വിശ്വാസ പരിശീലനം ആത്മാവിന്റെ വളര്‍ച്ചയ്ക്ക്: ബിഷപ് ഡോ. സെബാസ്റ്റിയന്‍ തെക്കത്തെച്ചേരില്‍
വിജയപുരം: ആത്മാവിന്റെ വളര്‍ച്ചക്കുപകരിക്കുന്ന വിശ്വാസത്തില്‍ ആഴപ്പെട്ട് ക്രിസ്തുവിനു സാക്ഷ്യം നല്‍കുക എന്ന ലക്ഷ്യത്തോടെ വേണം പുതിയ വര്‍ഷത്തെ മതബോധന പരിശീലന പരിപാടികള്‍ ആരംഭിക്കേണ്ടതെന്ന് ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍ പറഞ്ഞു. വിജയപുരം രൂപതയുടെ മതബോധനദിനം കോട്ടയം അമലനിലയം ഓഡിറ്റോറിയത്തില്‍ ഉദ്ഘാടനം ചെയ്തു സംസാരിക്കുകയായിരുന്നു ബിഷപ്.
വണ്ടിപ്പെരിയാര്‍ യൂണിറ്റിലെ വിദ്യാര്‍ത്ഥിനികളുടെ പ്രാര്‍ത്ഥനാ നൃത്തത്തോടെ ആരംഭിച്ച യോഗത്തില്‍ രൂപതയിലെ 84 ഇടവകകളിലെ മതബോധനയൂണിറ്റുകളില്‍ നിന്നുള്ള അദ്ധ്യാപകരും, പിടിഎ ഭാരവാഹികളും കുട്ടികളുടെ പ്രതിനിധികളും മാതാപിതാക്കളും പങ്കെടുത്തു.
മതബോധന അദ്ധ്യാപക ശുശ്രൂഷയില്‍ 25 വര്‍ഷം പൂര്‍ത്തിയാക്കിയ 15 പേരെ സമ്മേളനത്തില്‍ ആദരിച്ചു. വിവിധ വിഭാഗങ്ങളില്‍ സമ്മാനാര്‍ഹരായവര്‍ക്കു പുരസ്‌കാരങ്ങള്‍ ബിഷപ് സമ്മാനിച്ചു.
ഏറ്റവും നല്ല മതബോധന യൂണിറ്റിനുള്ള ബിഷപ് ബൊനവന്തൂരാ അരാനാ മെമ്മോറിയല്‍ അവാര്‍ഡ് വണ്ടിപ്പെരിയാര്‍ അസംപ്ഷന്‍ യൂണിറ്റും, ബിഷപ് അംബ്രോസ് അബസോള മെമ്മോറിയല്‍ അവാര്‍ഡ് മൂവാറ്റുപുഴ ക്രിസ്തുരാജാ യൂണിറ്റും, ബിഷപ് കൊര്‍ണേലിയൂസ് ഇലഞ്ഞിക്കല്‍ സ്മാരക അവാര്‍ഡ് പയസ് നഗര്‍ പയസ് ടെന്‍ യൂണിറ്റും, ബിഷപ് പീറ്റര്‍ തുരുത്തിക്കോണം സ്മാരക അവാര്‍ഡ് പെരുവ സെന്റ് ഫ്രാന്‍സിസ് ഡീ സാലസ് യൂണിറ്റും കരസ്ഥമാക്കി. പാമ്പനാര്‍ സേക്രട്ട് ഹാര്‍ട്ട് ഇടവകയിലെ സുഭാഷിണി മേരി പത്താം ക്ലാസിലെ ഏറ്റവും ഉയര്‍ന്ന മാര്‍ക്ക് നേടിയവര്‍ക്കുള്ള ‘ഫാ.ജോസഫ് വേണാട്ട് ജന്മശതാബ്ദി’ അവാര്‍ഡും, പന്ത്രണ്ടാം ക്ലാസിലെ ഏറ്റവും ഉയര്‍ന്ന മാര്‍ക്കിനുള്ള അവാര്‍ഡ് വണ്ടിപ്പെരിയാര്‍ ഇടവകയിലെ ത്രേസ്യാമ്മ സെബാസ്റ്റ്യനും ഏറ്റവും നല്ല കൈയ്യെഴുത്തു മാസികക്കുള്ള അവാര്‍ഡ് പൊടിമറ്റം ഇടവക യൂണിറ്റും കരസ്ഥമാക്കി.
രൂപതാ മതബോധന സെക്രട്ടറി സിസ്റ്റര്‍ മേരി അംബിക സിഐഎച്ച് റിപ്പോര്‍ട്ട് അവതരിപ്പിച്ചു. ഡയറക്ടര്‍ ഫാ. വര്‍ഗീസ് കോട്ടയ്ക്കാട്ട് അസോസിയേറ്റ് ഡയറക്ടര്‍ ഫാ. ജോസഫ് നെല്‍സണ്‍, സിസ്റ്റര്‍ ജ്യോതിസ് സിഐഎച്ച് എന്നിവര്‍ പ്രസംഗിച്ചു.
Related Articles
പെണ്‍വാഴ്ചയുടെ സുകൃതങ്ങള്‍
താരുണ്യവും ശ്രീത്വവും അധികാര രാഷ്ട്രീയത്തിന് സവിശേഷ മുഖശോഭയും ചാരുതയും ചാര്‍ത്തുന്നു. രാജ്യത്തെ ഏറ്റവും പ്രായംകുറഞ്ഞ മേയറായി കേരള തലസ്ഥാനനഗരിയില്‍ ഇരുപത്തിയൊന്നുകാരിയായ ആര്യ രാജേന്ദ്രന്‍ അധികാരമേല്‍ക്കുന്നതും, തിരഞ്ഞെടുപ്പിന്
പ്രൊഫ. എബ്രഹാം അറയ്ക്കലിന് കെസിബിസി ഗുരുപൂജ പുരസ്‌കാരം
എറണാകുളം: കേരള കത്തോലിക്കാസഭയുടെ മീഡിയകമ്മീഷന്‍ 2017ലെ അവാര്‍ഡുകള്‍ പ്രഖ്യാപിച്ചു. ഷെവലിയര്‍ പ്രൊഫ. അബ്രാഹം അറയ്ക്കല്‍, ഫാ. അലക്‌സാണ്ടര്‍ പൈകട, മോണ്‍. മാത്യു എം. ചാലില്‍, സോളമന്‍ ജോസഫ്
മരതകദ്വീപിലേക്കുള്ള താമരമാല
ഭാരതീയ ജനതാ പാര്‍ട്ടി എന്ന പേരിന് അധികം താമസിയാതെ അല്പം രൂപഭേദം വരാനുള്ള സാധ്യത തള്ളിക്കളയാനാകില്ല. നേപ്പാളിലും ശ്രീലങ്കയിലും ബിജെപിയെ അധികാരത്തിലെത്തിക്കാന്‍ ആഭ്യന്തരമന്ത്രി അമിത് ഷായുടെ
