വാര്‍ധക്യകാല രോഗങ്ങള്‍
പൊതുവായിപ്പറഞ്ഞാല്‍ 65 വയസ്സ് കഴിഞ്ഞ ഏതാണ്ട് 41 ശതമാനം ആള്‍ക്കാരുടെ ആരോഗ്യനിലവാരം തൃപ്തികരമാണെന്നുപറയാം. എന്നാല്‍ 59 ശതമാനം പേര്‍ വിവിധ രോഗപീഢകളാല്‍ കഷ്ടപ്പെടുന്നു. സാമ്പത്തിക നിലവാരം അപര്യാപ്തമാകുമ്പോള്‍ കഷ്ടപ്പാടുകള്‍ കൂടുന്നു. അമേരിക്കപോലുള്ള വികസിത രാജ്യത്ത് പോലും 65 വയസിന് മുകളിലുള്ള 45 ശതമാനം പേര്‍ സാമ്പത്തിക പരാധീനതകള്‍ മൂലം കൃത്യമായ ചികിത്സ പോലും ചെയ്യുവാന്‍ പറ്റാത്ത അവസ്ഥയിലാകുമ്പോള്‍ ഇന്ത്യ പോലുള്ള ഒരു വികസ്വര രാജ്യത്തിന്റെ കാര്യം പറയണോ? ആരോഗ്യ ഇന്‍ഷുറന്‍സും സോഷ്യല്‍ ഇന്‍ഷുറന്‍സും എല്ലാവര്‍ക്കുമില്ലാത്ത ഇന്ത്യയില്‍ മക്കളുടെ സഹായം കൂടി നഷ്ടമായാല്‍ വാര്‍ദ്ധക്യകാലം നരക തുല്യമാകുകയും ചെയ്യും. ഏതൊക്കെയാണ് വാര്‍ദ്ധക്യകാലത്ത് ഉണ്ടാകുന്ന പ്രധാന രോഗങ്ങള്‍? സന്ധിവാതം, ഹൃദ്രോഗം, അര്‍ബുദം, ശ്വാസകോശ രോഗങ്ങള്‍, മറവി രോഗം, അസ്തിക്ഷയം, പ്രമേഹബാധ, വീഴ്ചയും അപകടങ്ങളും, വിഷാദരോഗം ഇവയൊക്കെ തന്നെയാണ് വയോധികരെ കാത്തിരിക്കുന്ന പ്രധാന രോഗാവസ്ഥകള്‍. വൃക്കരോഗവും സ്‌ട്രോക്കും ഇക്കൂടെ ഉള്‍പ്പെടുത്താം.
വയോധികരെ പിടികൂടുന്ന ഏറ്റവും പ്രധാനപ്പെട്ട രോഗാവസ്ഥ സന്ധിവാതങ്ങളാണെന്ന് പറയാം. 49.7 ശതമാനം പേര്‍ക്കും ഇത് ബാധിക്കുന്നു. ഒരു ആയൂഷ്‌ക്കാലം ചെയ്തുകൂട്ടിയ അധ്വാനത്തിന്റെ പരിണത ഫലങ്ങള്‍ സന്ധികളിലുണ്ടാക്കിയ ആഘാതങ്ങളാണ് ഇതിന് കാരണം. വാര്‍ദ്ധക്യകാലത്തെ ഏറെ ദുസ്സഹമാക്കുന്ന രോഗാതുരതയാണിതെന്ന് പറയാം. ആയൂര്‍വേദത്തിലെ ഉഴിച്ചിലും പിഴിച്ചിലും തുടങ്ങി. മുട്ടുമാറ്റിവെയ്ക്കല്‍ ശസ്ത്രക്രിയ വരെ ഇതിനുള്ള പരിഹാരമായുണ്ട്. കശേരുക്കളിലെ തേയ്മാനം കലശലായിട്ടുണ്ടാകുന്ന നടുവേദനയ്ക്കുമുണ്ട് തിരുമ്മു ചികിത്സയും ശസ്ത്രക്രിയയും. ചട്ടുകയും ചടഞ്ഞും നടന്നു തീര്‍ക്കുന്ന വാര്‍ദ്ധക്യകാലം ഏറെ ക്ലേശകരമാണ്. സത്യം പറയട്ടെ, വാര്‍ദ്ധക്യദശയില്‍ ഉണ്ടാകുന്ന സന്ധിരോഗങ്ങള്‍ക്ക് ശാശ്വതമായ യാതൊരു പ്രതിവിധിയുമില്ല. ധാതുസംയുക്തങ്ങള്‍ നഷ്ടപ്പെട്ട് ബലക്ഷയം സംഭവിച്ച അസ്ഥികളെ പുനരുദ്ധരിക്കാന്‍ കൃത്യമായ ചികിത്സകള്‍ ഒന്നും ഇല്ല. സമീകൃതമായ ഭക്ഷണശൈലിയും കൃത്യവും ഊര്‍ജ്ജസ്വലവുമായ വ്യായാമ പദ്ധതിയും വയോധികരുടെ ജീവിതം അനായാസകരമാക്കും. എന്നാല്‍ വ്യായാമ മുറകള്‍ വൈദ്യനിര്‍ദ്ദേശപ്രകാരം മാത്രമേ അനുവര്‍ത്തിക്കാവൂ.
Related Articles
പൊലീസ് ക്രിമിനലുകളെ പോറ്റുന്നതാര്?
മര്യാദയോടെ, എന്നാല്‍ ദൃഢമായി: ഇതാണ് കേരള പൊലീസിന്റെ ഔദ്യോഗിക വെബ്‌സൈറ്റിലെ അടയാളവാക്യം. കുറ്റകൃത്യങ്ങളും കുറ്റവാളികളെയും ട്രാക്ക് ചെയ്യാനുള്ള നെറ്റ്‌വര്‍ക്കും സിസ്റ്റവും, തൊഴില്‍ തേടുന്നവര്‍ക്ക് സ്വഭാവ സര്‍ട്ടിഫിക്കറ്റിനും ഉദ്യോഗാര്‍ഥിയുടെ
കുട്ടനാടിന് സാന്ത്വനവുമായി തേക്കടിയില്‍ നിന്നും കൂട്ടുകാര്‍
തേക്കടി: കുട്ടനാടില്‍ വെള്ളപ്പൊക്കത്തില്‍ ദുരിതമനുഭവിക്കുന്നവര്‍ക്കു ആശ്വാസത്തിന്റെ കൈത്താങ്ങായി തേക്കടി അമലാംബിക കോണ്‍വെന്റ് ഇംഗ്ലീഷ് സ്‌കൂളിലെ കുട്ടികള്‍. അരി, പലചരക്ക്, പച്ചക്കറികള്‍, ബെഡ്ഷീറ്റുകള്‍, സോപ്പ്, കുടിവെള്ളം തുടങ്ങി ഏകദേശം
അക്ഷരശുദ്ധിയും ആത്മവിശുദ്ധിയും
അന്ധകാരത്തില്‍ നിന്നും വെളിച്ചത്തിലേക്ക് ഒരുവന്‍ സ്വയവും മറ്റൊരുവനാലും നയിക്കപ്പെട്ടാല്‍ അത് വിദ്യാഭ്യാസമാണ്. നമ്മിലുള്ള അന്ധകാരത്തെ പൂര്‍ണമായും ഇല്ലാതാക്കി നന്മയുടെ വെള്ളി വെളിച്ചം ഉള്‍ക്കൊള്ളുവാന്‍ ഏതാണോ, ഏതൊന്നാണോ നമ്മെ
