

വനനശീകരണം നരവംശഹത്യയെന്ന് ഫ്രാന്‍സിസ് പാപ്പാ

വത്തിക്കാന്‍ സിറ്റി: വനനശീകരണം എന്നാല്‍ നരവംശഹത്യയാണെന്ന് ആമസോണ്‍ മേഖലയുടെ സംരക്ഷണം സംബന്ധിച്ച് ഒക്‌ടോബര്‍ ആറു മുതല്‍ 27 വരെ വിളിച്ചുകൂട്ടുന്ന മെത്രാന്മാരുടെ അസാധാരണ സിനഡിന്റെ പശ്ചാത്തലത്തില്‍ ഇറ്റലിയിലെ ‘ല സ്താമ്പ’ ദിനപ്പത്രത്തിന് അനുവദിച്ച അഭിമുഖത്തില്‍ ഫ്രാന്‍സിസ് പാപ്പാ പറഞ്ഞു.
‘ആമസോണ്‍ പ്രദേശം: സഭയ്ക്കും പരിസ്ഥിതി വിജ്ഞാനീയത്തിനും നൂതന സരണികള്‍’ എന്നതാണ് സിനഡിന്റെ വിചിന്തന പ്രമേയം. ആമസോണ്‍ മേഖലയില്‍ ബ്രസീല്‍, എക്വദോര്‍, വെനെസ്വേല, സുറിനാം, പെറു, കൊളംബിയ, ബൊളീവിയ, ഗയാന, ഫ്രഞ്ച് ഗയാന എന്നീ രാജ്യങ്ങള്‍ ഉള്‍പ്പെടുന്നു.
നമ്മുടെ ഭൂമിയുടെ അതിജീവനത്തില്‍ സമുദ്രങ്ങളോടൊപ്പംതന്നെ നിര്‍ണായകമായ പങ്ക് ആമസോണ്‍ പ്രദേശത്തിനുണ്ട്. നാം ശ്വസിക്കുന്ന പ്രാണവായുവിന്റെ സിംഹഭാഗത്തിന്റെയും ഉറവിടം ആമസോണ്‍ പ്രദേശമാണ്. ആമസോണ്‍ പ്രദേശത്തുള്ള ജൈവവൈവിധ്യത്തിന്റെയും സസ്യജാലത്തിന്റെയും ജീവികളുടെയും സമ്പന്നത വിസ്മയജനകമാണ്.
ആമോസോണിലെ തദ്ദേശീയ ജനതയ്ക്കും ആ പ്രദേശത്തിനും നേര്‍ക്ക് സമൂഹത്തിലെ പ്രബലശക്തികളുടെ സാമ്പത്തിക, രാഷ്ട്രീയ സ്വാര്‍ത്ഥ താല്പര്യങ്ങളുടെ ഫലമായി ഉയരുന്ന ഭീഷണി ആ പ്രദേശത്തിന്റെ സംരക്ഷണത്തിന് പ്രതിബന്ധമായി ഭവിക്കുന്നുണ്ട്. പ്രകൃതിയെ ചൂഷണം ചെയ്യുന്നത് മാനവകുലത്തിന്റെ നാശ
ത്തിനു കാരണമാകും. ജൈവവൈവിധ്യം ഇല്ലാതാകും; മാരകങ്ങളായ പുതിയ രോഗങ്ങള്‍ ആവിര്‍ഭവിക്കും. ‘സൃഷ്ടിയെ മലിനമാക്കാതിരിക്കുക’ എന്ന സംസ്‌കൃതിക്ക് ജന്മമേകുകയും അത് പ്രസരിപ്പിക്കുകയും ചെയ്യുക അനിവാര്യമാണ്. മേല്‍ക്കോയ്മ ഭാവം അഥവാ പരമാധികാരഭാവം യുദ്ധത്തിലേക്കു നയിക്കുന്ന അപകടമുണ്ടെന്നും യൂറോപ്പ് ചിതറുകയല്ല, മറിച്ച്, ജനതകളുടെ അനന്യതയെ ആദരിച്ചുകൊണ്ട് തുറന്ന മനോഭാവം പ്രകടിപ്പിക്കയാണും വേണ്ടതെന്നും സംഭാഷണം ആവശ്യമാണെന്നും പാപ്പാ പറഞ്ഞു.
ആധിപത്യഭാവം സ്വയം ഒറ്റപ്പെടലിന്റെ ഭാവമാണ്. ഒരു രാഷ്ട്രം പരമാധികാരമുള്ളതായിരിക്കണം, എന്നാല്‍ സ്വയം അടച്ചിടരുത്. പ്രധാനമായും യുദ്ധത്തിലും പട്ടിണിയിലും നിന്നു രക്ഷപ്പെടുന്നതിന് സ്വന്തം നാടുകളില്‍ നിന്ന് പലായനം ചെയ്യുന്നവരാണ് കുടിയേറ്റക്കാര്‍. ജീവനുള്ള അവരുടെ അവകാശം ആദരിക്കപ്പെടേണ്ടതുണ്ട്. യുദ്ധം അവസാനിപ്പിക്കുന്നതിനും സമാധാനം സംസ്ഥാപിക്കുന്നതിനും വേണ്ടി പരിശ്രമിക്കേണ്ടത് കുടിയേറ്റപ്രശ്‌നത്തെ നേരിടുന്നതിനുള്ള മാര്‍ഗങ്ങളില്‍ ഒന്നാണ്. കുടിയേറ്റക്കാരുടെ സ്വന്തം നാടുകളില്‍ മൂലധനം നിക്ഷേപിച്ച് പ്രശ്‌നപരിഹാരത്തിനു ശ്രമിക്കുന്നത് കുടിയേറ്റ പ്രവാഹത്തിന് അറുതിവരുത്തുന്നതിനുള്ള മറ്റൊരു വഴിയാണെന്നും പാപ്പാ പറഞ്ഞു.


