വാഴ്ത്തപ്പെട്ട കാര്‍ലോ അകുതിസിന്റെ സമ്പൂർണ്ണ ജീവചരിത്ര പുസ്തക പ്രകാശനം നവംബര്‍ 30 തിങ്കളാഴ്ച

വാഴ്ത്തപ്പെട്ട കാര്‍ലോ അകുതിസിന്റെ സമ്പൂർണ്ണ ജീവചരിത്ര പുസ്തക പ്രകാശനം നവംബര്‍ 30 തിങ്കളാഴ്ച

 

ജീന്‍സും ടീഷര്‍ട്ടും കൂളിംഗ് ഗ്ലാസും കംപ്യൂട്ടറും ഇന്റര്‍നെറ്റും ഉപയോഗിച്ച് 15-ാം വയസില്‍ സ്വര്‍ഗത്തിലെ കംപ്യൂട്ടര്‍ പ്രതിഭയായി മാറിയ *’വാഴ്ത്തപ്പെട്ട കാര്‍ലോ അകുതിസ്; 15-ാം വയസില്‍ അള്‍ത്താരയിലേക്ക്’* എന്ന മലയാളത്തിലെ ആദ്യ സമ്പൂര്‍ണ ജീവചരിത്രഗ്രന്ഥം നവംബര്‍ 30 തിങ്കളാഴ്ച പ്രകാശനം ചെയ്യും. വൈകുന്നേരം 5.30 ന് കുമ്പളങ്ങി സേക്രഡ് ഹാര്‍ട്ട് പള്ളിയില്‍ നടക്കുന്ന ചടങ്ങില്‍ *കേരള ലാറ്റിന്‍ കാത്തലിക് ബിഷപ്പ് കൗണ്‍സില്‍ ഡപ്യൂട്ടി സെക്രട്ടറി ജനറല്‍, കെ.ആര്‍.എല്‍.സി.സി. ജനറല്‍ സെക്രട്ടറി റവ.ഫാ. തോമസ് തറയില്‍ പുസ്തകം പ്രകാശനം ചെയ്യും. കെ.എല്‍.സി.എ സംസ്ഥാന ജനറല്‍ സെക്രട്ടറി അഡ്വ. ഷെറി ജെ. തോമസ് ആദ്യ കോപ്പി ഏറ്റുവാങ്ങും.*

2020 ഒക്‌ടോബര്‍ 10 നാണ് ഫ്രാന്‍സിസ് പാപ്പാ 15 വയസുകാരന്‍ കാര്‍ലോ അകുതിസ് എന്ന കൗമാരക്കാരനെ വാഴ്ത്തപ്പെട്ടവനായി പ്രഖ്യാപിച്ചത്. ദിവ്യകാരുണ്യത്തെ പ്രണയിച്ചവനെന്നാണ് കാര്‍ലോയെ വാഴ്ത്തപ്പെട്ടവനായി ഉയര്‍ത്തിക്കൊണ്ട് പാപ്പാ പറഞ്ഞത്. ദിവ്യകാരുണ്യത്തിന്റെ അപ്പസ്‌തോലന്‍, സൈബര്‍ അപ്പസ്‌തോലന്‍… തുടങ്ങി നിരവധി പേരുകളില്‍ കാര്‍ലോ വണങ്ങപ്പെട്ടു തുടങ്ങി. കുട്ടികളുടെയും കൗമാരക്കാരുടെയും യുവാക്കളുടെയും ഒപ്പം ആധുനിക മാധ്യമയുഗത്തിന്റെയും അപ്പസ്‌തോലനായി മാറുകയാണ് കാര്‍ലോ എന്ന 15 വയസുകാരന്‍. ഇറ്റലിയില്‍ സേവനം ചെയ്യുന്ന കൊച്ചി രൂപതാംഗങ്ങളായ വൈദികരാണ് പുസ്‌തകത്തിന്റെ ആശയം.

കാര്‍ലോയുടെ ജീവിതത്തെ ഒന്നാകെ ഒപ്പിയെടുത്ത ഒരു ജീവചരിത്ര പുസ്തകമാണിത്. കാര്‍ലോയുടേതായി ഇതിനകം പ്രശസ്തമായ 36 വാക്യങ്ങള്‍ കൊണ്ടും ഒപ്പം കാര്‍ലോ മാനസാന്തരത്തിലേക്ക് നയിച്ച കാര്‍ലോയുടെ മാതാപിതാക്കളുടെ ഔദ്യോഗിക അഭിമുഖങ്ങളും 13-ാം വയസില്‍ കാര്‍ലോ ക്രിസ്തീയ വിശ്വാസത്തിലേക്ക് സ്വീകരിച്ച ബ്രാഹ്മണ യുവാവിന്റെ സാക്ഷ്യങ്ങളും തുടങ്ങി ഒരു ക്രിസ്ത്യാനിക്ക് സ്വര്‍ഗത്തെത്താന്‍ വേണ്ട സകലതും ഈ 15 വയസുകാരന്‍ അത്ഭുതബാലന്റെ ജീവചരിത്ര പുസ്തകത്തിലുണ്ട്. ഒരൊറ്റ തവണ പ്രാര്‍ത്ഥനയോടെ, മനസിരുത്തി ഈ പുസ്തകം വായിച്ചാല്‍ ആരും ദിവ്യകാരുണ്യഭക്തിയുടെ, സഭയുടെ, നന്മയുടെ പാതയിലെത്തും. അത്രയ്ക്ക് ഹൃദയസ്പര്‍ശിയാണീ വിശുദ്ധ ബാലന്റെ ജീവിത കുറിപ്പുകള്‍.
കുട്ടികള്‍ക്കും കൗമാരക്കാര്‍ക്കും യുവാക്കള്‍ക്കും വിവാഹ ജീവിതത്തിലേക്കും മറ്റു ദൈവവിളികളിലേക്കും പ്രവേശിക്കുന്നവർക്കും മതാധ്യാപകർക്കും യുവജനസംഘടനാംഗങ്ങള്‍ക്കും ഒരുത്തമ വഴികാട്ടിയാണീ 15 വയസുകാരന്റെ ജീവചരിത്ര പുസ്തകം.

