വാതപ്പനിയും വാല്‍വുകളും

വാതപ്പനിയും വാല്‍വുകളും
ഡോ. ജോര്‍ജ് തയ്യില്‍  
                     സ്‌ട്രെപ്‌റ്റോകോക്കസ് അണുബാധ മൂലം തൊണ്ടവേദനയുണ്ടാകുന്ന കുട്ടികളില്‍ ഏകദേശം മൂന്നു ശതമാനത്തിനു മാത്രമാണ് വാതപ്പനി (റുമാറ്റിക് ഫീവര്‍) വരുന്നത്. ഉള്ളില്‍ പ്രവേശിക്കുന്ന ബാക്ടീരിയ തൊണ്ടയുടെ ഇരുപാര്‍ശ്വങ്ങളിലും സ്ഥിതിചെയ്യുന്ന ടോണ്‍സിലുകളെയാണ് ആക്രമിച്ചു  കീഴടക്കുന്നത്. അതോടെ ടോണ്‍സിലുകളും അവയോട് ബന്ധപ്പെട്ടു കിടക്കുന്ന ലസികാഗ്രന്ഥികളും വിങ്ങുകയും തടിക്കുകയും ചെയ്യുന്നു. ഈ സമയം ഉള്ളില്‍ക്കടന്ന ബാക്ടീരിയകളെ തുരത്തുവാന്‍ ശരീരത്തിന്റെ രോഗപ്രതിരോധ സംവിധാനം സജീവമാകുന്നു. അതോടെ അവക്കെതിരായി സവിശേഷതരം ആന്റിബോഡികള്‍ സൃഷ്ടിക്കപ്പെടുന്നു. ഈ ആന്റിബോഡികളുടെ പ്രതിപ്രവര്‍ത്തനം മൂലം കൈകാല്‍ മുട്ടുകള്‍ വിങ്ങുകയും അതീവവേദനയുളവാകുകയും ചെയ്യുന്നു. വാതപ്പനി ഗുരുതരമായ അവസ്ഥയില്‍ പരിപൂര്‍ണ വിശ്രമവും സമുചിതമായ ചികിത്സയും ലഭിക്കാതെ വന്നാല്‍ ആന്റിബോഡികള്‍ ഹൃദയത്തെ അക്രമണവിധേയമാക്കുന്നു. വാതപ്പനി വന്ന 50 ശതമാനം കുട്ടികളില്‍ അത് ഹൃദയത്തെ ബാധിക്കുന്നതായി തെളിയുന്നു.
                     റുമാറ്റിക് ഫീവറിന്റെ ഏറ്റവും പ്രധാനപ്പെട്ടതും ഗുരുതരവുമായ പ്രത്യാഘാതം ഹൃദയവാല്‍വുകള്‍ക്ക് വന്നുഭവിക്കുന്ന സമൂലമായ വീക്കമാണ്. ഒപ്പം ഹൃദയപേശികള്‍ക്കും (മയോകാര്‍ഡൈറ്റിസ്) ഹൃദയ സഞ്ചിക്കും (പെരികാര്‍ഡൈറ്റിസ്) പരിക്കുകളേല്‍ക്കുന്നു. ഹൃദയവാല്‍വുകളുടെ ഘടനക്കും ആകൃതിക്കും സംഭവിക്കുന്ന വൈകല്യങ്ങളാണ് പിന്നീട് രോഗിയെ മരണത്തിലേക്ക് വലിച്ചിഴക്കുന്നത്. രണ്ടുവിധമാണ് വാല്‍വുകള്‍ക്ക് ഘടനാപരിവര്‍ത്തനമുണ്ടാകുന്നത്. ആദ്യത്തേത്, വാല്‍വുകളുടെ അരികുകള്‍ തമ്മില്‍ പറ്റിപ്പിടിക്കുകയും ചുരുങ്ങുകയും ചെയ്യുന്നു. ചുരുങ്ങിയ വാല്‍വ് ആവശ്യാനുസരണം തുറക്കാതെ വന്നാല്‍ രക്തസഞ്ചാരം ദുഷ്‌കരമായി രോഗലക്ഷണങ്ങളുണ്ടാകുന്നു. രണ്ടാമത്തെ അവസ്ഥയില്‍ വാല്‍വുകള്‍ സമൂലമായി ശോഷിക്കുന്നതുകൊണ്ട് അവയുടെ ദൈര്‍ഘ്യം കുറയുകയും ആവശ്യാനുസരണം അടക്കുകയും ചെയ്യുന്നു. തന്മൂലം രക്തം പിന്‍ദിശകളിലേക്ക് തിരിഞ്ഞൊഴുകുന്നു. ഹൃദയത്തിലെ പ്രധാനപ്പെട്ട മൂന്നു വാല്‍വുകളെയും ഈ വൈകല്യങ്ങള്‍ ബാധിക്കാം. ഉടനടി ചികിത്സ ആരംഭിച്ചില്ലെങ്കില്‍ രോഗികളുടെ മരണമാകാം അനന്തരഫലം.

 


Related Articles

വയോധികരെ ചികിത്സിക്കുമ്പോള്‍

മരണത്തിലേക്കുള്ള തയ്യാറെടുപ്പിന്റെ ഭാഗമായിട്ടാണോ വാര്‍ധക്യത്തില്‍ രോഗങ്ങളുണ്ടാകുന്നത്?. അറിയപ്പെടാത്ത അര്‍ത്ഥങ്ങളും അപരിചിതമായ അര്‍ത്ഥങ്ങളും ഉത്പാദിപ്പിക്കപ്പെടുന്ന അവസ്ഥ മാത്രമാണോ വാര്‍ദ്ധക്യത്തിലുണ്ടാകുന്ന രോഗങ്ങള്‍? ക്രൂരസ്വഭാവിനിയായ രോഗവും അതുണ്ടാക്കുന്ന മാനസിക വ്യഥകളും വയോധികരെ

പ്രമേഹബാധിതരിലെ ഹൃദ്രോഗം ദുഷ്‌കരമാകുന്ന ചികിത്സ

പ്രമേഹരോഗത്തിന്റെ ഏറ്റവും സങ്കീര്‍ണമായ പ്രത്യാഘാതം ഹൃദ്രോഗബാധ തന്നെ. പ്രമേഹരോഗികളില്‍ ഹൃദ്രോഗമുണ്ടാകാനുള്ള സാധ്യത ഏതാണ്ട് നാലിരട്ടിയാണ്. 70 ശതമാനം പ്രമേഹബാധിതരും മരണപ്പെടുന്നത് ഹൃദയാഘാതം കൊണ്ടുതന്നെ. പ്രമേഹമില്ലാത്തവരുമായി താരതമ്യപ്പെടുത്തുമ്പോള്‍, ഇന്‍സുലിന്‍

രോഗങ്ങള്‍ വിലക്കുവാങ്ങുന്ന മലയാളികള്‍

ദൈവത്തിന്റെ സ്വന്തം നാടിന് ഇതെന്തുപറ്റി? 2020ല്‍ കേരളീയരുടെ ഭക്ഷണശൈലിയില്‍ പാടെ മാറ്റങ്ങള്‍ വരുത്തണം. രോഗം വിളമ്പുന്ന ഭക്ഷണശാലകള്‍ കേരളത്തിന്റെ ശാപമായി മാറുകയാണ്. ഈയിടെ ഞാന്‍ എറണാകുളത്തുനിന്ന് ആലുവായിലേക്ക്

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*