വാളയാറിലെ പെണ്‍കുട്ടികളുടെ കുടുംബത്തിന് നീതി ഉറപ്പാക്കണം: കെഎല്‍സിഡബ്ല്യുഎ
കൊല്ലം: വാളയാറില്‍ അതിക്രൂരമായി പീഡനത്തിനിരയാക്കപ്പെട്ട് കൊലചെയ്യപ്പെട്ട പെണ്‍കുട്ടികളുടെ മരണത്തിനുത്തരവാദികളായവരെ നിയമത്തിനു മുന്നില്‍ കൊണ്ടുവന്ന് അര്‍ഹമായ ശിഷ കൊടുത്ത് പറഞ്ഞ വാക്ക് മുഖ്യമന്ത്രി പാലിക്കണമെന്ന് കേരള ലാറ്റിന്‍ കാത്തലിക് വിമണ്‍സ് അസോസിയേഷന്‍ സംസ്ഥാന പ്രസിഡന്റ് ജെയിന്‍ ആന്‍സില്‍ ഫ്രാന്‍സിസ് ആവശ്യപ്പെട്ടു. കൊല്ലത്ത് കെഎല്‍സിഡബ്ല്യുഎ അംഗങ്ങള്‍ നടത്തിയ പ്രതിഷേധ സമരം ഉദ്ഘാടനം ചെയ്യുകയായിരുന്നു. അവര്‍ നാലും ഒന്‍പതും വയസുണ്ടായിരുന്നു ഈ സഹോദരങ്ങള്‍ പീഡനത്തിനിരയായെന്ന് ഈ രണ്ടു കുട്ടികളുടെയും മരണത്തോടെയാണ് പുറം ലോകമറിയുന്നത്. എന്നാല്‍ മതിയായ തെളിവുകളില്ലെന്ന് പറഞ്ഞ് പ്രതികളെ പോക്‌സോ കോടതി വെറുതെ വിടുകയായിരുന്നു. രണ്ട് പിഞ്ചുമക്കള്‍ നഷ്ടപ്പെട്ട ഈ അമ്മയോടും കുടുംബത്തോടും ഭരണകൂടം തികഞ്ഞ അനാസ്ഥയും അവഹേളനവുമാണ് കാണിക്കുന്നത്. ഇവര്‍ക്ക് നീതി ലഭിക്കുന്നതു വരെ ഈ കുടുംബത്തോടൊപ്പം കെഎല്‍സിഡബ്ല്യുഎ കൂടെയുണ്ടാകുമെന്ന് ജെയിന്‍ ആന്‍സില്‍ പറഞ്ഞു. ഭാരവാഹികളായ വല്‍സലാ ജോയി, ലൂസി ജോസഫ്, ജീവ ജേക്കബ്, സുനിത കുഞ്ഞുമോള്‍, മോളി എന്നിവര്‍ പങ്കെടുത്തു.
Related Articles
സ്ത്രീകളോട് വിവേചനം കാണിക്കുന്നത് ഭരണഘടനാവിരുദ്ധം – ഷാജി ജോര്‍ജ്
എറണാകുളം: സ്ത്രീകളോട് വിവേചനം കാണിക്കുകയും അവരെ മുഖ്യധാരയില്‍നിന്നും മാറ്റിനിറുത്തുകയും ചെയ്യുന്നത് ഭരണഘടനാ മൂല്യങ്ങള്‍ക്ക് വിരുദ്ധമാണെന്ന് കെആര്‍എല്‍സിസി വൈസ് പ്രസിഡന്റ് ഷാജി ജോര്‍ജ് പറഞ്ഞു. വരാപ്പുഴ അതിരൂപത കെഎല്‍സിഡബ്ല്യുഎ സംഘടിപ്പിച്ച
കൊച്ചി രൂപത 58 ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകി
കൊച്ചി രൂപതയിലെ ഇടവകകളിൽനിന്നും പ്രളയത്തിൽ ദുരിതമനുഭവിക്കുന്നവർക്ക് വേണ്ടി ശേഖരിച്ച തുക കൊച്ചി രൂപത മെത്രാൻ ഡോ ജോസഫ് കരിയിൽ മുഖ്യമന്ത്രി ശ്രീ പിണറായി വിജയനെ ഏൽപ്പിച്ചു. കൊച്ചി
വേണം ഒരു പുത്തന്‍ സ്ത്രീസംസ്‌കാരം
അന്താരാഷ്ട്ര വനിതാദിനമായി മാര്‍ച്ച് 8 ലോകമെമ്പാടും ആചരിക്കപ്പെട്ടു. സ്ത്രീത്വത്തെ മഹത്വീകരിക്കാനും അവരുടെ അവകാശങ്ങള്‍ക്ക് പിന്തുണ പ്രഖ്യാപിക്കാനും തിരഞ്ഞെടുക്കപ്പെട്ട ഒരു ദിവസം. തലമുറകളിലൂടെ സമരംചെയ്ത് കൈവന്ന ലിംഗസമത്വം സ്ത്രീകളുടെ
