Breaking News

വിദ്യാലയങ്ങളെ കലാപഭൂമിയാക്കരുത് – ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍

വിദ്യാലയങ്ങളെ കലാപഭൂമിയാക്കരുത് – ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍

എറണാകുളം: കോളജുകളിലും സ്‌കൂളുകളിലും വിദ്യാര്‍ഥി യൂണിയന്‍ പ്രവര്‍ത്തനത്തിന് നിയമസാധുത നല്‍കാനുള്ള തീരുമാനത്തില്‍നിന്നു സര്‍ക്കാര്‍ പിന്മാറണന്നെും വിദ്യാലയങ്ങളെ കലാപഭൂമിയാക്കാനുള്ള ശ്രമം സര്‍ക്കാര്‍ ഉപേക്ഷിക്കണമെന്നും ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍ ആവശ്യപ്പെട്ടു. കോളജുകളിലും സ്‌കൂളുകളിലും വിദ്യാര്‍ഥി യൂണിയന്‍ പ്രവര്‍ത്തനത്തിന് നിയമസാധുത നല്‍കാനുള്ള സര്‍ക്കാര്‍ തീരുമാനം നിരാശാജനകമാണ്. വിദ്യാര്‍ഥിര ാഷ്ട്രീയത്തിന്റെ പേരില്‍ കേരളം കണ്ടിട്ടുള്ള അക്രമങ്ങളും കൊലപാതകങ്ങളും നമ്മുടെ മനസില്‍നിന്ന് ഇതുവരെ മാഞ്ഞിട്ടില്ല-അദ്ദേഹം ഓര്‍മിപ്പിച്ചു.
തിരുവനന്തപുരം യൂണിവേഴ്‌സിറ്റി കോളജിലും, എറണാകുളം മഹാരാജാസ് കോളജിലും നടന്ന അതിക്രമങ്ങളും നരഹത്യയും കണ്ണില്‍നിന്ന് മായുംമുന്‍പേ ഇങ്ങനെയുള്ള നിയമനിര്‍മാണവുമായി സര്‍ക്കാര്‍ മുന്നോട്ടു പോകുന്നത് ഒരിക്കലും അംഗീകരിക്കാനാവില്ല. വിദ്യാലയങ്ങള്‍ വിദ്യാര്‍ഥികളുടെ നന്മകള്‍ പുറത്തുകൊണ്ടുവരേണ്ട വേദികളാണ്. പുസ്തകവും പേനയും പിടിക്കേണ്ട കൈകളില്‍ പാര്‍ട്ടി കൊടികളും കൊലക്കത്തികളും കൊടുത്ത് അവരുടെ ഉള്ളിലെ നന്മകളെ കെടുത്തി രാഷ്ട്രീയ പാര്‍ട്ടികള്‍ക്കുവേണ്ടി രക്തസാക്ഷികളെ സൃഷ്ടിക്കലാണ് ഇന്നത്തെ വിദ്യാര്‍ഥി രാഷ്ട്രിയം. സമീപകാല സംഭവങ്ങള്‍ അതാണ് വിളിച്ചുപറയുന്നത്-ആര്‍ച്ച്ബിഷപ് പറഞ്ഞു.
മാതാപിതാക്കള്‍ മക്കളെ വിദ്യാലയങ്ങളിലേക്ക് അയക്കുന്നത് അവര്‍ക്ക് നല്ലൊരു ഭാവി സ്വപ്‌നംകണ്ടാണ്. ഓരോ വിദ്യാര്‍ഥിയും സമൂഹത്തിന്റെ പ്രതീക്ഷയാണ്. അവര്‍ക്കുവേണ്ടത് മുല്യങ്ങളും സന്മാര്‍ഗവുമാണ്. അവരുടെ ഉള്ളിലേക്ക് പകയും വെറുപ്പും കുത്തിവച്ച് രാഷ്ട്രീയ മുതലെടുപ്പ് നടത്താന്‍ ഇനിയും വിട്ടുകൊടുക്കരുത്. കാമ്പസ് രാഷ്ട്രീയത്തിന്റെ പേരില്‍ നേതാക്കള്‍ കുട്ടികളെ ആയുധമാക്കുന്നതു പൊറുക്കാനാവാത്ത തെറ്റാണ്. വിദ്യാലയങ്ങളില്‍ പഠനത്തിന് പ്രാധാന്യം കൊടുക്കേണ്ടതിനു പകരം രാഷ്ട്രീയത്തിലേക്കുള്ള റിക്രൂട്ട്‌മെന്റ് ഏജന്‍സികളായി അവരെ മാറ്റിയാല്‍ അത് നാടിനെ നാശത്തിലേക്ക് നയിക്കും. അതുകൊണ്ട് കലാലയങ്ങളെ കലാപഭൂമിയാക്കാനുള്ള ശ്രമം സര്‍ക്കാര്‍ ഉപേക്ഷിക്കണമെന്ന് ആര്‍ച്ച്ബിഷപ് ആവശ്യപ്പെട്ടു.



Related Articles

പ്രതിരോധ കോട്ട തീര്‍ക്കാം പുതുവര്‍ഷത്തില്‍

പുതുവത്സരപ്പിറവിയില്‍ കേരളം ലോക റെക്കോഡുകളുടെ ഗിന്നസ് ബുക്കില്‍ രണ്ടുമൂന്ന് ഇനങ്ങളിലെങ്കിലും ഇടം നേടും – കാസര്‍കോടു മുതല്‍ തിരുവനന്തപുരം വരെ തീരദേശ ജില്ലകളിലായി ദേശീയപാതയില്‍ പടിഞ്ഞാറെ ഓരംചേര്‍ന്ന്

ഫാത്തിമാവിശുദ്ധരുടെ തിരുശേഷിപ്പ് മോഷ്ടിച്ചു

വെറോണ: ഫാത്തിമായില്‍ പരിശുദ്ധ കന്യകമാതാവിന്റെ ദര്‍ശനം സിദ്ധിച്ച വിശുദ്ധരായ ഫ്രാന്‍സിസ്‌കോ, ജസീന്ത മാര്‍ത്തോ എന്നിവരുടെ തിരുശേഷിപ്പ് ഇറ്റലിയിലെ വെറോണയിലെ ദേവാലയത്തില്‍ നിന്ന് മോഷ്ടിക്കപ്പെട്ടു. ഈ വിശുദ്ധരുടെ വസ്ത്രത്തിന്റെ

രാഷ്ട്രീയത്തിന്റെ ഗാന്ധിയന്‍ പാഠം

അധികാരം കൈയൊഴിയുമ്പോള്‍ നേതാവ് പിറക്കുന്നുവെന്ന ചൊല്ലുണ്ട്, അധികാരത്തെച്ചൊല്ലിയും രാജ്യത്ത് നേതൃസ്ഥാനത്തിരിക്കേണ്ടവരെച്ചൊല്ലിയും ഡല്‍ഹിയില്‍ ചൂടുപിടിച്ച ചര്‍ച്ചകളും ബഹളങ്ങളും നടന്നുകൊണ്ടിരുന്ന 1947 ന്റെ തുടക്കമാസങ്ങളില്‍ ഗാന്ധിജി എല്ലാറ്റില്‍ നിന്നും അകന്നുനിന്നു.

No comments

Write a comment
No Comments Yet! You can be first to comment this post!

Write a Comment

Your e-mail address will not be published.
Required fields are marked*