വിദ്യാര്‍ഥികള്‍ രാഷ്ട്രീയ പാര്‍ട്ടികളുടെ ചട്ടുകമാകരുത് -ബിഷപ് ഡോ. വിന്‍സെന്റ് സാമുവല്‍

by admin | June 27, 2019 10:12 am

നെയ്യാറ്റിന്‍കര: വിദ്യാര്‍ഥികള്‍ രാഷ്ട്രീയ പാര്‍ട്ടികളുടെ ചട്ടുകമാകാതെ പഠനപ്രക്രിയ പൂര്‍ത്തീകരിക്കണമെന്ന് നെയ്യാറ്റിന്‍കര ബിഷപ് ഡോ. വിന്‍സെന്റ് സാമുവല്‍. വാഴിച്ചല്‍ ഇമ്മാനുവല്‍ കോളജിന്റെ സില്‍വര്‍ ജൂബിലി ആഘോഷങ്ങളും കോളജിന്റെ ഫ്രെഷേഴ്‌സ്‌ഡെയും ഉദ്ഘാടനം ചെയ്യുകയായിരുന്നു ബിഷപ്.
ആധുനിക കാലത്തെ വിദ്യാഭ്യാസത്തിന്റെ പ്രാധാന്യം മനസിലാക്കി വിദ്യ അഭ്യസിക്കണമെന്നും അദ്ദേഹം ഓര്‍മിപ്പിച്ചു. കോളജ് മാനേജര്‍ മോണ്‍.ജി. ക്രിസ്തുദാസ് സമ്മേളനത്തില്‍ അധ്യക്ഷത വഹിച്ചു. കോളേജ് പ്രിന്‍സിപ്പാള്‍ ഡോ.ജെ.വിജയകുമാര്‍, ഇമ്മാനുവല്‍ ബി.എഡ്.കോളജ് പ്രിന്‍സിപ്പാള്‍ സി. നാരായണപിളള, ഷാജി വില്‍സണ്‍, പ്രിന്‍സലാലി, ബൈജു വി എല്‍, ജി.സെല്‍വിന്‍ ജോസ്, സനല്‍ ക്ലീറ്റസ് തുടങ്ങിയവര്‍ പ്രസംഗിച്ചു.
സില്‍വര്‍ ജൂബിലി ആഘോഷങ്ങളുടെ ഭാഗമായി ബിഷപ്പിന്റെ നേതൃത്വത്തില്‍ പൊന്തിഫിക്കല്‍ ദിവ്യബലിയും അര്‍പ്പിച്ചു. ഒരു വര്‍ഷം നീണ്ടുനില്‍ക്കുന്ന ആഘോഷങ്ങള്‍ക്കാണ് തുടക്കമായത്.

Source URL: https://jeevanaadam.in/%e0%b4%b5%e0%b4%bf%e0%b4%a6%e0%b5%8d%e0%b4%af%e0%b4%be%e0%b4%b0%e0%b5%8d%e2%80%8d%e0%b4%a5%e0%b4%bf%e0%b4%95%e0%b4%b3%e0%b5%8d%e2%80%8d-%e0%b4%b0%e0%b4%be%e0%b4%b7%e0%b5%8d%e0%b4%9f%e0%b5%8d%e0%b4%b0/