Related Articles

പുന്നപ്രയില്‍ യുവജനദിനം ആഘോഷിച്ചു

ആലപ്പുഴ:ആലപ്പുഴ രൂപത യുവജ്യോതി കെസിവൈഎമ്മിന്റെ നേതൃത്വത്തില്‍ പുന്നപ്ര സെന്റ് ജോസഫ് ഇടവകയില്‍ രൂപതാ യുവജനദിനവും സമാധാന സന്ദേശറാലിയും സംഘടിപ്പിച്ചു. ആലപ്പുഴ രൂപതാ കെസിവൈഎം അംഗങ്ങള്‍ നേതൃത്വം നല്‍കിയ

പാര്‍ലമെന്‍റ് തെരഞ്ഞെടുപ്പ് സ്ഥാനാര്‍ത്ഥി നിര്‍ണയ ചര്‍ച്ചകളില്‍ ആശങ്കയെന്ന് കെഎല്‍സിഎ

ലോകസഭാ തിരഞ്ഞെടുപ്പുമായി ബന്ധപ്പെട്ട് എറണാകുളം ആലപ്പുഴ കൊല്ലം എന്നീ പാര്‍ലമെന്‍റ് മണ്ഡലങ്ങളില്‍ സ്ഥാനാര്‍ത്ഥി നിര്‍ണയം സംബന്ധിച്ച് മുന്നണികള്‍ നടത്തുന്ന ചര്‍ച്ചകളില്‍ ആശങ്കയുണ്ടെന്ന് കേരള ലാറ്റിന്‍ കാത്തലിക് അസോസിയേഷന്‍

ആഴക്കടലും തീരവും തീറെഴുതാന്‍ ഇവരാര്?

  ആഴക്കടല്‍ മീന്‍പിടുത്ത മേഖലയില്‍ അമേരിക്കന്‍ നിക്ഷേപമിറക്കിയുള്ള സമുദ്രമന്ഥനത്തിന് മൂന്നു വര്‍ഷമായി കേരളത്തിലെ ഇടതുമുന്നണി കപ്പല്‍ത്തലയാളിയും കൂട്ടരും തന്ത്രപരമായി ഒത്താശചെയ്തുവന്ന സ്വപ്‌നയാനപദ്ധതിയുടെ കള്ളിവെളിച്ചത്തായതോടെ തീരദേശത്ത് വീണ്ടും രാഷ്ട്രീയ

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*