2020 ഒക്‌ടോബര്‍ എട്ടിനാണ് ഈ പുസ്തകത്തെക്കുറിച്ചുള്ള അറിയിപ്പ് പ്രസിദ്ധീകരിച്ചത്. ഇതിനകം 4338 കോപ്പികള്‍ ബുക്ക് ചെയ്യപ്പെട്ടു കഴിഞ്ഞു.
പുസ്തകം കഴിയുന്നത്ര എല്ലാവരിലും എത്തിക്കുക എന്ന ലക്ഷ്യത്തോടെ *250 പേജുകളുള്ള പുസ്തകത്തിൻ്റെ ആദ്യ ലക്കം 120 രൂപയ്ക്ക് ലഭിക്കും.* എത്ര പുസ്തകം വേണമെങ്കിലും വി.പി പോസ്റ്റായി 140 രൂപയ്ക്ക് നിങ്ങളുടെ വീട്ടിലെത്തും. പോസ്റ്റുമാൻ പുസ്തകം വീട്ടിൽ കൊണ്ടു വരുമ്പോൾ പണം കൊടുത്താൽ മതിയാകും. പുസ്തകം ആവശ്യമുള്ളവര്‍ 9846333811 വാട്ട്‌സാപ്പ് നമ്പറില്‍ അഡ്രസ് അയക്കുമല്ലോ…

*സെലസ്റ്റിന്‍ കുരിശിങ്കല്‍*


Tags assigned to this article:
biopiccarlo acutis

Related Articles

ലോഗോസ് ക്വിസ്സിന് വേണ്ടി ആപ്പ് ഉണ്ടാക്കി തിരുവനന്തപുരം ലത്തീൻ അതിരൂപത

തിരുവനന്തപുരം ലത്തീന്‍ രൂപതയുടെ കീഴിലെ അജപാലന-മീഡിയാ കമ്മീഷനുകള്‍ സംയുക്തമായി പുറത്തിറക്കിയ ക്വിസ് ഗെയിം ആപ്പ് ഓണ്‍ലൈന്‍ തരംഗമാകുന്നു. കെ.സി.ബി.സി. ബൈബിള്‍ കമ്മിഷന്‍ ആഗോള തലത്തില്‍ സംഘടിപ്പിക്കുന്ന ഏറ്റവും

ജോസ്ഫിന്‍ ജോര്‍ജ് വലിയവീടിനും ഇമ്‌നക്കും സുകൃതം അവാര്‍ഡ്

കൊല്ലം: സുകൃതം ചാരിറ്റബിള്‍ സൊസൈറ്റിയുടെ സുകൃതം അവാര്‍ഡ് ജോസ്ഫിന്‍ ജോര്‍ജ് വലിയവീടിനും ഇമ്‌നക്കും. സാമൂഹ്യപ്രവര്‍ത്തകനും കെസിബിസി പ്രോലൈഫ് ആനിമേറ്ററുമായ ജോര്‍ജ് എഫ്. സേവ്യര്‍ വലിയവീടിന്റെ ഭാര്യയാണ് ജോസ്ഫിന്‍.

കേരള അഡ്മിനിസ്‌ട്രേറ്റീവ് സര്‍വീസ് പഠനശിബിരം നടത്തി

കൊല്ലം: കേരള ലാറ്റിന്‍ കാത്തലിക് വിമണ്‍സ് അസോസിയേഷന്റെ നേതൃത്വത്തില്‍ കേരള അഡ്മിനിസ്‌ട്രേറ്റീവ് സര്‍വീസ് (കെഎഎസ്) പഠനശിബിരം സംഘടിപ്പിച്ചു. ജാതിവ്യവസ്ഥയില്‍ രൂപപ്പെട്ട ഇന്ത്യന്‍ സമൂഹത്തില്‍ ജാതികൊണ്ട് മുഖ്യധാരാപ്രവേശനം ലഭിക്കാതെ

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*